ຊຸດເຈົ້າສາວເຮັດຈາກເຈ້ຍອະນາໄມຄວ້າແຊ໋ມປະກວດການປະກວດອອກແບບຄັ້ງທີ 15

0
21

ສຳນັກຂ່າວຣອຍເຕີລາຍງານເມື່ອທ້າຍອາທິດທີ່ຜ່ານມາວ່າ ກອງປະກວດຊຸດເຈົ້າສາວທີ່ເຮັດຈາກເຈ້ຍທິດຊູ ຄັ້ງທີ 15 ຫຼື Annual Toilet Paper Wedding Dress Contest ຊຶ່ງຈັດຂຶ້ນຢູ່ທີ່ນະຄອນນິວຢອກ ອາເມຣິກາໄດ້ປະກາດຜົນຜູ້ຊະນະເລີດທີ່ຄວ້າແຊ໋ມການປະກວດອອກແບບຊຸດເຈົ້າສາວທີ່ເຮັດຈາກເຈ້ຍທິດຊູ ໂດຍຜູ້ຊະນະໄດ້ແກ່ ນາງ ມິໂມຊ່າ ຮັສກາ ຈາກເຊີຟໄຊ ບີຊ ລັດແຄລິຟໍເນຍ ພ້ອມຮັບເງິນ 10.000 ໂດລາໄປຄອງ.

ການປະກວດໃນປີນີ້ມີຜູ້ເຂົ້າຮ່ວມແຂ່ງຂັນຫຼາຍກວ່າ 1.500 ຄົນ ແລ້ວຄັດເລືອກໃຫ້ເຫຼືອພຽງແຕ່ 12 ຄົນສຸດທ້າຍເພື່ອມາຊີງໄຊ ທັງນີ້ ຜູ້ເຂົ້າປະກວດມີພາລະກິດທີ່ຕ້ອງໃຊ້ຄວາມຄິດສ້າງສັນກໍຄືໂຈດທີ່ຄະນະກຳມະການຕັ້ງໄວ້ນັ້ນກໍຄື ຊຸດເຈົ້າສາວຕ້ອງມາຈາກເຈ້ຍທິດຊູ “Quilted Northern” ສະກ໋ອດ ກາວ ເຂັມ ແລະ ດ້າຍເທົ່ານັ້ນ ຈາກນັ້ນກໍຈະມີຄະນະກຳມະການຊື່ດັງ ແລະ ນັກອອກແບບປະຈຳກອງປະກວດ ແລະ ເຈົ້າບໍລິສັດ Charm Wedding ສະຕູດິໂອ ແລະ ບໍລິສັດຮັບຈັດງານແຕ່ງດອງ ແລະ ເຈົ້າຂອງແບຣນຊື່ດັງຮ່ວມຕັດສິນ.

ຂະນະທີ່ໜຶ່ງໃນຄະນະກຳມະການຕັດສິນກ່າວວ່າ ບໍ່ພຽງແຕ່ດີໄຊເນີ້ເຫຼົ່ານີ້ມີພອນສະຫວັນ ຊຶ່ງຖ້າຫາກຊຸດເຈົ້າສາວຖືກນຳມາຕັດ-ຫຍິບດ້ວຍແຜ່ນແພຊຸດກໍຍັງຄົງມີຄວາມສວຍງາມ ແຕ່ການປະກວດນີ້ ຜູ້ເຂົ້າແຂ່ງຂັນແມ່ນນຳໃຊ້ເຈ້ຍທິດຊູມາຜະລິດຜົນງານຊຶ່ງຖືເປັນເລື່ອງທີ່ຍາກ ແລະ ໜ້າເຫຼືອເຊື່ອ ແລະ ນີ້ກໍຄືເຫດຜົນສ່ວນໜຶ່ງວ່າເປັນຫຍັງການປະກວດນີ້ຈຶ່ງຍັງຄົງໄດ້ຮັບຄວາມນິຍົມ.

 

 

 

 

ຮຽບຮຽງ: ເພັງສະຫວັນ

ຮູບພາບ: thairath

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.