ການຖວາຍສັງກະທານແບບໃດໃຫ້ໄດ້ບຸນກຸສົນ

0
148

ການຖວາຍສັງກະທານຄືການຖວາຍຂອງໃຊ້ທີ່ຈຳເປັນໃຫ້ແກ່ພຣະພິຂຸ ຊຶ່ງເຄື່ອງຂອງທີ່ນຳໄປຖວາຍນັ້ນສ່ວນຫຼາຍຈະເປັນເຄື່ອງໃຊ້ ແລະ ອາຫານເຊັ່ນ ຜ້າໄກ ຜ້ານໍ້າຝົນ ສະບູ ຢາຖູແຂ້ວ ໂອວັນຕິນ ກາເຟ ແລະ ອື່ນໆ ການຖວາຍສັງກະທານນັ້ນບໍ່ໄດ້ເຈາະຈົງວ່າຈະໃຫ້ກັບພຣະຮູບໃດຮູບໜຶ່ງ ເພາະພຣະທີ່ຮັບສັງກະທານຖືເປັນຕົວແທນຂອງພຣະທັງໝົດ ແລະ ສຳລັບວັນນີ້ ລາວໂພສມີຄຳແນະ ນຳການເລືອກຖວາຍສັງກະທານແບບໃດໃຫ້ໄດ້ກຸສົນສູງສຸດມາຝາກ.

ການຖວາຍສັງກະທານນັ້ນບໍ່ໄດ້ແມ່ນເລື່ອງທີ່ຫຍຸ້ງຍາກພຽງແຕ່ທ່ານມີຈຸດປະສົງ ແລະ ງົບປະທານໃນການຈັດຊື້ເຄື່ອງຂອງສັງກະທານ, ການເລືອກສັງກະທານກໍ່ສຳຄັນ ບາງຄົນອາດຊື້ຂອງສຳເລັດຮູບທີ່ຈັດວາງຂາຍຕາມຮ້ານ ແຕ່ຖ້າຈະໃຫ້ດີ ແລະ ເກີດປະ  ໂຫຍດສູງສຸດແກ່ພຣະທີ່ໄດ້ຮັບສັງກະທານຂອງເຮົາໄປນັ້ນ ແນະນຳໃຫ້ທ່ານເປັນຄົນເລືອກສິ່ງຂອງໃສ່ໃນສັງກະທານເອງຂອງທີ່ໃສ່ລົງໄປໃນຄຸສັງກະທານນັ້ນບໍ່ວ່າຈະເປັນຂອງໃຊ້ໃດໆກໍຄວນເບິ່ງວັນໝົດອາຍຸຂອງສິນຄ້າ ເພາະຫາກທ່ານທານສິ່ງຂອງໝົດອາຍຸໃຫ້ກັບພຣະ ແລະ ເວລາທີ່ພຣະນຳໄປໃຊ້ ຫຼື ສັນແລ້ວເກີດຜົນຂ້າງຄຽງໃນທາງລົບ ຈາກທີ່ທ່ານຈະໄດ້ກຸສົນດັ່ງໃຈຫວັງກໍອາດປ່ຽນເປັນບາບໂດຍບໍ່ໄດ້ຕັ້ງໃຈ ສ່ວນອີກເລື່ອງສຳຄັນນັ້ນກໍຄືເລື່ອງງົບປະມານກໍຕ້ອງຢູ່ໃນຄວາມເໝາະສົມກັບແຮງຊັບຂອງຕົວເອງ ເພາະຄົນເຮົານອກຈາກການເຮັດບຸນກິນທານແລ້ວກໍຕ້ອງມີກິນ ມີໃຊ້ ການທານຕ້ອງທານຢ່າງມີສະຕິ ຖ້າເຮົາມີຈິດໃຈທີ່ບໍລິສຸດໃນການທານບໍ່ວ່າຈະທານໜ້ອຍທານຫຼາຍຕົວທ່ານກໍໄດ້ບຸນຄືກັນ.

ໃນໄລຍະ 3 ນີ້ເປັນຊ່ວງການເຂົ້າພັນສາ ຂໍໃຫ້ທຸກຄົນຕັ້ງໝັ້ນປະພຶດຕົນຢູ່ໃນສິນທຳ ປະພຶດດີ ກະທຳດີ ເວົ້າຈາດີ ແລະ ງົດເຄື່ອງ ດື່ມແອລກໍຮອລເພື່ອໃຫ້ຮ່າງກາຍໄດ້ພັກຟື້ນ ນອກຈາກຈະຊ່ວຍໃຫ້ສຸຂະພາບດີຂຶ້ນແລ້ວ ຍັງຊ່ວຍໃຫ້ເງິນເຫຼືອເກັບອີກດ້ວຍ ແລະ ມີເວລາໃຫ້ກັບຄອບຄົວຫຼາຍຂຶ້ນ.

ບົດໂດຍ:​ບຸດສະດີ ສາຍນໍ້າມັດ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.