ຄະນະຜູ້ແທນຂັ້ນສູງ “ລາວ-ຫວຽດນາມ” ເຮັດວຽກຮ່ວມກັນ

0
29

ເມື່ອວັນທີ 15-18 ສິງຫາຜ່ານມາ ຄະນະ​ຜູ້​ແທນ​ຂັ້ນສູງ ຄະນະ​ກວດກາ​ສູນ​ກາ​ງພັກປະຊາຊົນປະຕິວັດລາວ ນໍາ​ໂດຍ ສະຫາຍ ບຸນທອງ ຈິດມະນີ ກໍາມະການກົມການເມືອງສູນກາງພັກ ເລຂາທິການສູນກາງພັກ ຮອງນາຍົກລັດຖະມົນຕີ ປະທານ​ຄະນະ​ກວດກາ​ສູນ​ກາງ​ພັກປະຊາຊົນປະຕິວັດລາວ ປະທານອົງການກວດກາລັດຖະບານ ສປປ ລາວ ຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ ພ້ອມຄະນະ ໄດ້ເດີນທາງໄປຢ້ຽມຢາມແລກປ່ຽນບົດຮຽນກ່ຽວກັບ​ຄະນະກໍາມະການກວດກາສູນກາງພັກກອມມູນິດຫວຽດ ນາມ ທີ່ນໍາໂດຍ ສະຫາຍ ເຈີນເກີ້ມຕູ໋ ເລຂາທິການສູນກາງພັກ ປະທານຄະນະກໍາມະການກວດກາສູນກາງພັກກອມມູນິດຫວຽດ ນາມ ພ້ອມດ້ວຍຄະນະ ທີ່ແຂວງຮ່າຕິ່ງ ສສ ຫວຽດນາມ.

ໂອກາດດັ່ງກ່າວ ສະຫາຍ ເຈີນເກີ້ມຕູ໋ ແລະ ສະຫາຍ ເລ ມິ່ງ ຄາຍ ກຳມະການສູນກາງພັກ ປະທານອົງການກວດກາລັດຖະບານ ສສ ຫວຽດນາມ ພ້ອມຄະນະ ໄດ້ຕ້ອນຮັບຄະນະຜູ້ແທນຂັ້ນສູງ ຄະນະ​ກວດກາ​ສູນ​ກາງ​ພັກ-ອົງການ​ກວດກາ​ລັດຖະບານ ສປປ ລາວ ພ້ອມທັງຕີລາຄາສູງຕໍ່ການມາຢ້ຽມຢາມ ແລກປ່ຽນບົດຮຽນຮ່ວມກັບຄະນະແມ່ນມີຄວາມໝາຍສໍາຄັນເປັນຢ່າງຍິ່ງ ທັງເປັນການປະກອບສ່ວນອັນສໍາຄັນເຂົ້າໃນການເພີ່ມພູນຄູນສ້າງສາຍພົວພັນມິດຕະພາບ ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງສອງພັກສອງລັດກໍ​ຄືປະຊາຊົນສອງຊາດ ຫວຽດນາມ-ລາວ ໃຫ້ຈະເລີນງອກງາມຍິ່ງໆຂຶ້ນເວົ້າລວມ ເວົ້າສະເພາະການພົວພັນຮ່ວມມືຊ່ວຍເຫລືອຊຶ່ງກັນ ແລະ ກັນລະຫວ່າງຄະນະກວດກາສູນກາງພັກປະຊາຊົນປະຕິວັດລາວກັບຄະນະກໍາມະການກວດກາສູນກາງພັກກອມມູນິດຫວຽດນາມໃຫ້ໝັ້ນຄົງຖະນົງແກ່ນຕະຫຼອດໄປ.

ການພົບປະແລກປ່ຽນບົດຮຽນຄັ້ງນີ້ ທັງສອງຝ່າຍໄດ້ຜັດປ່ຽນກັນແຈ້ງສະພາບວຽກງານການນຳພາຂອງພັກ ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ ການຈັດຕັ້ງປະຕິບັດໜ້າທີ່ວຽກງານກວດກາພັກ ກວດກາລັດ ແລະ ວຽກງານຕ້ານການສໍ້ລາດບັງຫຼວງໃນໜຶ່ງປີທີ່ຜ່ານມາ ພ້ອມແລກປ່ຽນຄໍາຄິດເຫັນກ່ຽວກັບບັນຫາທີ່ຕ່າງຝ່າຍໃຫ້ຄວາມສົນໃຈ ໂດຍທັງສອງຝ່າຍເຫັນກົງກັນວ່າວຽກງານກວດກາພັກ-ກວດກາລັດ ​ແລະ ຕ້ານ​ການ​ສໍ້​ລາດ​ບັງຫຼວງເປັນວຽກງານໜຶ່ງທີ່ສໍາຄັນ ແລະ ຈໍາເປັນ ແມ່ນພາ ລະບົດບາດໜຶ່ງຂອງພັກ-ລັດໃນການຊີ້ນໍາ-ນໍາພາເພື່ອປະ​ກອບ​ສ່ວນ​ໃນການພັດທະນາເສດຖະກິດ-ສັງຄົມ ສັງຄົມ​ມີ​ຄວາມ​ສະຫງົບ ແລະ ຄວາມຢູ່ເຢັນເປັນສຸກຂອງປະຊາຊົນບັນດາເຜົ່າ.

ພ້ອມນີ້ ຄະນະຜູ້ແທນຂັ້ນສູງ ຄະນະກວດກາສູນກາງພັກປະຊາຊົນປະຕິວັດລາວ ຍັງ​​ໄດ້​ເຂົ້າຢ້ຽມຂໍ່ານັບ ສະຫາຍ ຫງວຽນ ຊວນຟຸກ ນາຍົກລັດຖະມົນຕີ ສສ ຫວຽດນາມ ແລະ ສະຫາຍ ເຈີນ ກັວກ ເຫວື່ອງ ຜູ້ປະຈໍາການຄະນະເລຂາທິການສູນກາງພັກກອມມູນິດຫວຽດນາມຢູ່ນະຄອນຫຼວງຮ່າໂນ່ຍ ແລະ ໄດ້ໄປຢ້ຽມຊົມສະຖານທີ່ສໍາຄັນຂອງແຂວງຮ່າຕິ່ງເຊັ່ນ ສະຖານທີ່ລະນຶກຂອງນັກກະວີຊື່ດັງ ຫວຽນຊູ ແລະ ສະຖານທີ່ສັກກະລະບູຊາດົ້ງລົກ.

 

 

ໂດຍ: ອິດສະຫຼະ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.