ງານມະຫາກຳກີລາຊີເກມ ຄັ້ງທີ 30 ເປີດຢ່າງເປັນທາງການ

0
961

ງານມະຫາກຳກິລາຊີເກມ ຄັ້ງທີ 30 ຫຼື “ຟີລິບປິນ ເກມ” ໄຂຂຶ້ນຢ່າງເປັນທາງການໃນວັນທີ 30 ພະຈິກ 2019, ຊຶ່ງ​ເລີ່ມ​ແຕ່​ເວ​ລາ 19:00 ໂມງຕາມເວລາທ້ອງຖິ່ນ, ສຳ​ລັບ​ພິ​ທີ​ເປີດ​ຈະ​ມີ​ຂຶ້ນ​ຢູ່​ທີ່ສະ​ຫນາມ The Philippine Arena in Bocaue, Bulacan ຊຶ່ງ​ສະ​ຫນາມ​ດັ່ງ​ກ່າ​ວ​ບັນ​ຈຸ​ຜູ້​ຊົມ​ເຂົ້າ​ຮ່ວມ​ຊົມ​ໄດ້ຫຼາຍກວ່າ 55.000 ຄົນ.

ຟີ​ລິບ​ປິນເຄີຍ​ເປັນ​ເຈົ້າ​ພາບຈັດການແຂ່ງຂັນມາ​ແລ້ວ 3 ຄັ້ງ ແລະ ​ຄັ້ງ​ນີ້​ເປັນຄັ້ງທີ 4 ຖັດຈາກໃນປີ 1981, 1991 ແລະ ປີ 2005 ຫຼື ໃນຮອບ 14 ປີ ໃນການເປັນເຈົ້າພາບຄັ້ງຫຼ້າສຸດ ໂດຍຈະມີການແຂ່ງຂັນກັນທັງໝົດ 56 ປະເພດກິລາ, ໃນ 3 ເມືອງໃຫຍ່ຄື: ມານີລາ, ເຄຣີກ ແລະ ຊູບິກ, 6 ນັກກິລາດາວເດັ່ນຂອງຟີລິບປີນຮັບໜ້າທີ່ຈະສົ່ງທວນໄຟຕໍ່ໃຫ້ ມັນນີ້ ປາກຽວ ໃນພີທີເປີດຊີເກມຄັ້ງທີ 30 ທີ່ປະເທດຟີລີບປີ້ນ ຊຶ່ງເລີ່ມຈາກຜູ້ເຊີນທຸງຊາດຟີລິບປີນ.

  1. ເຄລິນດີແອັດ ນັກກີລາຍົກນໍ້າໜັກ ເຈົ້າຂອງຫຼຽນເງີນໂອແລມປີກ 2016 ແລະ ຫຼຽນຄຳ ເອຊ້ນເກມ ຄັ້ງຫຼ້ສຸດ ໃນລຸ້ນນໍ້າໜັກ 53 ກີໂລກຣາມ
    2. ເຮີເນັດໂອບີ້ເອນ້າ ນັກກີລາໂດດຄໍ້າທໍ່ຊາຍ ເຈົ້າຂອງຫຼຽນຄຳຊິງແຊ້ມເອເຊຍທີ່ໂດຮາ ປະເທດກາຕ້າ ແລະ ເຈົ້າຂອງຫຼຽນຄຳ ມະຫາວິທະຍາໄລໂລກ
    3. ຢູເມຍມາຊຽວ ນັກມວຍສາກົນຍິງ ລຸ້ນມິດເດີ້ດເວດ ເປັນຮອງແຊັມໂລກຄັ້ງຫຼ້າທີ່ຣັດເຊຍ ແລະ ແຊັມຊີເກມ 2 ສະໄໝ
    4. ເນັດທີເບຊິນີໂອ້ ນັກມວຍສາກົນຍິງ ລຸ້ນເວວເທີ້ນເວດ ເຈົ້າຂອງຫຼຽນຄຳມວຍຊິງແຊັມໂລກທີ່ຣັດເຊຍ
    5. ຮີຢູມິວາຕານະເບະ ນັກກີລາຢູໂດຊາຍ ເຈົ້າຂອງຫຼຽນຄຳເອຊຽນເກມ 2018 ແລະ ເຈົ້າຂອງຫຼຽນຄຳຊີເກມ 3 ສະໄໝ
    6. ຄາລອດ ຢູໂລ ນັກກີລາຢີມນາສຕິກຊາຍ ເຈົ້າຂອງຫຼຽນຄຳຢີມນາສຕິກຊິງແຊມໂລກທີ່ສະຕຸດກາດ ແລະ ເປັນນັກກີລາທີ່ອາຍຸນ້ອຍທີ່ສຸດທີ່ຄວ້າຫຼຽນ ດ້ວຍອາຍຸ 19 ປີ 7 ເດືອນ 26 ວັນ ກ່ອນສົ່ງທວນໄຟໄປໃຫ້ ມັນນີ້ ປາກຽວ ເປັນຜູ້ຈູດທວນໄຟເປີດພິທີຢ່າງເປັນທາງການ.

ຮຽບຮຽງຂ່າວ: ພຸດສະດີ ລາວລີ
ແຫຼ່ງຂໍ້ມູນ: Lao su su ລາວ ສູ້ ສູ້, thairath

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.