ນັກບູຮານຄະດີຄົ້ນພົບໜຶ່ງໃນຊາກມັສຍິດແຫ່ງທຳອິດຂອງໂລກ

0
6403

ສຳນັກຂ່າວຕ່າງປະເທດລາຍງານເມື່ອວັນທີ 19 ກໍລະກົດຜ່ານມາວ່າ ທີມນັກບູຮານຈາກສະຖາບັນດ້ານວັດຖຸບູຮານຂອງອິສຣາແອນ (Israel Antiquities Authority (IAA)) ໄດ້ເປີດເຜີຍເຖິງການຄົ້ນພົບຊາກຂອງມັສຍິດທີ່ເກົ່າແກ່ຊຶ່ງມີອາຍຸປະມານ 1.200 ປີບໍລິເວນທະເລຊາຍນອກເມືອງ Rahut ທາງຕອນໃຕ້ຂອງປະເທດ ລາຍງານຂ່າວດຽວກັນລະບຸວ່າ ຊາກຂອງມັສຍິດແຫ່ງນີ້ສາມາດນັບຍ້ອນອາຍຸກັບໄປໄດ້ເເຖິງຊ່ວງສະຕະວັດທີ 7-8 ຊຶ່ງນັບເປັນມັສຍິດແຫ່ງທຳອິດຂອງໂລກໃນຊ່ວງຕົ້ນຂອງການແຜ່ຂະຫຍາຍຂອງສາສະໜາອິດສະລາມ.

ຊາກມັສຍິດບູຮານແຫ່ງນີ້ຖືກຄົ້ນພົບໃນລະຫວ່າງການກຽມພື້ນທີ່ສຳລັບການກໍ່ສ້າງອາຄານ ໃໝ່ຊານເມືອງ Rahut ຊຶ່ງເປັນເມືອງຂະໜາດນ້ອຍໃນທະເລຊາຍທາງໃຕ້ຂອງອິດສະຣາແອນ ລັກສະນະຂອງມັສຍິດບູຮານດັ່ງກ່າວມີລັກສະນະເປັນສີ່ຫຼ່ຽມຈະຕຸລັດແບບເປີດໂລ່ງມີຮ່ອງຮອງຂອງ mihrab ຫຼື ຊ່ອງສຳລັບເຮັດພິທີສູດມົນທີ່ຫັນໜ້າໄປທາງນະຄອນເມກກະ.

ຂະນະທີ່ Jon Seligman ແລະ Shahar Zur ໜຶ່ງໃນທີມນັກບູຮານຄະດີກ່າວວ່າ ການຄົ້ນພົບນີ້ນັບເປັນການຄົ້ນພົບມັສຍິດບູຮານທີ່ພົບໄດ້ຍາກທີ່ສຸດໃນໂລກ ໂດຍທາງການອິດສະຣາແອນເຊື່ອວ່າເປັນໜຶ່ງໃນມັສຍິດແຫ່ງທຳອິດທີ່ມີຄວາມເກົ່າແກ່ທີ່ສຸດໃນໂລກ ທັງນີ້ ກ່ອນການຄົ້ນພົບນີ້ມັສຍິດບູຮານໃນຊ່ວງເວລາໄລ່ເລ່ຍກັນນັ້ນພົບຢູ່ສະເພາະໃນແຖບເຢຣູຊາເລັມ ແລະ ໃນນະຄອນເມກກະ ແຕ່ການຄົ້ນພົບຄັ້ງນີ້ເປັນຫຼັກຖານສຳຄັນວ່າມີການປະກອບພິທີທາງສາສະໜາຂອງຜູ້ຄົນໃນພື້ນທີ່ຫ່າງໄກເຊັ່ນກັນ.

ຢ່າງໃດກໍຕາມ ການຄົ້ນພົບໃນຄັ້ງນີ້ນັບເປັນຫຼັກຖານທີ່ຊີ້ໃຫ້ເຫັນການມາເຖິງຂອງສາສະໜາອິດສະລາມໃນດິນແດນຊຶ່ງປັດຈຸບັນຄືປະເທດອິດສະຣາແອນ ແຕ່ໃນຊ່ວງປີ ຄສ 636 ນັ້ນ ດິນແດນແຫ່ງນີ້ຢູ່ນການຄອບຄອງຂອງອາຣັບຊ່ວງທີ່ສາມາດຍຶດດິນແດນຄືນຈາກອານາຈັກໄບເຊນໄທ.

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: posttoday

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.