ຈັດກອງປະຊຸມເຜີຍແຜ່ເຊື່ອມຊຶມເອກະສານການກະກຽມດຳເນີນກອງປະຊຸມໃຫຍ່ 3 ຂັ້ນ

0
77

ໃນຕອນບ່າຍວັນທີ 19 ສິງຫາຜ່ານມາທີ່ກະຊວງການຕ່າງປະເທດໄດ້ຈັດກອງປະຊຸມເຜີຍແຜ່ເຊື່ອມຊຶມເອກະສານກ່ຽວກັບການກະ ກຽມດຳເນີນກອງປະຊຸມໃຫຍ່ 3 ຂັ້ນ ໂດຍການເປັນປະທານຂອງ ສະຫາຍ ສະເຫຼີມໄຊ ກົມມະສິດ ກຳມະການສູນກາງພັກ ເລຂາຄະ ນະບໍລິຫານງານພັກ ລັດຖະມົນຕີກະຊວງການຕ່າງປະເທດ ມີບັນດາຄະນະພັກ ຄະນະນຳ ສະມາຊິກພັກ ພະນັກງານ-ລັດຖະກອນທົ່ວກະຊວງເຂົ້າຮ່ວມຢ່າງພ້ອມພຽງ.

ໃນໂອກາດນີ້ ສະຫາຍ ສະເຫຼີມໄຊ ໄດ້ຂຶ້ນເຜີຍແຜ່ເອກະສານຄຳສັ່ງຂອງຄະນະເລຂາທິການສູນກາງພັກເລກທີ 04/ຄລສພ ລົງວັນ ທີ 7 ພຶດສະພາ 2018 ວ່າດ້ວຍການກະກຽມດໍາເນີນກອງປະຊຸມໃຫຍ່ອົງຄະນະພັກກະຊວງ ອົງການ ແຂວງ ນະຄອນຫຼວງວຽງຈັນ ອົງຄະນະພັກເມືອງ ນະຄອນ ແລະ ຮາກຖານພັກໃນຂອບເຂດທົ່ວປະເທດ ຊຶ່ງທ່ານໄດ້ຍົກໃຫ້ເຫັນຄວາມໝາຍສຳຄັນ ດ້ານລະບຽບຫລັກການ ແລະ ຂັ້ນຕອນຕ່າງໆ ໃນການກະກຽມດຳເນີນກອງປະຊຸມໃຫຍ່ 3 ຂັ້ນ ເພື່ອ ເຮັດໃຫ້ການຈັດຕັ້ງປະຕິບັດຄຳສັ່ງດັ່ງກ່າວ ດຳເນີນໄປຖືກຕ້ອງຕາມກົດລະບຽບຂອງພັກ ແລະ ຮັບປະກັນຄວາມເປັນເອກະພາບດ້ານເນື້ອໃນ ທັດສະນະ ແລະ ວິທີການຈັດ ຕັ້ງດຳເນີນໃຫ້ຖືກຕ້ອງຕາມຄະນະພັກຂັ້ນເທິງວາງອອກ ສ່ວນເອກະສານທີສອງຄື ບົດແນະນຳຂອງຄະນະກວດກາສູນກາງພັກ ສະ ບັບເລກທີ 358/ຄກສພ ລົງວັນທີ 19 ຕຸລາ 2018 ກ່ຽວກັບການດໍາເນີນຊີວິດການເມືອງພາຍໃນພັກ ກ່ອນກ້າວເຂົ້າສູ່ກອງປະ ຊຸມໃຫຍ່ 3 ຂັ້ນ ຊຶ່ງທ່ານໄດ້ເວົ້າເຖິງຄວາມໝາຍສຳຄັນຂອງບັ້ນດຳເນີນຊີວິດການເມືອງ ແລະ ໄດ້ເນັ້ນໜັກໃຫ້ບັນດາຮາກຖານໜ່ວຍພັກ ແລະ ສະມາຊິກພັກພາຍໃນກະຊວງເຂົ້າໃຈແຈ້ງວ່າ ບັ້ນດຳເນີນຊີວິດການເມືອງພາຍໃນພັກແມ່ນຫລັກການ ແມ່ນແບບແຜນທາງດ້ານການຈັດຕັ້ງ ແລະ ການເຄື່ອນໄຫວຂອງພັກແຕ່ລະຂັ້ນ ນັບແຕ່ສູນກາງຈົນຮອດຮາກຖານໜ່ວຍພັກ, ກ່ອນຈະດຳເນີນກອງປະຊຸມໃຫຍ່ຢູ່ຂັ້ນໃດ ຄະນະພັກຂັ້ນນັ້ນຕ້ອງໄດ້ດຳເນີນຊີວິດການເມືອງພາຍໃນພັກ ແລະ ການດຳເນີນຊີວິດການເມືອງ ແມ່ນແນ່ໃສ່ເພື່ອປັບປຸງປົວແປງພາຍໃນການຈັດຕັ້ງພັກແຕ່ລະຂັ້ນ ແລະ ສະມາຊິກພັກແຕ່ລະສະຫາຍ ດ້ວຍການເສີມຂະ ຫຍາຍປະຊາທິປະໄຕພາຍໃນພັກ ກ້າຕຳນິຕິຊົມຕົນເອງ ຊ່ວຍເຫລືອກໍ່ສ້າງເຊິ່ງກັນ ແລະ ກັນ ເພີ່ມທະວີຄວາມເປັນແບບຢ່າງນຳໜ້າຂອງສະມາຊິກພັກ ການດຳເນີນຊີວິດການເມືອງແມ່ນຄວາມຮັບຮູ້ອັນຖືກຕ້ອງຂອງພັກ ແລະ ຄວາມສາມັກຄີເປັນເອກະພາບ ບົນພື້ນຖານແນວທາງ ແລະ ລະບຽບຫລັກການນຳພາຂອງພັກທີ່ຖືກຕ້ອງ ພ້ອມນັ້ນ ທັງເປັນການປັບປຸງຄຸນທາດ ແລະ ທັດສະ ນະຫລັກໝັ້ນການເມືອງກໍຄື ຄຸນສົມບັດສິນທຳປະຕິວັດ ແລະ ແບບແຜນດຳລົງຊີວິດ ແບບແຜນວິທີເຮັດວຽກ ແລະ ອື່ນໆຂອງສະມາຊິກພັກ ເພື່ອແນ່ໃສ່ເຮັດໃຫ້ພັກປອດໃສ ເຂັ້ມແຂງ ແລະ ໜັກແໜ້ນໃນຕໍ່ໜ້າ.

ພ້ອມດຽວກັນນີ້ ສະຫາຍ ສະເຫຼີມໄຊ ຍັງໄດ້ຮຽກຮ້ອງມາຍັງສະມາຊິກພັກ ພະນັກງານຫລັກແຫລ່ງ ແລະ ພະນັກງານ-ລັດຖະກອນທຸກຖ້ວນໜ້າ ຈົ່ງພ້ອມກັນເພີ່ມທະວີເຊີດຊູສະຕິປັນຍາ ແລະ ຍົກສູງຄວາມຮັບຜິດຊອບຂອງຕົນ ປະກອບສ່ວນເຂົ້າໃນຂະບວນ ການກະກຽມ ແລະ ຈັດຕັ້ງດຳເນີນກອງປະຊຸມໃຫຍ່ຄັ້ງທີ IV ຂອງອົງຄະນະພັກກະຊວງການຕ່າງປະເທດທີ່ຈະມາເຖິງ ເວົ້າສະເພາະ ກໍຄືກອງປະຊຸມໃຫຍ່ຢູ່ຂັ້ນຮາກຖານໜ່ວຍພັກຂອງຕົນເອງ ປະຕິບັດຕາມລະບຽບຫຼັການ ແລະ ຂັ້ນຕອນການດຳເນີນຕ່າງໆໃຫ້ຖືກ ຕ້ອງ ເພື່ອແນ່ໃສ່ໃຫ້ບັນລຸຜົນສຳເລັດຕາມຈຸດປະສົງ ແລະ ຄາດໝາຍຂອງຄະນະພັກຂັ້ນເທິງວາງອອກ.

 

 

 

ໂດຍ: ອິດສະຫຼະ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.