ຜູ້ຊ່ຽວຊານເຕືອນ “ມາລາເຣຍ” ດື້ຢາລະບາດໃນອາຊີຕາເວັນອອກສຽງໃຕ້

0
86

ນັກວິໄຈອອກມາເຕືອນວ່າ ກຳລັງເກີດການແຜ່ລະບາດຂອງປໍລະສິດທີ່ເປັນສາເຫດຂອງພະຍາດມາລາເຣຍສາຍພັນໃໝ່ທີ່ດື້ຢາໃນປະເທດແຖບອາຊີຕາເວັນອອກສຽງໃຕ້ ຊຶ່ງນຳໄປສູ່ຄວາມຫຼົ້ມແຫຼວໃນການປິ່ນປົວຄົນໄຂ້ດ້ວຍຢາແບບເກົ່າທີ່ເພີ່ມສູງຂຶ້ນຈົນເຖິງລະດັບທີ່ໜ້າຕົກໃຈ.

ງານວິໄຈ 2 ກໍລະນີທີ່ຕີພິມໃນວາລະສານການແພດແລນເຊັດກ່ຽວກັບພະຍາດຕິດເຊື້ອລະບຸວ່າ ໃນຫຼາຍພື້ນທີ່ຂອງໄທ ຫວຽດນາມ ແລະ ກຳປູເຈຍ ເຊື້ອມາລາເຣຍຫຼາຍກວ່າ 80% ໄດ້ກາຍເປັນເຊື້ອທີ່ດື້ຢາ 2 ຊະນິດທີ່ມີການໃຊ້ປິ່ນປົວພະຍາດມາລາເຣຍຢ່າງແຜ່ຫຼາຍໃນປັດຈຸບັນ ທັງນີ້ ພະຍາດດັ່ງກ່າວມີຍຸງເປັນພາຫະໃນການແຜ່ເຊື້ອປໍລະສິດທີ່ມີເຊື້ອພລາສໂມດຽມ ເຖິງແມ່ນວ່າເຊື້ອພລາສໂມດຽມຈະມີຫຼາຍກວ່າ 120 ຊະນິດແຕ່ວ່າເຊື້ອດັ່ງກ່າວທີ່ກໍ່ໃຫ້ເກີດພະຍາດໃນຄົນມີພຽງແຕ່ 4 ຊະນິດຄື Plasmodium vivax P. ovale P. malariae ແລະ P. falciparum.

ການຄົ້ນພົບທີ່ໜ້າວິຕົກກັງວົນໃນຄັ້ງນີ້ເປັນໂຕບົ່ງຊີ້ວ່າບັນຫາການດື້ຢາໃນປໍລະສິດປໍໂຣຊົວໃນພລາສໂມດຽມ P. Falciparum ຫຼຸດຕ່ຳລົງເລື້ອຍໆ ຊຶ່ງໃນພູມີພາກອາຊີຕາເວັນອອກສຽງໃຕ້ນັບແຕ່ປີ 2014 ເປັນຕົ້ນມາ ຊຶ່ງລະບຸໂດຍ ທ່ານ ໂອລິວິໂອ ມິອ໊ອດໂຕ ຈາກສະຖາບັນແຊງເງີ ແລະ ມະຫາວິທະຍາໄລອ໊ອກຟອດ ໜຶ່ງໃນຜູ້ຮ່ວມຂຽນລາຍງານດັ່ງກ່າວ.

ທັງນີ້ ປໍລະສິດສາຍພັນດື້ຢາຕ້ານມາລາເຣຍເຫຼົ່ານີ້ຍັງມີທ່າອຽງທີ່ຈະແຜ່ລະບາດໄປຍັງພື້ນທີ່ ອື່ນໆ ຈຶ່ງຈຳເປັນທີ່ຈະຕ້ອງມີການພັດທະນາຢາທີ່ມີຄຸນສົມບັດໃນການປິ່ນປົວພະຍາດດັ່ງ ກ່າວຂຶ້ນມາໃໝ່ ສິ່ງທີ່ໜ້າວິຕົກກໍຄື ຫາກເກີດການແຜ່ລະບາດໄປເຖິງທະວີບອາຟຣິກາທີ່ເປັນແຫຼ່ງແຜ່ລະບາດສຳຄັນຂອງພະຍາດດັ່ງກ່າວຈະເກີດຫຍັງຂຶ້ນ? ທັງນີ້ ມີປະຊາກອນຫຼາຍກວ່າ 200 ລ້ານຄົນທີ່ເປັນພະຍາດມາລາເຣຍຊຶ່ງໃນຈຳນວນນີ້ປໍລະສິດ P. Falciparum ເປັນສາເຫດຂອງການເສຍຊີວິດເນື່ອງຈາກພະຍາດມາລາເຣຍເຖິງ 9 ໃນ 10 ຄົນທົ່ວໂລກ.

ຂະນະທີ່ຢາທີ່ມີການໃຊ້ຢ່າງແຜ່ຫຼາຍເພື່ອຈັດການກັບພະຍາດມາລາເຣຍເປັນທີ່ຮູ້ຈັກກັນໃນຊື່ DHA-PPQ ແຕ່ແພດເລີ່ມພົບສັນ ຍານຂອງການດື້ຢາໃນປີ 2013 ໂດຍຜົນການສຶກສາຫຼ້າສຸດພົບວ່າ ໂຕເລກການດື້ຢາເພີ່ມສູງຂຶ້ນຢ່າງຫຼວງຫຼາຍ ໂດຍໃນພື້ນທີ່ຕາ ເວັນຕົກສຽງໃຕ້ຂອງຫວຽດນາມອັດຕາການດື້ຢາເພີ່ມຂຶ້ນເປັນ 53% ຂະນະທີ່ໃນພາກຕາເວັນອອກສຽງເໜືອຂອງໄທເພີ່ມສູງເຖິງ 87%.

 

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: matichon

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.