ຜູ້ນຳຟິລິບປິນສັ່ງກວດສອບຄະນະກຳມະການຈັດງານຊີເກມຫຼັງພົບບັນຫາຫຼາຍຢ່າງ

0
7690

ໂຄສົກປະຈຳທຳນຽບຟີລິບປິນໄດ້ເປີດເຜີຍວ່າ: ປະທານາທິບໍດີ ໂຣດຣິໂກ ດູເຕີເຕ ຜູ້ນຳຟິລິບປິນຮູ້ສຶກບໍ່ພໍໃຈຫຼາຍຫຼັງຮັບຮູ້ເຖິງສະ ພາບຄວາມບໍ່ພ້ອມດ້ານຕ່າງໆຂອງການຈັດການແຂ່ງຂັນກີລາຊີເກມທີ່ຟີລິບປິນເປັນເຈົ້າ, ຊຶ່ງສົ່ງຜົນໃຫ້ນັກກີລາຕ່າງຊາດໄດ້ຮັບຜົນກະທົບເຊັ່ນ: ການໄດ້ຮັບອາຫານທີ່ບໍ່ຖືກຕ້ອງກັບຫຼັກສາສະໜາ, ນັກກີລາບໍ່ໄດ້ຮັບຄວາມສະດວກສະບາຍໃນການເດີນທາງ ຫຼື ການເຂົ້າພັກ ແລະ ອື່ນໆ.

ທ່ານ ດູເຕີເຕ ຮູ້ດີວ່າບັນຫາຫຼັກເກີດຈາກ້ານໂລຈິສຕິກ ແລະ ການຄໍລັບເຊິນ ຊຶ່ງເລື່ອງນີ້ທາງລັດຖະບານຈະດຳເນີນການສອບສວນຄະນະກຳມະການຈັດຊີເກມທັງໃນໄລຍະລະຫວ່າງການແຂ່ງຂັນ ແລະ ຫຼັງຈົບການແຂ່ງຂັນທັນທີ ລວມເຖິງກຽມສອບສວນກໍ ລະນີຄົບເພີງທີ່ມີມູນຄ່າ 45 ລ້ານເປໂຊທີ່ກຽມໄວ້ຈູດໄຟໃນພິທີເປີດການແຂ່ງຂັນ.

ທັງນີ້, ສະມາຄົມກີລາຕ່າງປະເທດທີ່ສົ່ງນັກກີລາເຂົ້າຮ່ວມແຂ່ງຂັນຊີເກມໄດ້ມີຂໍ້ສະເໜີໄປຫາຄະນະກຳມະການຊີເກມແຫ່ງຟິລິບປິນໃນຫຼາຍປະເດັນ, ນັບແຕ່ບັນຫາທີ່ພັກນັກກີລາບໍ່ມີຄວາມພ້ອມ, ສະຖານທີ່ຖະແຫຼ່ງຂ່າວຕໍ່ສື່ມວນຊົນຍັງສ້າງບໍ່ແລ້ວ, ການຂົນສົ່ງນັກກີລາຈາກສະໜາມໄປຫາໂຮງແຮມ ຫຼື ໄປທີ່ສະຖານທີ່ຝຶກຊ້ອມ ລວມເຖິງອາຫານການກິນທີ່ບໍ່ພຽງພໍ.

ຮຽບຮຽງຂ່າວ: ພຸດສະດີ
ແຫຼ່ງຂ່າວ: posttoday

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.