ດ່ານພາສີສາກົນນາເພົ້າເກັບລາຍຮັບໄດ້ຫຼາຍກວ່າ 77 ຕື້ກີບ

0
88

ປີ 2019 ດ່ານພາສີສາກົນນາເພົ້າ ເມືອງບົວລະພາ ແຂວງຄຳມ່ວນ ໄດ້ຮັບຕົວເລກມອບໝາຍຈໍານວນ 130 ຕື້ກີບ ຜ່ານການຈັດຕັ້ງປະຕິບັັດຕົວຈິງໃນ 9 ເດືອນປີ 2019 ບໍ່ສາມາດບັນລຸຕາມແຜນ ຊຶ່ງສາມາດປະຕິບັດໄດ້ພຽງແຕ່ 77,55 ຕື້ກີບ ເທົ່າກັບ 59,65% ຂອງແຜນການປີ ທຽບໃສ່ໄລຍະດຽວກັນຂອງປີຜ່ານມາຫຼຸດລົງ 9,84% ຄິດເປັນເງິນປະມານ 7,70 ຕື້ກວ່າກີບ ສາ ເຫດຫຼັກໆຍ້ອນການສົ່ງອອກ-ນຳເຂົ້າສິນຄ້າທຸກໝວດຫຼຸດລົງ ຜົນກະທົບຈາກໄພພິບັດນໍ້າຖ້ວມ ແລະ ການຍົກເກັບຄ່າພິເສດແຮ່ບາລິດ ຫີນກາວ ແຮ່ກົ່ວ ແລະ ອື່ນໆ.

ທ່ານ ສຸພັດ ສຸແສງໄທ ຫົວໜ້າດ່ານພາສີສາກົນນາເພົ້າໃຫ້ຮູ້ວ່າ ດ່ານພາສີສາກົນນາເພົ້າຂຶ້ນກັບກອງ​ຄຸ້ມ​ຄອງ​ພາສີ VI ກົມພາສີກະຊວງການເງິນ ປະກອບມີ 3 ໜ່ວຍງານ 1 ດ່ານປະເພນີຂຶ້ນກັບມີ​ຫ້ອງການ​ເຮັດ​ວຽກ 2 ຈຸດ​ຄື ຈຸດ​ຊາຍ​ແດນ​ນາ​ເພົ້າ ແລະ ຈຸດສາງວິສາຫະກິດລັງຄັງ ການ​ເກັບ​ລາຍ​ຮັບ​ປີ 2019 ແຍກ​ຕາມໝວດ​ສິນຄ້າ​ຕົ້ນຕໍໄດ້ຈາກຄ່າ​ຊັກ​ພິ​ເສດ ນໍ້າມັນ​ເຊື້ອ​ໄຟ ເຄື່ອງກໍ່ ສ້າງ ​ເຄື່ອງ​ໃຊ້​ໄຟຟ້າ ເຄື່ອງອຸປະ​ໂພ​ກ-ບໍລິ​ໂພ​ກ ປະ​ເພດ​ພາຫະນະ​-ສິ້ນ​ສ່ວນ​ອາ​ໄຫຼ່ ສິນຄ້າຕາມ​ສັນຍາ​ອາຊຽນ (FROM E) ສິນຄ້າ​ຕາມ​ສັນຍາຟອມ S ສິນຄ້າຕິດ​ຕົວ​ຜູ້​ໂດຍສານ ຄ່າ​ທຳນຽມ​ລົດ​ເຂົ້າ-​ອອກ ຄ່າ​ທຳນຽມ​ຄົນ​ເຂົ້າ-​ອອກ ຄ່າ​ທຳນຽມ​ຄັງ​ແຮ ຄ່າ​ທຳ ນຽມ​ຜ່ານ​ແດນ​ສາກົນ ສິນຄ້າ​ນະ​ໂຍບາຍ​ການ​ລົງ​ທຶນ ຄ່າ​ປັບ​ໄໝ​​ ຂາຍ​ເຄື່ອງ​ຮິບ ແລະ ຄ່າ​ທຳນຽມ​ອື່ນໆ.

ທ່ານ ສຸພັດ ເປີດເຜີຍອີກວ່າ ປັດໄຈຫຼັກໆທີ່ເຮັດໃຫ້ການປະຕິບັດລາຍຮັບບໍ່ໄດ້ຕາມແຜນການປີ ຍ້ອນການເພີ່ມຕົວເລກການຈັດເກັບລາຍຮັບຫຼາຍກວ່າປີຜ່ານມາ ໃນ​ໄລຍະເດືອນ​ກຸມພາຜ່ານມາ​ແມ່ນ​ໄລຍະ​ພັກ​ບຸນປີ​ໃໝ່​ຂອງ ສສ ຫວຽດນາມ​ຫຼາຍ​ວັນ​ເຮັດ​ໃຫ້ການ​ສົ່ງ​ອອກ-​ນຳ​ເຂົ້າ​ສິນຄ້າທຸກ​ໝວດຫຼຸດ​ລົງ ທັງໄດ້ຮັບຜົນກະທົບຈາກໄພພິບັດນໍ້າຖ້ວມເສັ້ນທາງ​ເລກທີ 12 ລົດ​ບໍ່​ສາມາດ​ສັນ ຈອນ​ໄປມາ​ໄດ້​ ເຮັດ​ໃຫ້ການ​ສົ່ງ​ອອກ-​ນຳ​ເຂົ້າ​ສິນຄ້າ​ຖືກໂຈະ ໃນນີ້ນ​ ນຳ​ເຂົ້າ​ນໍ້າມັນ​​ແອັດ​ຊັງ​ຫຼຸດ​ລົງ 506.900 ລິດ​ຄິດ​​ໄລ່​ເປັນ​ຄ່າ​ພາສີ-​ອາກອນ​ເທົ່າ​ກັບ 102 ຕື້ກວ່າກີບ ແລະ ອື່ນໆ.

ແຕ່ເຖິງຢ່າງໃດຕາມ ໃນ 3 ເດືອນທ້າຍປີ 2019 ຄະນະດ່ານພາສີສາກົນນາເພົ້າໄດ້ວາງຄາດໝາຍສູ້ຊົນ 52,44 ຕື້ກວ່າກີບກວມເອົາ 40,34% ຂອງແຜນການປີ ພ້ອມທັງເຂັ້ມງວດການຄຸ້ມ​ຄອງ​ຕິດຕາມ​ກວດກາການປະຕິບັດ​​ວິຊາ​ສະ​ເພາະຂອງ​ພະນັກງານ​ ຢູ່​ແຕ່ລະ​ໜ່ວຍ​ງານ ດ່ານ​ປະ​ເພນີ​ທີ່ຢູ່​ໃນ​ຄວາມ​ຮັບຜິດຊອບ​ຂອງ​ຕົນ​ຢ່າງ​ເຂັ້ມ​ງວດ ຮັບປະກັນ​ການ​ປະຕິບັດ​ວຽກ​ງານ​ໃຫ້​ມີ​ຄວາມ​ໂປ່​ງ​ໃສ ການ​ບໍລິການ​ທີ່​ວ່ອງ​ໄວ ​ແລະ ຖືກຕ້ອງ​ຕາມ​ກົດໝາຍ ພ້ອມທັງນຳໃຊ້ມາດຕະການຕໍ່ຜູ້ລະເມີດຢ່າງເຂັ້ມງວດໃນການຄຸ້ມ ຄອງ ແລະ ກວດກາໄມ້ ແລະ ເຄື່ອງປ່າຂອງດົງອອກຕ່າງປະເທດຈັດຕັ້ງປະຕິບັດຄຳສັ່ງເລກທີ 15/ນຍ ແລະ ນໍາໃຊ້ເຄື່ອງມືທີ່ທັນ ສະໄໝທີ່ມີເຂົ້າໃນວຽກງານພາສີໃຫ້ມີຄວາມສະດວກ ວ່ອງໄວ ແລະ ມີປະສິດທິຜົນສູງ.

 

 

 

 

ໂດຍ: ດອກຕາເວັນ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.