ກອງປະຊຸມປຶກສາຫາລື 3 ຝ່າຍຄັ້ງທີ II “ອົງການກວດກາລັດຖະບານ ແລະ ຕ້ານການສໍ້ລາດບັງຫຼວງ”

0
160

ກອງປະຊຸມປຶກສາຫາລື 3 ຝ່າຍ ຄັ້ງທີ II ລະຫວ່າງອົງການກວດກາລັດຖະບານ ແລະ ຕ້ານການສໍ້ລາດບັງຫຼວງແຫ່ງ ສປປ ລາວ, ໜ່ວຍງານຕ້ານການສໍ້ລາດບັງຫຼວງແຫ່ງຣາຊາອານາຈັກກໍາປູເຈຍ ແລະ ຄະນະກໍາມະການປ້ອງກັນ ແລະ ປາບປາມການສໍ້ລາດບັງ ຫຼວງແຫ່ງຣາຊະອານາຈັກໄທ ໄດ້ຈັດຂຶ້ນໃນວັນທີ 11 ທັນວາ 2019 ທີ່ໂຮງແຮມຈໍາປາສັກແກຣນ ແຂວງຈໍາປາສັກ ສປປ ລາວ.

ເຂົ້າຮ່ວມຝ່າຍລາວໂດຍ ທ່ານ ວິໄລວັນ ບຸດດາຄໍາ ຮອງປະທານອົງການກວດກາລັດຖະບານ, ຮອງຫົວໜ້າອົງການຕ້ານການສໍ້ ລາດບັງຫຼວງແຫ່ງ ສປປ ລາວ ພ້ອມດ້ວຍຄະນະ, ຝ່າຍຣາຊະອານາຈັກກໍາປູເຈຍນໍາໂດຍ ທ່ານ ຢອນ ຊີນັດ ຮອງປະທານອົງການຕ້ານການສໍ້ລາດບັງຫຼວງແຫ່ງຣາຊະອານາຈັກກໍາປູເຈຍ ພ້ອມຄະນະ ແລະ ຝ່າຍຣາຊະອານາຈັກໄທນໍາໂດຍ ທ່ານ ພິເຊດ ພຸ່ມພັນ ຮອງເລຂາທິການສໍານັກງານປ້ອງກັນ ແລະ ປາບປາມການສໍ້ລາດບັງຫຼວງແຫ່ງຊາດຣາຊະອານາຈັກໄທ ພ້ອມຄະນະ, ໂດຍການເປັນກຽດເຂົ້າຮ່ວມຂອງ ທ່ານ ສີໃນ ມຽງລາວັນ ຮອງປະທານອົງການກວດກາລັດຖະບານ, ຮອງຫົວໜ້າອົງການຕ້ານການສໍ້ລາດບັງຫຼວງແຫ່ງ ສປປ ລາວ, ມີປະທານອົງການກວດກາແຂວງຈໍາປາສັກ, ປະທານອົງການກວດກາແຂວງອັດຕະປື, ຮອງປະທານກວດກາ, ຫົວໜ້າກົມ-ຮອງກົມ ແລະ ຫົວໜ້າພະແນກການຕ້ານການສໍ້ລາດບັງຫຼວງຂັ້ນສູນກາງ ແລະ ແຂວງຈໍາປາສັກເຂົ້າ ຮ່ວມ.

ໃນໂອກາດກ່າວເປີດກອງປະຊຸມ ທ່ານ ສີໃນ ມຽງລາວັນ ກ່າວວ່າ: ທ່າມກາງບັນຍາກາດທີ່ມີຄວາມໝາຍຄວາມສໍາຄັນ ແລະ ເພື່ອຜັນຂະຫຍາຍຜົນສໍາເລັດຂອງກອງປະຊຸມ 3 ຝ່າຍຄັ້ງທີ I ທີ່ໄດ້ຈັດຂຶ້ນທີ່ແຂວງອຸບົນຣາຊະທານີ, ຣາຊະອານາຈັກໄທໃນທ້າຍປີທີ່ຜ່ານມາ ແລະ ເປັນການຜັນຂະຫຍາຍມາດຕາ 48 ແລະ 49 ຂອງສົນທິສັນຍາສະຫະປະຊາຊາດວ່າດ້ວຍການຕ້ານການສໍ້ລາດບັງ ຫຼວງ, ບົດບັນທຶກຄວາມເຂົ້າໃຈຂອງອົງການຈັດຕັ້ງຕ້ານການສໍ້ລາດບັງຫຼວງ, ບັນດາປະເທດອາຊີຕາເວັນອອກສຽງໃຕ້ກໍຄືບົດບັນ ທຶກຄວາມເຂົ້າໃຈກ່ຽວກັບການຮ່ວມມືສອງຝ່າຍທີ່ໄດ້ລົງນາມຮ່ວມກັນ ແລະ ເພື່ອສືບຕໍ່ແລກປ່ຽນບົດຮຽນປະສົບການ ແລະ ປຶກ ສາຫາລືເພື່ອຊອກຫາຊ່ອງທາງເພີ່ມທະວີການຮ່ວມມືສະກັດກັ້ນ ແລະ ຕ້ານການສໍ້ລາດບັງຫຼວງທີ່ມີລັກສະນະຂ້າມຊາດ ຫຼື ການສໍ້ ລາດບັງຫຼວງທີ່ພົວພັນກັບອາຊະຍາກໍາຂ້າມຊາດ, ປະກອບສ່ວນເຂົ້າໃນການປົກປ້ອງສິດຜົນປະໂຫຍດອັນຊອບທໍາຂອງລັດ, ສັງ ຄົມ ແລະ ຂອງປະຊາຊົນທັງສາມປະເທດ, ຊຶ່ງຝ່າຍລາວກໍໄດ້ແຈ້ງສະພາບໃນການຈັດຕັ້ງປະຕິບັດວຽກງານການສະກັດກັ້ນ ແລະ ຕ້ານການສໍ້ລາດບັງຫຼວງ.

ໃນໄລຍະທີ່ຜານມາແມ່ນໄດ້ສືບຕໍ່ສ້າງ, ປັບປຸງ ແລະ ຜັນຂະຫຍາຍບັນດານະໂຍບາຍ, ຍຸດທະສາດ, ກົດໝາຍ ແລະ ນິຕິກໍາລຸ່ມກົດ ໝາຍກ່ຽວກັບວຽກງານສະກັດກັ້ນ ແລະ ຕ້ານການສໍ້ລາດບັງຫຼວງຢ່າງຕໍ່ເນື່ອງ, ໄດ້ປັບປຸງກົງຈັກການຈັດຕັ້ງ, ພາລະບົດບາດ, ສິດໜ້າທີ, ກົນໄກການຄຸ້ມຄອງບໍລິຫານລັດໃຫ້ມີຄວາມທັນສະໄໝ, ກະທັດຮັດ, ໂປ່ງໃສ, ເພີ່ມທະວີການສຶກສາອົບຮົມປູກຈິດສໍານຶກໃຫ້ພະນັກງານ, ທະຫານ, ຕໍາຫຼວດ, ນັກຮຽນ-ນັກສຶກສາ. ນອກນັ້ນ ຍັງໄດ້ກວດກາໂຄງການລົງທຶນຂອງລັດເລີ່ມແຕ່ຫົວທີ ເປັນຕົ້ນໂຄງການກໍ່ສ້າງເສັ້ນທາງ, ຊົນລະປະທານ, ອາຄານສະຖານທີ່, ການຈັດຊື້ອຸປະກອນການແພດ, ການນໍາເຂົ້າວັດຖຸອຸປະ ກອນ ແລະ ແຮງງານສໍາລັບໂຄງການກໍ່ສ້າງເສັ້ນທາງລົດໄຟລາວ-ຈີນ, ການດໍາເນີນການກວດກາຕາມຜົນການກວດສອບທີ່ສະພາແຫ່ງຊາດ ມອບໃຫ້ອົງການກວດກາລັດຖະບານ ແລະ ຕ້ານການສໍ້ລາດບັງຫຼວງ ເປັນຕົ້ນໂຄງການບໍ່ຜ່ານການປະເມີນ, ໂຄງການບໍ່ຜ່ານການປະມູນ, ໂຄງການນອກແຜນທີ່ສະພາຮັບຮອງ ແລະ ອື່ນໆ. ຈາກນັ້ນຣາຊະອານາຈັກກໍາປູເຈຍ ແລະ ຣາຊະອານາຈັກໄທ ກໍໄດ້ແຈ້ງສະພາບກ່ຽວກັບວຽກງານຕ້ານການສໍ້ລາດບັງຫຼວງໃນໄລຍະຜ່ານມາທັງຈຸດດີ, ຈຸດອ່ອນ ແລະ ຂໍ້ຄົງຄ້າງ ພ້ອມທັງມີການປະກອບຄໍາຄິດເຫັນແລກປ່ຽນຊຶ່ງກັນ ແລະ ກັນ.

ສຳລັບຈຸດປະສົງໃນການຈັດກອງປະຊຸມປຶກສາຫາລື 3 ຝ່າຍຄັ້ງທີ II ກໍເພື່ອເປັນການຈັດຕັ້ງປະຕິບັດຕາມເນື່ອໃນຈິດໃຈຂອງສົນ ທິສັນຍາສະຫະປະຊາຊາດ ວ່າດ້ວຍການຕ້ານການສໍ້ລາດບັງຫຼວງ, ການແລກປ່ຽນບົດຮຽນ, ວຽກງານສືບສວນ-ສອບສວນ, ເປັນການປະຕິບັດຕາມກອງປະຊຸມປຶກສາຫາລື 3 ຝ່າຍຄັ້ງທີ I, ສືບຕໍ່ແລກປ່ຽນບົດຮຽນກ່ຽວກັບວຽກງານຕ້ານການສໍ້ລາດບັງຫຼວງ ແລະ ສືບຕໍ່ປຶກສາຫາລືກ່ຽວກັບການຮ່ວມມື ແລະ ການສະກັດກັ້ນຕ້ານການສໍ້ລາດບັງຫຼວງທີ່ກ່ຽວຂ້ອງກັບອາຊະຍາກໍາຂ້າມຊາດ ເປັນຕົ້ນການລັກລອບຄ້າຢາເສບຕິດ, ການຄ້າມະນຸດ, ຄ້າອາວຸດ, ຄ້າສັດ, ການລັກລອບຂົນສົ່ງນໍ້າມັນ ແລະ ອື່ນໆ.

 

 

ໂດຍ: ດອກຕາເວັນ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.