ຊິລີຕ້ອງຜະລິດຫິມະທຽມທົດແທນທີ່ສູນເສຍຈາກພາວະໂລກຮ້ອນ

0
130

ຊ່ວງນີ້ຖືເປັນຊ່ວງລະດູໜາວຂອງຊີກໂລກໃຕ້ເຊັ່ນ ອົສຕຣາລີ ນິວຊີແລນ ຊິລີ ແລະ ອາກຊັງຕິນ ແຕ່ເນື່ອງຈາກພາວະໂລກຮ້ອນທີ່ທະວີຄວາມຮຸນແຮງຂຶ້ນນັບມື້ເຮັດໃຫ້ປະລິມານຫິມະໃນປະເທດຊິລີຫຼຸດໜ້ອຍລົງເລື້ອຍໆ ສົ່ງຜົນໃຫ້ສະໜາມຫຼິ້ນສະກີໃນຊິລີຕ້ອງຜະລິດຫິມະທຽມເພື່ອໃຫ້ບໍລິການນັກທ່ອງທ່ຽວໃນຊ່ວງລະດູໜາວ.

ຊຶ່ງເມື່ອບໍ່ເທົ່າໃດທົດສະວັດທີ່ຜ່ານມາພູແອນດີສມີຫິມະຕົກໜັກ ແລະ ຈະຖືກຝັງຢູ່ໃຕ້ຫິມະໜາເຖິງ 4 ແມັດ ເຮັດໃຫ້ຕ້ອງປິດເສັ້ນທາງສັນຈອນຈົນເປັນເລື່ອງປົກກະຕິ ແຕ່ໃນປີນີ້ຫິມະຕົກແຕ່ 3 ຄັ້ງເທິງພູແອນດີສໃນຊິລີ ແລະ ຫິມະຍັງມີຄວາມໜາບໍ່ເກີນ 30 ຊັງຕີແມັດ ຂະນະທີ່ ຣາອູລ ກໍຣເດໂຣ ແຫ່ງມະຫາວິທະຍາໄລຊານຕິອາໂກໄດ້ກ່າວວ່າ ບໍ່ພຽງແຕ່ຊິລີເທົ່ານັ້ນທີ່ໄດ້ຮັບຜົນກະ ທົບ ແຕ່ພູແອນດີສທັງໝົດທີ່ແຜ່ຂະຫຍາຍກວມຫຼາຍປະເທດ ແລະ ປົກຄຸມດ້ວຍຫິມະຊ່ວງຕອນກາງຂອງພູມີປະລິມານຫິມະຫຼຸດ ລົງປະມານ 5-10% ທຸກໆ 10 ປີ ແລະ ບໍ່ພຽງແຕ່ຫິມະປົກຄຸມເທົ່ານັ້ນທີ່ຫຼຸດລົງ ຄວາມໜາຂອງຫິມະປົກຄຸມກໍຫຼຸດລົງເຊັ່ນກັນ ໂດຍຫຼຸດລົງເຖິງ 10%.

ຂະນະທີ່ອຸນຫະພູມໂລກສູງຂຶ້ນໄດ້ສົ່ງຜົນໃຫ້ຫິມະລະລາຍໄວຂຶ້ນ ແລວຫິມະຕາມຍອດພູກໍຍິ່ງຫົດຕົວລົງ ຊຶ່ງເຫັນໄດ້ຢ່າງຊັດເຈນໃນເຂດພາກກາງຂອງປະເທດ ເນື່ອງຈາກມົນລະພິດຈາກເມືອງຫຼວງຂອງຊິລີຊຶ່ງເປັນໜຶ່ງໃນເຂດເມືອງທີ່ມີການປົນເປື້ອນຂອງມົນລະພາວະຫຼາຍທີ່ສຸດໃນພູມີພາກ ຈາກການສຶກສາຂອງ ກໍຣເດໂຣ ພົບວ່າ ກາກບອນດຳຈາກເມືອງຫຼວງຂອງຊິລີລອຍໄປຕົກລົງໃນພູແອນດີສ ແລະ ເຮັດໃຫ້ຫິມະລະລາຍໄວກວ່າປົກກະຕິ ຊຶ່ງບັນຫາທີ່ເກີດຂຶ້ນເຮັດໃຫ້ສະໜາມຫຼິ້ນສະກີຂອງຊິລີມີຫິມະບໍ່ພຽງພໍ ແລະ ໃນຊ່ວງລະດູໜາວນີ້ກໍບໍ່ມີຫິມະເລີຍ ເຮັດໃຫ້ຕ້ອງໃຊ້ອຸປະກອນຜະລິດຫິມະທຽມເພື່ອໃຫ້ນັກກີລາ ແລະ ນັກທ່ອງທ່ຽວໄດ້ຫຼິ້ນສະກີຢ່າງເຕັມທີ່.

 

 

 

 

ຮຽບຮຽງ: ພ.ສະຫວັນ

ຮູບພາບ: posttoday

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.