ກອງປະຊຸມໃຫຍ່ຜູ້ແທນຊາວໜຸ່ມປະຊາຊົນປະຕິວັດລາວທົ່ວເມືອງສາມັກຄີໄຊ ສະໄໝທີ VII

0
180

ກອງ​ປະຊຸມ​ໃຫຍ່ຜູ້​​ແທນ​ຊາວໜຸ່ມປະຊາຊົນປະຕິວັດລາວທົ່ວເມືອງສາມັກຄີໄຊ ແຂວງອັດຕະປືສະໄໝ​ທີ VII ​ໄດ້​ໄຂ​ຂຶ້ນໃນລະຫວ່າງ​ວັນ​ທີ 30–31 ກໍລະກົດ 2019 ທີ່ສະໂມສອນຫ້ອງວ່າການປົກຄອງເມືອງສາມັກຄີໄຊ ​ໃຫ້ກຽ​ດ​​ເຂົ້າ​ຮ່ວມ​ໂດຍ ທ່ານ ​ບຸນທະມາລີ ໝັ້ນອານົງ ກຳມະການພັກແຂວງ ເລຂາພັກເມືອງ ເຈົ້າເມືອງສາມັກຄີໄຊ ມີທ່ານ ຫັດສະໄນ ສີບຸນເຫຼືອງ ເລຂາຄະນະບໍລິຫານງານຊາວໜຸ່ມແຂວງ ມີບັນດາການ​ນຳ​ຂັ້ນເມືອງ ແຂກທີ່ຖືກເຊີນອ້ອມຂ້າງເມືອງ ພ້ອມດ້ວຍຜູ້​ແທນສົມບູນ 53 ທາ​່ນ ຍິງ 8 ທ່ານທີ່​ເປັນ​ຕົວ​ແທນ​ໃຫ້​ສະມາຊິກ​ຊາວໜຸ່ມທັງໝົດ​ໃນທົ່ວ​ເມືອງ​ເຂົ້າ​ຮ່ວມ.

ທ່ານ ຫັດອານົງ ຂາວມີໄຊ ກຳມະການພັກເມືອງ ເລຂາຄະນະ​ບໍລິຫານ​ງານ​​ຊາວໜຸ່ມເມືອງສາມັກຄີໄຊ ​ໄດ້​ຂຶ້ນ​ຜ່ານ​ບົດ​ລາຍ​ງານ​ການ​ເມືອງຂອງ​ຄະນະ​ບໍລິຫານ​ງານ​ຊາວໜຸ່ມເມືອງຕໍ່​ກອງ​ປະຊຸມ​ໃຫຍ່​ຜູ້​ແທນ​ຊາວ​ໜຸ່ມ​ທົ່ວເມືອງສະໄໝທີ VII ໂດຍ​ໄດ້​ຍົກ​ໃຫ້​ເຫັນ​ໃນ​ບາງ​ຕອນ​ວ່າ ກອງ​ປະຊຸມ​ໃນ​ຄັ້ງ​ນີ້​ເປັນ​ການສະຫຼຸບ​ຕີ​ລາຄາ​ຄືນການຈັດ​ຕັ້ງ​ປະຕິບັດ​ວຽກງານຊາວໜຸ່ມ​-ເຍົາວະ​ຊົນ ​ຜົນສຳ​ເລັດຂອງ​ການຈັດ​ຕັ້ງ​ປະຕິບັດ​ທິດ​ທາງ ຄາດໝາຍ ​​ແລະ ຈັດ​ຕັ້ງ​ປະຕິບັດ​ວຽກງານທີ່​ໄດ້​ວາງ​ອອກ​ໃນ​ກອງ​ປະຊຸມ​ໃຫຍ່ຜູ້​​ແທນ​ຊາວໜຸ່ມທົ່ວ​ເມືອງ ສະໄໝທີ VI ​ຍົກ​​ໃຫ້​ເຫັນ​ຜົນ​ສຳ​ເລັດ ສິ່ງ​ຄົງ​ຄ້າງພ້ອມ​ທັງສາ​ເຫດ ​ແລະ ​ຖອດ​ຖອນ​​ບົດຮຽນເພື່ອ​ຊີ້​ນຳ​ວຽກງານ​ໃນ​ປີ​ຕໍ່​ໄປ ພ້ອມ​ກັນ​ນັ້ນ​ຍັງ​ໄດ້​ກຳນົດ​ທິດ​ທາງ ​ຄາດ​ໝາຍສູ້​ຊົນ ໜ້າທີ່​ວຽກງານ​ຕະຫຼອດ​ໄລຍະ​ກອງ​ປະຊຸມ​ໃຫຍ່ຄັ້ງ​ທີ VII (2019-2023) ​ແນ​ໃສ່​ສືບ​ຕໍ່​ຜັນຂະ​ຫຍາ​ຍ​ແນວທາງ​ການ​ປ່ຽນ​ແປງ​ໃໝ່ຂອງ​ພັກ​ເຂົ້າ​ສູ່​ຊີວິດ​ຕົວ​ຈິງຂອງ​ຄະນະ​ຊາວໜຸ່ມໃຫ້​ເປັນ​ໂຄງການ ​ແຜນການ​ເຮັດ​ວຽກ​ໃນ​ແຕ່ລະ​ໄລຍະໃຫ້​ມີ​ຄວາມ​ເຂັ້ມ​ແຂງ​ຮອບດ້ານ ​ໃນ​ເງື່ອນ​ໄຂ​​ແຫ່ງ​ການ​ເຊື່ອມພາຍໃນ ​ພາກ​ພື້ນ ແລະ ສາກົນ​ແນ​ໃສ່​ສຶກສາ​ອົບຮົມ​ຊາວ​ໜຸ່ມ-ເຍົາວະ​ຊົນ​ໃຫ້​ກາຍ​ເປັນ​ຜູ້​ສືບ​ທອດ​ທີ່​ດີ​ຂອງ​ພັກ ສ້າງ​ປັດ​​ໄຈ​ໃໝ່​ເຂົ້າ​ໃນ​ການ​ພັດທະນາ​ປະ​ເທດ​ຊາດ ​ເພື່ອ​ກ້າວ​ຂຶ້ນ​ສູ່​ອຸດົມ​ການ​ອັນປ່ຽນ​ແປງ​ຄື ສ້າງໃຫ້ ສປປ ລາວ​ເປັນ​ປະ​ເທດ​ມັ່ງ​ຄັ່ງ ​​ເຂັ້ມ​ແຂງ ​ຮັ່ງມີ​ຜາ​ສຸກ ສັງຄົມ​ປອງ​ດອງ ປະຊາທິປະ​ໄຕ​ຍຸຕິ​ທຳ ​ແລະ ສີວິ​ໄລ.

​ເພື່ອ​ບັນລຸ​ເປົ້າ​ໝາຍ​ສຳຄັນ​ດັ່ງກ່າວຜູ້​ແທນ​ກອງ​ປະຊຸມ​ໄດ້​ພ້ອມ​ກັນ​ໃຊ້​ສິດ​ຂອງ​ຕົນປ່ອນ​ບັດ​ເລືອກ​ຕັ້ງເລືອກ​ຕັ້ງ​ເອົາ​ຄະນະ​ບໍລິຫານ​ງານຊາວໜຸ່ມເມືອງສາມັກຄີໄຊສະ​ໄໝ​ທີ VII ບົນ​ພື້ນຖານ​ຫຼັກການ​ລວມສູນ​ປະຊາທິປະ​ໄຕ ທັງ​ຖືກຕ້ອງ​ສອດຄ່ອງ​ກັບ​ມາດຕະ ຖານ​ເງື່ອນ​ໄຂ​ທີ່​ກຳນົດ​ໄວ້ ກອງ​ປະຊຸມ​ຄັ້ງ​ປະຖົມມະລຶກ​ຂອງ​ຄະນະ​ບໍລິຫານ​ງານຊາວໜຸ່ມເມືອງສາມັກຄີໄຊ ​ໄດ້​ເປັນ​ເອກະ​ສັນ​ເລືອກ​ເອົາຄະນະບໍລິຫານງານຊາວໜຸ່ມເມືອງສາມັກຄີໄຊຈຳນວນ 19 ສະຫາຍ ຍິງ 2 ສະຫາຍ ສະຫາຍ ຫັດອານົງ ຂາວມີໄຊ ​ເປັນເລ ຂາ ສະຫາຍ ນາງ ຕ້ອມບຸບຜາ ພິມມະສອນ ເປັນຮອງ​ເລຂາ​ ທັງເປັນປະທານກວດກາຄະນະບໍລິຫານງານຊາວໜຸ່ມເມືອງ ສະຫາຍ ເສີດ ສອນພະແກ້ວ ​ເປັນຮອງ​ເລຂາ​.

ໃນຕອນທ້າຍກອງປະຊຸມ ທ່ານ ​ບຸນທະມາລີ ໝັ້ນອານົງ ກຳມະການພັກແຂວງ ເລຂາພັກເມືອງ ເຈົ້າເມືອງສາມັກຄີໄຊ ແລະ ທ່ານ ຫັດສະໄນ ສີບຸນເຫຼືອງ ເລຂາຄະນະບໍລິຫານງານຊາວໜຸ່ມແຂວງ ກໍ​ໄດ້ຜັດປ່ຽນກັນຂື້ນມີຄຳເຫັນຕໍ່ກອງປະຊຸມ ໂດຍທັງສອງຕ່າງກໍໄດ້​ສະ​ແດງ​ຄວາມ​ຊົມ​ເຊີຍຕໍ່​ຜົນສຳ​ເລັດ​ຂອງກອງ​​ປະຊຸມໃຫຍ່​ຜູ້​ແທນ​ຊາວໜຸ່ມເມືອງສາມັກຄີໄຊ ສະໄໝ​ທີ VII  ​​ແລະ ຄະນະ​ບໍລິ ຫານ​ງານຊາວໜຸ່ມເມືອງຊຸດ​ໃໝ່ທີ່​ໄດ້​ຮັບ​ການ​ເລືອກ​ຕັ້ງ​ລ້ວນ​ແຕ່​​ເປັນບຸກຄົນ​ທີ່ມີ​ຄຸນສົມບັດ ມີ​ຄວາມ​ຮູ້ຄວາມ​ສາມ​າດ ​ແລະ ມີ​ມາດຖານ​ເງື່ອນ​ໄຂ​ຄົບ​ຖ້ວນສົມ​ເປັນ​ຕົວ​ແທນ​ໃຫ້​ແກ່​ຊາວໜຸ່ມ-ເຍົາວະ​ຊົນ​ບັນດາ​ເຜົ່າ​ໃນ​ທົ່ວເມືອງສາມັກຄີໄຊ ພ້ອມນີ້ ທັງສອງທ່ານຍັງໄດ້ຮຽກຮ້ອງ​ໃຫ້ສະມາຊິກ​ຊາວໜຸ່ມ-​ເຍົາວະ​ຊົນ​ບັນດາ​ເຜົ່າຈົ່ງ​ເພີ່ມທະວີ​ຄວາ​ມສາມັກຄີເປັນ​ປຶກ​ແຜ່ນ ພ້ອມ​ກັນ​ບຸກບືນ​ກ້າວຂຶ້ນ​ຢ່າງໜັກ​ແໜ້ນ ​ສຸມ​ສະຕິ​ປັນຍາກຳລັງ​ແຮງ​ຂອງ​ຊາວໜຸ່ມ ​​ເຊີດ​ຊູ​ນ້ຳ​ໃຈ​ຮັກ​ຊາດ ​ເປັນ​ເຈົ້າ​ຕົນ​ເອງ​ເພີ່ງ​ຕົນ​ເອງ ສ້າງ​ຄວາມ​ເຂັ້ມ​ແຂງ​ດ້ວຍ​ຕົນ​ເອງ ຍົກ​ສູງ​ຄວາມ​ຮັບຜິດຊອບ​ການ​ເມືອງ​ຂອງ​ຕົນເຂົ້າ​ໃນ​ການຈັດ​ຕັ້ງ​ປະຕິ​ບັດ​ພາລະກິດ​ປົກ​ປັກ​ຮັກສາ ​ແລະ ສ້າງສາ​ພັດທະນາ​ປະ​ເທດ​ຊາດ​ໃຫ້​ຫລຸດ​ພົ້ນ​ອອກ​ຈາກ​ຄວາມທຸກ​ຍາກ ຄວາມ​ດ້ອຍ​ພັດທະນາ ນຳ​ເອົາ​ປະ​ເທດ​ຊາດ​ມັ່ງ​ຄັ່ງ​ເຂັ້ມ​ແຂງ ປະຊາຊົນ​ມີ​ຮັ່ງມີຄວາມ​ຜາ​ສຸກ ສັງຄົມ​ຍຸຕິ​ທຳ​ ປະຊາ​ທິປະ​ໄຕ ​ແລະ ສີວິ​ໄລ.

 

 

 

ຂໍ້ມູນ ແລະ ພາບໂດຍ: ນັກຂ່າວເມືອງສາມັກຄີໄຊ ແຂວງອັດຕະປື

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.