ກິນຢານອນຫຼັບອັນຕະລາຍ ຫຼື ບໍ່ ແລະ ຜົນຂ້າງຄຽງມີຫຍັງແດ່?

0
123

ອາການນອນບໍ່ຫຼັບ ຫຼື ນອນຫຼັບຍາກ ຖືເປັນບັນຫາໃຫຍ່ຂອງໃຜຫຼາຍຄົນ ແລະ ເມື່ອເວລາທີ່ນອນບໍ່ຫຼັບກໍຈຳເປັນຕ້ອງຫາໂຕຊ່ວຍຊຶ່ງແນ່ນອນວ່າຫຼາຍໆຄົນຕ້ອງເລືອກໃຊ້ “ຢານອນຫຼັບ” ແຕ່ບັນດາທ່ານເຄີຍສົງໄສ ຫຼື ບໍ່ວ່າຢານອນຫຼັບມີອັນຕະລາຍ ແລະ ມີຜົນຂ້າງຄຽງແນວໃດຖ້າຫາກຕ້ອງກິນຕິດຕໍ່ກັນເປັນເວລາດົນ?.

ຜົນຂ້າງຄຽງຂອງຢານອນຫຼັບ ເຖິງແມ່ນວ່າຢານອນຫຼັບຈະເປັນໂຕຊ່ວຍທີ່ເຮັດໃຫ້ນອນຫຼັບງ່າຍຂຶ້ນ ແຕ່ກໍປະຕິເສດບໍ່ໄດ້ວ່າຢານອນຫຼັບມີຜົນຂ້າງຄຽງທີ່ສົ່ງຜົນກະທົບຕໍ່ຮ່າງກາຍຫຼາຍດ້ານ ເຮັດໃຫ້ບໍ່ສົດຊື່ນເວລາຕື່ນນອນ ບາງຄົນອາດຈະຮູ້ສຶກວິນຫົວ ອ່ອນ ເພຍ ອາລົມແປປວນ ຫງຸດຫງິດ ປວດຮາກ (ບາງຄົນ) ລວມທັງປະສິດທິພາບໃນການເຮັດວຽກຂອງລະບົບສະໝອງຫຼຸດລົງ (ຂະ ນະທີ່ຍັງບໍ່ໝົດລິດຢາ) ຊຶ່ງອາການຕ່າງໆເຫຼົ່ານີ້ສົ່ງຜົນໃຫ້ເກີດຄວາມສ່ຽງຕໍ່ການເກີດອຸບັດເຫດ (ກໍລະນີກິນຢານອນຫຼັບແລ້ວຂັບຂີ່ລົດ) ຂະນະທີ່ເຮັດວຽກກັບເຄື່ອງຈັກ ແລະ ປິດຈະກຳຕ່າງໆ ຊຶ່ງອາດກໍ່ໃຫ້ເກີດຄວາມຜິດພາດ ແລະ ອັນຕະລາຍຕາມມາ.

ຢານອນຫຼັບອັນຕະລາຍ ຫຼື ບໍ່? ການໃຊ້ຢານອນຫຼັບເພື່ອປິ່ນປົວພະຍາດໃນໄລຍະເວລາສັ້ນໆອາດຈະບໍ່ສົ່ງຜົນເສຍຕໍ່ຮ່າງກາຍເທົ່າໃດ ຫາກເຮົາສາມາດຫຼຸດ ຫຼື ຢຸດກິນຢານອນຫຼັບ ແລ້ວກັບມາໃຊ້ຊີວິດຕາມປົກກະຕິໄດ້ກໍຈະດີຕໍ່ສຸຂະພາບ ສ່ວນອັນລາຍຂອງການກິນຢານອນຫຼັບຕິດຕໍ່ກັນເປັນເວລາດົນຈະເຮັດໃຫ້ເກີດອາການ ດື້ຢາ ຕິດຢາ ສ່ຽງເປັນອັລໄຊເມີ ເສື່ອມສະມັດຖະພາບທາງເພດ ແລະ ອາດສົ່ງຜົນອັນຕະລາຍເຖິງຂັ້ນເສຍຊີວິດ.

ສຳລັບຄຳຖາມທີ່ວ່າ ກິນຢານອນຫຼັບຮ່ວມກັບເຄື່ອງດື່ມທາດເຫຼົ້າຈະເປັນອັນຕະລາຍ ຫຼື ບໍ່? ຄຳຕອບຄື “ບໍ່ຄວນເດັດຂາດ” ເນື່ອງຈາກເຄື່ອງດື່ມທາດເຫຼົ້າອາດຈະໄປເສີມລິດຂອງຢານອນຫຼັບຊຶ່ງອາດສົ່ງຜົນກະທົບຕໍ່ລະບົບຫາຍໃຈ ແລະ ອາດເປັນອັນຕະລາຍເຖິງຂັ້ນເສຍຊີວິດ ສ່ວນຄົນທີ່ບໍ່ຄວນໃຊ້ຢານອນຫຼັບແມ່ນກຸ່ມຄົນທີ່ປ່ວຍພະຍາດຕັບ ໝາກໄຂ່ຫຼັງ ຄົນອາຍຸສູງ ຄົນຖືພາ ແມ່ຍິງໃຫ້ຢູ່ລະຫວ່າງໃຫ້ນົມລູກອ່ອນ ພະຍາດປອດ ແລະ ອື່ນໆຢ່າງໃດກໍຕາມ ຢານອນຫຼັບກໍມີທັງດ້ານດີ ແລະ ບໍ່ດີ ຫາກໃຊ້ບໍ່ຖືກວິທີກໍອາດສ່ຽງເກີດອັນຕະລາຍຮ້າຍແຮງ.

 

 

 

ຮຽບຮຽງ: ພ.ສະຫວັນ

ຮູບພາບ: health.kapook

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.