ກີລາ “ຕີຄີ” ການແຂ່ງຂັນສົ່ງທ້າຍງານບຸນນະມັດສະການພຣະທາດຫຼວງ

0
758

ການແຂ່ງຂັນກີລາ “ຕີຄີ” ເປັນການແຂ່ງຂັນທີ່ເກົ່າແກ່ທີ່ຫຼິ້ນສືບຕໍ່ກັນມາຕັ້ງແຕ່ມີງານບຸນນະມັດສະການພຣະທາດຫຼວງ, ໂດຍການແຂ່ງຂັນຈະມີຂຶ້ນຫຼັງຈາກພິທີຕັກບາດໃນຕອນເຊົ້າ ແລະ ຕອນບ່າຍຈະມີການແຂງຂັນກີລາບູຮານນັ້ນຄືການຕີຄີ ຊຶ່ງການຫຼິ້ນໃນເມື່ອກ່ອນຈະແບ່ງອອກເປັນ 3 ປະເພດຄື: ການແຂ່ງຂັນຊ້າງ, ຕີກອງ, ດຶງເຊຶືອກ, ຕີໝໍ້ ແລະ ອື່ນໆ ແຕ່ປັດຈຸບັນບໍ່ມີແລ້ວເຫຼືອພຽງກີລາຕີຄີເທົ່ານັ້ນ.

ການແຂ່ງຂັນຕີຄີຈະແບ່ງອອກເປັນສອງຝ່າຍຄື: ຝ່າຍຂຸນນາງ ແລະ ຝ່າຍປະຊາຊົນ, ສຳລັບຜົນການແຂ່ງຂັນນັ້ນຈະມີການທຳ ນາຍໄວ້ວ່າ: ປີໃດຖ້າຝ່າຍຂຸນນາງຊະນະປີນັ້ນປະຊາຊົນຈະເດືອດຮ້ອນໄປທົ່ວສາລະທິດເພາະຈະຖືກຂຸນນາງຂົ່ມເຫງ, ແຕ່ຖ້າປີໃດຝ່າຍປະຊາຊົນຊະນະປີນັ້ນປະຊາຊົນຈະຢູ່ເຢັນເປັນສຸກເຂົ້າປາອາຫານອຸດົມສົມບູນ.

ສຳລັບກະຕິກາການຫຼິ້ນມີຄື: ແຕ່ລະຝ່າຍຈະມີຜູ້ຫຼິ້ນ 20-30 ຄົນ, ການຫຼິ້ນຈະໃຊ້ໄມ້ໄຜ່ງໍຕີລູກຂີໃຫ້ເຂົ້າປະຕູ ແລະ ທີ່ພິເສດຄືຝ່າຍປະຊາຊົນຈະມີກອງເຊຍຕີຊິ່ງ, ຕີຄ້ອງ, ຍ່າງເຊຍໃນສະໜາມໄດ້, ຊຸດຝ່າຍປະຊາຊົນສວມໃສ່ຈະເປັນຊຸດສີຟ້າຄາມ ແລະ ຊຸດຝ່າຍຂຸນນາງຈະເປັນຊຸດສີຂາວ.

ບົດໂດຍ: ພຸດສະດີ ລາວລີ
ແຫຼ່ງຂໍ້ມູນ: ເຟສບຸກເພສເປັນເລື່ອງເປັນລາວ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.