ກອງປະຊຸມສະໄໝສາມັນເທື່ອທີ 7 ສະພາປະຊາຊົນແຂວງວຽງຈັນໄຂຂຶ້ນຢ່າງເປັນທາງການ

0
1244

ໃນວັນທີ 30 ກໍລະກົດ 2019 ຜ່ານມານີ້ຢູ່ທີ່ສະໂມສອນໃຫຍ່ຂອງກອງບັນຊາການທະຫານແຂວງ ໄດ້​ມີ​ພິ​ທີ​ໄຂກອງ​ປະ​ຊຸມ​ສະ​ໄໝ​ສາ​ມັນ​ເທື່ອ​ທີ 7 ຂອງ​ສະ​ພາ​ປະ​ຊາ​ຊົນ​ແຂວງວຽງ​ຈັນ​ຢ່າງ​ເປັນ​ທາງ​ການ ໂດຍ ທ່ານ ຄຳພັນ ສິດທິດຳພາ ກຳມະການສູນກາງພັກ ເລຂາພັກແຂວງ ຮັກສາການເຈົ້າແຂວງວຽງຈັນ ມີບັນດາຜູ້ນຳພັກ-ລັດ ອາດີດການນຳ ບັນດາສະມາຊິກສະພາແຫ່ງຊາດ ສະພາປະຊາຊົນແຂວງ ແລະ ນັກທຸລະກິດເຂົ້າຮ່ວມ.

ທ່ານ ບຸນເພັງ ສາຍນໍລະດີ ຮອງເລຂາພັກແຂວງ ປະທານສະພາປະຊາຊົນແຂວງວຽງຈັນ ທັງເປັນປະທານກອງປະຊຸມຄັ້ງນີ້ໄດ້ກ່າວວ່າ ກອງປະຊຸມຄັ້ງນີ້ຈະໄດ້ສຸມໃສ່ພິຈາລະນາຮັບ ແລະ ຕົກລົງບັນດາບັນຫາສຳຄັນພື້ນຖານຂອງແຂວງຫຼາຍດ້ານເປັນຕົ້ນແມ່ນ ບົດລາຍງານຂອງອົງການປົກຄອງແຂວງກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແຜນງົບປະມານຂອງແຂວງ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2019 ຈະໄດ້ພິຈາລະນາຮັບຮອງເອົາການສະເໜີແຕ່ງຕັ້ງທ່ານເຈົ້າແຂວງວຽງຈັນ ຫົວໜ້າພະແນກອຸດສາຫະກຳ ແລະ ການຄ້າ ແລະ ຫົວໜ້າພະແນກວິທະຍາສາດ-ເຕັກໂນໂລຊີແຂວງວຽງຈັນ ຈະໄດ້ຮັບຟັງການລາຍງານສະພາບທີ່ພົ້ນເດັ່ນຈາກພະແນກກະສິກຳ ແລະ ປ່າໄມ້ ແລະ ພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງ ຈະໄດ້ພິຈາລະນາຮັບຮອງເອົາການສ້າງນິຕິກຳໃຕ້ກົດໝາຍ 2 ສະບັບ ຈະໄດ້ຮັບຟັງການລາຍງານຂອງຫົວ ໜ້າອົງການໄອຍະການປະຊາຊົນແຂວງ ແລະ ປະທານສານປະຊາຊົນແຂວງໃນການເຄື່ອນໄຫວວຽກງານ 6 ເດືອນຕົ້ນປີ ແລະ ແຜນການ 6 ເດືອນທ້າຍປີ 2019 ຈະໄດ້ພິຈາລະນາຮັບຮອງເອົາບົດລາຍງານການເຄື່ອນໄຫວວຽກງານ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2019 ຂອງສະພາປະຊາຊົນແຂວງວຽງຈັນຊຸດທີ I.

ກອງປະຊຸມສະໄໝສາມັນເທື່ອທີ 7 ຂອງສະພາປະຊາຊົນແຂວງວຽງຈັນຊຸດທີ I ຈະໄດ້ດຳເນີນໄປເປັນເວລາ 3 ວັນ (ວັນທີ 30 ກໍລະກົດຫາວັນທີ 2 ສິງຫາ 2019) ພ້ອມນີ້ ກອງປະຊຸມຍັງໄດ້ມີການເປີດສາຍດ່ວນເພື່ອເປີດໂອກາດໃຫ້ພໍ່ແມ່ປະຊາຊົນໄດ້ມີສ່ວນປະກອບຄຳຄິດເຫັນ ແລະ ແກ້ໄຂບັນຫາຂໍ້ຂ້ອງໃຈທີ່ເກີດຂຶ້ນຢູ່ໃນສັງຄົມຜ່ານໝາຍ 023165 ໂດຍບໍ່ໄດ້ເສຍຄ່າ.

 

 

ໂດຍ: ສະຫະລັດ ວອນທິວົງໄຊ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.