ປະຊາຊົນເຂດບ້ານ “ຕານມີໄຊ-ສີເກີດ” ກຽມໃຊ້ທາງເສັ້ນໃໝ່ທ້າຍປີີນີ້!!

0
580

ເປັນອີກໜຶ່ງເສັ້ນທາງທີ່ມີການກໍ່ສ້າງທີ່ຍືດເຍື້ອຍາວນານສົມຄວນສຳລັບເສັ້ນທາງລະຫວ່າງເຂດບ້ານຕານມີໄຊ-ສີເກີດ ເມືອງໄຊທານີ ນະຄອນຫຼວງວຽງຈັນ ຊຶ່ງຫຼ້າສຸດກໍມີຂ່າວດີແວ້ວໆອອກມາໃຫ້ປະຊາຊົນທີ່ໃຊ້ລົດໃຊ້ຖະໜົນຢູ່ເຂດດ່ັງ່ກາວໄດ້ຊື່ນໃຈແລ້ວ ເມື່ອອຳນາດການປົກຄອງ ແລະ ພາກສ່ວນກ່ຽວຂ້ອງໄດ້ອອກມາຢືນຢັນແລ້ວວ່າ “ເສັ້ນທາງສາຍຕານມີໄຊ-ສີເກີດ” ຈະສຳເລັດການປັບປຸງຍົກລະດັບ ແລະ ພ້ອມນຳໃຊ້ໃນທ້າຍປີ 2019 ນີ້.

ທ່ານ ສົມພາວັນ ຈັນທະວົງ ຜູ້ອຳນວຍການໂຄງການດັ່ງກ່າວໃຫ້ຮູ້ວ່າ ປັດຈຸບັນໂຄງການຍົກລະດັບເສັ້ນທາງໃນໄລຍະ 9,4 ກີໂລແມັດຈາກເສັ້ນທາງເຊື່ອມຕໍ່ລະຫວ່າງບ້ານຕານມີໄຊຫາສີເກີດ ມາຮອດປັດຈຸບັນສຳເລັດແລ້ວ 72,62% ໂຄງການປັບປຸງ ແລະ ຂະຫຍາຍຖະໜົນໄດ້ເລີ່ມລົງມືມາແຕ່ເດືອນຕຸລາ 2016 ຊຶ່ງໃນກຳນົດເບື້ອງຕົ້ນແມ່ນຈະໃຫ້ສຳເລັດ ໃນປີ 2018 ແຕ່ກໍເກີດຄວາມຊັກຊ້າໃນບາງຂອດໂດຍສະເພາະເລື່ອງທຶນຮອນ.

ສຳລັບການປັບປຸງເສັ້ນທາງດັ່ງກ່າວແມ່ນຈະໃຊ້ງົບປະມານຢູ່ທີ່ 45,1 ລ້ານໂດລາ (ປະມານ 367 ຕື້ກີບ) ເສັ້ນທາງຈະມີຄວາມ  ກ້ວາງ 28 ແມັດ ມີທັງໝົດ 6 ເລນ ລວມທັງລະບົບລະບາຍນໍ້າ ແລະ ໄຟເຍືອງທາງແບບຄົບວົງຈອນ.

 

 

ໂດຍ: ດອກຈຳປາ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.