ຄຳມ່ວນນ້ຳຖ້ວມໜັກ 297 ບ້ານ ຫຼາຍກວ່າ 13,500 ຄອບຄົວໄດ້ຮັບຜົນກະທົບ!

0
179

ເມື່ອວັນທີ 28 ກໍລະກົດ 2018 ມີລາຍງານວ່າ ຄະນະຄວບຄຸມໄພພິບັດຂັ້ນແຂວງຄຳມ່ວນໃຫ້ຮູ້ວ່າ ໃນວັນທີ 28 ກໍລະກົດນີ້ ທົ່ວແຂວງຄຳມ່ວນໄດ້ຮັບຜົນກະທົບຈາກໄພນ້ຳຖ້ວມແລ້ວ 10 ເມືອງ, ມີ 297 ບ້ານ, 13,589 ຄອບຄົວ ແລະ ເນື້ອທີ່ນາຖືກຖ້ວມແລ້ວ 21,680 ເຮັກຕາ.

ໃນນັ້ນເມືອງທີ່ໄດ້ຮັບຜົນກະທົບຫຼາຍກວ່າໝູ່ແມ່ນເມືອງບົວລະພາ ຈຳນວນບ້ານທີ່ຖືກກະທົບ 40 ບ້ານ, ເນື້ອທີ່ນາຖືກຖ້ວມ 5,166 ເຮັກຕາ ຮອງລົງມາແມ່ນເມືອງໜອງບົກ ມີ 46 ບ້ານ, ເນື້ອທີ່ນາຖືກຖ້ວມ 3,239 ເຮັກຕາ, ເມືອງເຊບັ້ງໄຟ 35 ບ້ານ, ເນື້ອທີ່ນາຖືກຖ້ວມ 3,11 ເຮັກຕາ ແລະ ເມືອງທີ່ຍັງຖືກກະທົບໜ້ອຍຄືເມືອງນາກາຍມີ 2 ບ້ານ ແລະ ເນື້ອທີ່ນາຖືກຖ້ວມ 18 ເຮັກຕາ.

ເມື່ອວັນທີ 29 ກໍລະກົດ 2018 ທາງທີມງານໜ່ວຍກູ້ໄພນະຄອນຫລວງ 1624 ແລະ ທີມງານໜ່ວຍກູ້ໄພແຂວງ ຄຳມ່ວນ 1624 ໄດ້ເດີນທາງໄປຊ່ວຍເຫຼືອພໍ່ແມ່ປະຊາຊົນກັບເຈົ້າໜ້າທີ່ແຂວງ ຄຳມ່ວນ ທີ່ປະຊາຊົນປະສົບໄພຢູ່ເມືອງຕ່າງຂອງແຂວງຄຳມ່ວນໃນຊຸດທີ 1 ປະມານ 20 ຄົນ.
ທ່ານໃດຍາກຊ່ວຍເຫຼືອພີ່ນ້ອງຜູ້ປະສົບໄພທາງແຂວງ ຄຳມ່ວນສາມາດຕິດຕໍ່ໄດ້ໜ່ວຍກູ້ໄພນະຄອນຫລວງໂທ 1624 ຫຼື 020 2244 1624.

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.