ຜູ້ນຳອາເມຣິກາ, ເລີ່ມເດີນໜ້າຖອນຕົວຂໍ້ຕົກລົງປາຣີ

0
986

ຄະນະບໍລິຫານຂອງລັດຖະບານ ໂດນັລ ທຣັມ ກ່າວວ່າ: ໄດ້ເລີ່ມຂັ້ນຕອນທຳອິດຂອງການຖອນຕົວອອກຈາກຂໍ້ຕົກລົງປາຣີ ວ່າດ້ວຍການແກ້ໄຂວິກິດການປ່ຽນແປງສະພາບອາກາດໂລກແລ້ວ. ຊຶ່ງຂັ້ນຕອນດັ່ງກ່າວເປັນຂັ້ນຕອນທຳອິດຂອງຂະບວນການຖອນຕົວຈາກຂໍ້ຕົກລົງປາຣີຊຶ່ງຈະມີຜົນໃນອີກ 1 ປີຫຼັງຈາກນີ້.

ທັງນີ້, ຄວາມເຄື່ອນໄຫວດັ່ງກ່າວເປັນໜຶ່ງໃນຄຳກ່າວຂອງປະທານາທິບໍດີ ທຣັມ ທີ່ຕ້ອງການເພີ່ມການເຕີບໂຕທາງດ້ານອຸດສາຫະ ກຳຂອງປະເທດ, ເຖິງແມ່ນວ່າໃນຫຼາຍລັດຖະບານ ແລະ ນັກວິທະຍາສາດທົ່ວໂລກໄດ້ຮຽກຮ້ອງໃຫ້ນາໆຊາດໃສ່ໃຈກັບບັນຫາຜົນກະ ທົບດ້ານການປ່ຽນແປງສະພາບພູມີອາກາດກໍຕາມ. ອາເມຣິກາເປັນໜຶ່ງໃນປະເທດເສດຖະກິດຂະໜາດໃຫຍ່ທີ່ມີຄ່າການປ່ອຍແກ໊ສເຮືອນແກ້ວສູ່ຊັ້ນບັນຍາກາດຫຼາຍທີ່ສຸດ.

ຂະນະທີ່ລັດຖະມົນຕີຕ່າງປະເທດຂອງອາເມຣິກາກໍໄດ້ໂພສຂໍ້ຄວາມຜ່ານທະວິດເຕີ້ວ່າ: ທີ່ຜ່ານມາອາເມຣິກາໄດ້ດຳເນີນຫຼາຍມາດຕະການຫຼຸດການປ່ອຍຄ່າກາກບອນໃນຊ່ວງຫຼາຍປີກ່ອນໜ້ານີ້, ເຖິງແມ່ນວ່າຈະມີຄວາມຕ້ອງການໃຊ້ພະລັງງານເພີ່ມຂຶ້ນກໍຕາມ. ການເລີ່ມຂະບວນການຖອນຕົວຈາກຂໍ້ຕົກລົງປາຣີຂອງອາເມຣິກາຖືວ່າສວນທາງກັບກະແສສິ່ງແວດລ້ອມຂອງໂລກ, ຊຶ່ງຜູ້ຄົນໃນຫຼາຍປະເທດອອກມາເດີນຂະບວນປະທ້ວງຮຽກຮ້ອງ ໃຫ້ຜູ້ນຳປະເທດຂອງເຂົາເຈົ້າແກ້ໄຂວິກິດການປ່ຽນແປງສະພາບອາກາດຈາກການໃຊ້ເຊື້ອເພີງຟອສຊິລ, ໂດຍທ່ານ ທຣັມ ກຳລັງເຮັດໃນສິ່ງທີ່ກົງກັນຂ້າມກໍຄືເຮັດໃຫ້ອາເມຣິກາຕິດກັບດັກການໃຊ້ເຊື້ອເພີງຟອສຊິລນັ້ນເອງ.

ເຖິງແມ່ນວ່າອາເມຣິກາຈະເລີ່ມຂະບວນການຖອນຕົວຈາກຂໍ້ຕົກລົງປາຣີ, ແຕ່ການບັງຄັບໃຊ້ຂໍ້ຕົກລົງປາຣີກໍຍັງຄົງມີຜົນບັງຄັບໃຊ້ກັບຊາດອື່ນໆທີ່ລົງນາມຮ່ວມກັນໄວ້ໃນການປ່ຽນຜ່ານສູ່ພະລັງງານສະອາດໃນອະນາຄົດຕໍ່ໄປ.

ຮຽບຮຽງ: ເພັງສະຫວັນ

ຮູບພາບ: posttoday

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.