ປິດສາກການແຂ່ງຂັນເຕະບານ ຄອມມານໂດ ສາຍ (ກ) ປະຈຳປີ 2019

0
61

ພາຍຫຼັງທີ່ໄດ້ດຳເນີນການແຂ່ງຂັນເຕະບານ ຄອມມານໂດ ສາຍ (ກ) ປະຈຳປີ 2019 (ລະຫວ່າງວັນທີ 5-6 ຕຸລາ 2019) ຊຶ່ງເປັນການແຂ່ງຂັນຂັນນັດສຸດທ້າຍຈັດຂຶ້ນຢູ່ທີ່ສະຫນາມກີລາຫຍ້າທຽມ ສະຫະພັນບານເຕະແຫ່ງຊາດລາວ ສະຫນາມ 1 ໂດຍການແຂ່ງຂັນລະຫວ່າງ ສະໂມສອນກອງທັບ ເອຟຊີ ທີມອັນດັບ 4 ພົບກັບສະໂມສອນ ປກສ ເອຟຊີ ທີມອັນດັບ 1 ຂອງຕາຕະລາງຜ່ານການແຂ່ງຂັນປາກົດວ່າ ສະໂມສອນກອງທັບສາມາດເອົາຊະນະສະໂມສອນ ປກສ 2-0 ປະຕູ.

ສະຫຼຸບອັນດັບຕາຕະລາງຄະແນນການແຂ່ງຂັນເຕະບານຄອມມານໂດ ສາຍ (ກ) ປະຈຳປີ 2019 ອັນດັບ 1 ໄດ້ແກ່ທີມ ປກສ ເອຟຊີ ມີ 56 ຄະແນນ ໄດ້ຮັບຂັນຊະນະເລີດພ້ອມຫຼຽນລາງວັນ ໄດ້ຮັບເງິນສົດ 30.000.000 ກີບ ອັນດັບ 2 ຕົກເປັນຂອງທີມ ຊ້າງນ້ອຍ ມີ 54 ຄະແນນ ໄດ້ຮັບເງິນສົດ 20.000.000 ກີບ ອັນດັບ 3 ທີມກອງທັບ ມີ 47 ຄະແນນ ໄດ້ຮັບເງິນສົດມູນຄ່າ 10.000.000 ກີບ ອັນດັບ 4 ທີມນະຄອນຫຼວງວຽງຈັນ ເອຟຊີ ມີ 46 ຄະແນນ ອັນດັບ 5 ທີມ ມຊ ເອຟຊີ ມີ 36 ຄະແນນ.

ສ່ວນລາງວັນດາວຍິງສູງສຸດຕົກເປັນຂອງ ທ້າວ ພັດທະວີ ທອງດາວົງ ຈາກສະໂມສອນ ນະຄອນຫຼວງວຽງຈັນ ເອຟຊີ ຍິງໄດ້ 29 ປະຕູ ທີມມາລະຍາດດີເດັ່ນຕົກເປັນຂອງສະໂມສອນ ເຄພີເອັສ ເອຟຊີ ໂອກາດດັ່ງກ່າວໃຫ້ກຽດມອບລາງວັນໂດຍ ທ່ານ ບົວລານ ສິລິປັນຍາ ຮອງ​ລັດຖະມົນຕີກະຊວງສຶກສາທີການ ແລະ ກີລາ ທ່ານ  ສາມາດ ອັດສະຣະສະກອນ ຜູ້ອຳນວຍການຕະຫຼາດ (CHIEF MARKETING OFFICER) ບໍລິສັດ ກຣຸງ ສະຫຍາມ ເບເວີເຣສ ຈຳກັດ ທ່ານ ວີເພັດ ສີຫາຈັກຣ ປະທານສະຫະ ພັນບານເຕະແຫ່ງຊາດລາວ ແລະ ທ່ານ ຄຳໄຜ່ ປຣະເສີດ ຮອງປະທານສະຫະພັນບານເຕະແຫ່ງຊາດລາວ.

 

 

 

 

 

ໂດຍ: ພ.ສະຫວັນ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.