ປະຫວັດ “ບຸນເຂົ້າພັນສາ” ມີຫຍັງແດ່ມາຮູ້ພ້ອມກັນ

0
2207

ມື້ນີ້ພວກເຮົາຈະພາບັນດາທ່ານມາຮູ້ຈັກກັບປະເພນີ ບຸນເຂົ້າພັນສາ ວັນເຂົ້າພັນສາ ກົງກັບແຮມ 1 ຄ່ຳ ເດືອນ 8 ປະຫວັດວັນເຂົ້າພັນສາ ຄວາມສຳຄັນ ແລະ ກິດຈະກຳຕ່າງໆທີ່ກ່ຽວກັບປາງບຸນໃຫຍ່ລະດັບຊາດນີ້ມາຝາກ ບຸນເຂົ້າພັນສາຄືວັນສຳຄັນທາງພຸດທະສາສະໜາ ຊຶ່ງເປັນວັນທີ່ພຣະສົງເຖຣະວາທຈະອະທິຖານວ່າຈະພັກປະຈຳຢູ່ທີ່ໃດທີ່ໜຶ່ງຕະຫຼອດໄລຍະເວລາທີ່ມີກຳນົດ 3 ເດືອນ ຕາມທີ່ພຣະທັມວິນັຍບັນຍັຕໄວ້ ໂດຍບໍ່ໄປຄ້າງແຮມທີ່ບ່ອນອື່ນ ຫຼື ທີ່ຮຽກຕິດປາກກັນໂດຍທົ່ວໄປວ່າ “ຈຳພັນສາ” ນັ້ນເອງ.

ປະຫວັດວັນເຂົ້າພັນສາ “ເຂົ້າພັນສາ” ແປວ່າ “ພັກຝົນ” ຫມາຍເຖິງພຣະພິຂຸສົງຕ້ອງຢູ່ປະຈຳໃນວັດໃດວັດໜຶ່ງລະຫວ່າງລະດູຝົນ ໂດຍເຫດທີ່ພຣະພິຂຸໃນສະໄໝພຸດທະການ ມີຫນ້າທີ່ຈະຕ້ອງຈາຣິກໂປດສັຕ ແລະເຜີຍແຜ່ພຣະທັມຄຳສອນແກ່ປະຊາຊົນໄປໃນທີ່ຕ່າງໆ ບໍ່ຈຳເປັນຕ້ອງມີບ່ອນຢູ່ປະຈຳແມ່ນໃນລະດູຝົນຊາວບ້ານຈຶ່ງຕຳນິວ່າໄປຢຽບເຂົ້າກ້າ ແລະ ພືດພັນອື່ນໆ ຈົນເສຍຫາຍ ພຣະ ພຸດທະເຈົ້າຈຶ່ງວາງລະບຽບການຈຳພັນສາໃຫ້ພຣະພິຂຸຢູ່ປະຈຳທີ່ບ່ອນເກົ່າຕະຫຼອດ 3 ເດືອນໃນລະດູຝົນ ຄືເລີ່ມຕັ້ງແຕ່ວັນແຮມ 1 ຄ່ຳ ເດືອນ 8 ຂອງທຸກປີ ຮຽກວ່າ “ປຸຣິມພັນສາ”.

ຖ້າປີໃດມີເດືອນ 8 ສອງຄັ້ງ (ສອງຫົນ) ກໍເລື່ອນມາເປັນວັນແຮມ 1 ຄ່ຳ ເດືອນແປດຫລັງ ແລະ ອອກພັນສາໃນວັນຂຶ້ນ 15 ຄ່ຳ ເດືອນ 11 ຮຽກວ່າ “ປັຈສິມພັນສາ” ເວັ້ນແຕ່ມີກິຈທຸຣະຄືເມື່ອເດີນທາງໄປແລ້ວບໍ່ສາມາດຈະກັບໄດ້ໃນມື້ນັ້ນ ກໍໄດ້ອະນຸຍາດໃຫ້ໄປແຮມຄືນໄດ້ຄາວໜຶ່ງບໍ່ເກີນ 7 ຄືນ ຮຽກວ່າ “ສັຕຕາຫະ” ຫາກເກີນກຳໜົດນີ້ຖືວ່າບໍ່ໄດ້ຮັບປະໂຫຍດແຫ່ງການຈຳພັນສາ ຈັດວ່າພັນສາຂາດ ສຳຫຼັບຂໍ້ຍົກເວັ້ນໃຫ້ພິຂຸຈຳພັນສາທີ່ບ່ອນອື່ນໄດ້ ໂດຍບໍ່ຖືເປັນການຂາດພັນສາ ເວັ້ນແຕ່ເກີນ 7 ວັນ ໄດ້ແກ່ 1 ການໄປຮັກສາພະຍາບານພິຂຸ ຫຼືຶ ບິດາມາດາທີ່ເຈັບປ່ວຍ 2 ການໄປລະງັບພິຂຸສາມະເນນທີ່ຢາກຈະສິກບໍ່ໃຫ້ສິກໄດ້ 3 ການໄປເພື່ອກິຈ ທຸຣະຂອງຄະນະສົງເຊັ່ນ ການໄປຫາອຸປະກອນມາຊ່ອມແປງກຸຕິທີ່ຊຳລຸດເປ່ເພ 4 ຫາກທາຍົກນິມົນໄປທຳບຸນກໍໄປສະຫຼອງສັທທາໃນການບຳເພັນກຸສົລຂອງເຂົາໄດ້ ນອກຈາກນີ້ຫາກລະຫວ່າງເດີນທາງກົງກັບວັນຢຸດເຂົ້າພັນສາພໍດີພຣະພິຂຸສົງເຂົ້າມາທັນໃນໝູ່ບ້ານ ຫຼື ໃນເມືອງກໍພໍຈະຫາທີ່ພັກພິງໄດ້ຕາມສົມຄວນ ແຕ່ຖ້າມາບໍ່ທັນກໍຕ້ອງເພິ່ງອາໄສເຫງົ້າໄມ້ໃຫຍ່ເປັນທີ່ພັກແຮມ ຊາວບ້ານເຫັນພຣະໄດ້ຮັບຄວາມລຳບາກເຊັ່ນນີ້ຈຶ່ງຊ່ວຍກັນປຸກຕູບເພື່ອໃຫ້ທ່ານໄດ້ອາໄສພັກຝົນຮວມກັນຫຼາຍໆອົງ ທີ່ພັກດັງກ່າວນີ້ຮຽກວ່າ “ວິຫາຣ” ແປວ່າທີ່ຢູ່ຂອງສົງ ເມື່ອໝົດແລ້ວພຣະສົງທ່ານອອກຈາຣິກຕາມກິຈຂອງທ່ານຄັນຍາມ ເຖິງໜ້າຝົນໃໝ່ທ່ານກໍກັບມາພັກອີກເພາະສະດວກດີ ແຕ່ບາງທ່ານຢູ່ປະຈຳເລີຍ ບາງທີເສສຖີມີຈິຕສັທທາເຫຼື້ອມໃສໃນພຣະພຸດທະສາສະໜາກໍເລືອກຫາສະຖານທີ່ສະຫົງບງຽບບໍ່ຫ່າງໄກຈາກຊຸມຊົນປານໄດສ້າງທີ່ພັກຮຽກວ່າ “ອາຣາມ” ໃຫ້ເປັນທີ່ຢູ່ຂອງສົງດັ່ງເຊັນປັດຈຸບັນນີ້.

 

 

ບົດໂດຍ: ບຸດສະດີ ສາຍນໍ້າມັດ

 

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.