ຂ່າວດີ! ນ້ອງໆສາມາດລົງທະບຽນເສັງເຂົ້າ ມຊ ແບບອອນລາຍໄດ້ແລ້ວ

0
463

ມະຫາວິທະຍາໄລແຫ່ງຊາດ (ມຊ) ໄດ້ປັບປຸງການລົງທະບຽນສອບເສັງແບບໃໝ່ ເຊິ່ງເປັນການລົງທະບຽນແບບອອນລາຍ ໂດຍບໍ່ຈໍາເປັນຕ້ອງໄປຊື້ແບບຟອມ.

ຜູ້ສະໝັກສາມາດລົງທະບຽນໄດ້ຜ່ານຄອມພິວເຕີ້ ຫຼື ອຸປະກອນອິເລັກໂຕຣນິກອື່ນໆ.​ ທ່ານ ສຈ.ປອ. ສົມສີ ຍໍພັນໄຊ, ວ່າການອະທິການບໍດີມະຫາວິທະໄລແຫ່ງຊາດຫວັງຢ່າງຍິ່ງວ່າ ການປັບປຸງລະບົບການລົງທະບຽນ [ຫັນເປັນອອນລາຍ] ຈະຊ່ວຍອຳນວຍຄວາມສະດວກຜູ້ສະໝັກທຸກຄົນ ສາມາດລົງທະບຽນໄດ້ງ່າຍຂຶ້ນ, ເປັນການປະຫຍັດເວລາ ການເດີນທາງ ບໍ່ຈໍາເປັນຕ້ອງມາຫຼາຍຄັ້ງ.

ວ່າທີນັກສຶກສາສາມາດເລີ່ມສະໝັກລົງທະບຽນສອບເສັງໄດ້ຕັ້ງແຕ່ວັນທີ 16 ກໍລະກົດເປັນຕົ້ນໄປ ແລະ ຫຼັງຈາກນັ້ນຜູ້ສະໝັກໄດ້ຮັບລະຫັດເຂົ້າຫ້ອງເສັງແລ້ວ ກໍສາມາດເຂົ້າມາຮັບເອົາບັດເຂົ້າຫ້ອງເສັງທີ່ສະໂມສອນໃຫຍ່, ວິທະຍາເຂດດົງໂດກ, ມຊ ເລີ່ມຕັ້ງແຕ່ວັນທີ 23 ກໍລະກົດ ເຖິງ 22 ສິງຫາ 2018. ຜູ້ສະໝັກຕ້ອງກຽມເອກະສານປະກອບຕ່າງໆໃຫ້ຄົບຖ້ວນ. ຜູ້ສະໝັກສາມາດອ່ານລາຍລະອຽດການປະກອບເອກະສານ ແລະ ລົງທະບຽນສອບເສັງໄດ້ທີ່ເວັບໄຊ້ http://entrance.nuol.edu.la.

ວັນສອບເສັງແມ່ນຈະຈັດຂຶ້ນພາຍໃນມື້ດຽວຄືວັນທີ 25 ສິງຫາ 2018 ໂດຍແບ່ງອອກເປັນ 3 ກຸ່ມ ຄື ກຸ່ມ A ສາຍທຳມະຊາດ, ກຸ່ມ B ສາຍສັງຄົມ, ກຸ່ມ C ສາຍເຄິ່ງສັງຄົມແລະເຄິ່ງທຳມະຊາດ.

ສ່ວນຜູ້ສະໝັກທີ່ມີຂໍ້ສົງໄສກ່ຽວກັບການລົງທະບຽນແບບອອນລາຍນີ້ ຫຼື ບໍ່ເຂົ້າໃຈຂັ້ນຕອນໃນການສະມັກແມ່ນ ສາມາດໂທສອບຖາມໄດ້ທີ່ 020 54665499, 020 99993282, 020 55614888 ຫຼື ຕິດຕໍ່ທາງເຟສບຸກຂອງ ມຊ facebook/nuolofficial.

ແຫຼ່ງຂ່າວ: ມະຫາວິທະຍາໄລແຫ່ງຊາດ

ອອກ​ຈາກ REPLY ເປັນ

Please enter your comment!
Please enter your name here