ຄົນຮ້າຍໜີຄະດີກວ່າ 17 ປີຖືກຈັບຫຼັງຈາກຕຳຫຼວດໃຊ້ໂດຣນຄົ້ນຫາ

0
238272

ເຈົ້າໜ້າທີ່ຕຳຫຼວດຈີນກັກຕົວຄົນຮ້າຍໜີຄະດີດົນກວ່າ 17 ປີໄດ້ສຳເລັດ ດ້ວຍການໃຊ້ໂດຣນໃນການຄົ້ນຫາຕຳແໜ່ງທີ່ຄົນຮ້າຍລີ້ຊ້ອນຢູ່ໃນຖໍ້າ.

ຊົ່ງ ຈຽງ ອາຍຸ 63 ປີຖືກຈຳຄຸກໃນຄະດີຄ້າແມ່ຍິງ ແລະ ເດັກ ແຕ່ໄດ້ຫຼົບໜີອອກຈາກບ່ອນຄຸມຂັງເມື່ອປີ 2002 ແລ້ວເຂົ້າໄປຫຼົບລີ້ຢູ່ໃນຖໍ້ານ້ອຍໆແຫ່ງໜຶ່ງໂດຍຕັດ ຂາດຈາກການຕິດຕໍ່ກັບໂລກພາຍນອກຫຼາຍປີ ທັງນີ້ ເຈົ້າໜ້າທີ່ທາງພາກຕາເວັນຕົກສຽງໃຕ້ຂອງຈີນໄດ້ເຜີຍວ່າ ໄດ້ຮັບແຈ້ງເບາະແສກ່ຽວກັບນັກໂທດຄົນນີ້ເມື່ອຕົ້ນເດືອນກັນຍາຜ່ານມາ ຊຶ່ງຂໍ້ມູນທີ່ໄດ້ມານັ້ນສາມາດຊ່ວຍໃຫ້ເຈົ້າໜ້າທີ່ຕຳຫຼວດຮູ້ເຖິງບ່ອນລີ້ຊ້ອນຂອງລາວຊຶ່ງຢູ່ບໍລິເວນ ຕີນພູໃນເຂດເມືອງຫຍົງຊ່ານບ້ານເກີດຂອງ ຊົ່ງຈຽງ.

ຫຼັງຈາກທີ່ເຈົ້າໜ້າທີ່ບໍ່ປະສົບຄວາມສຳເລັດໃນການຄົ້ນຫາຕົວຂອງ ຊົ່ງ ຈຽງ ຫຼາຍຄັ້ງ ທາງການຈຶ່ງໄດ້ຕັດສິນໃຈສົ່ງໂດຣນໄປຊ່ວຍ ເຫຼືອເຈົ້າໜ້າທີ່ຕຳຫຼວດ ຊຶ່ງຜົນປາກົດວ່າໂດຣນກວດພົບຫຼັງຄາສັງກະສີສີຟ້າຢູ່ບໍລິເວນໜ້າຜາສູງແຫ່ງໜຶ່ງ ລວມທັງພົບເສດຂີ້ ເຫຍື້ອ ທີ່ເກີດຈາກການແຕ່ງຢູ່ຄົວກິນ ດັ່ງນັ້ນ ເຈົ້າໜ້າທີີ່ຕຳຫຼວດຈຶ່ງໄດ້ນຳກຳລັງລົງພື້ນທີ່ດັ່ງກ່າວ ແລະ ກໍໄດ້ພົບຕົວຂອງ ຊົ່ງ ຈຽງ ຢູ່ໃນຖໍ້ານ້ອຍໆແຫ່ງໜຶ່ງຊຶ່ງໃຊ້ເປັນບ່ອນລີ້ຊ້ອນກວ່າ 1 ປີ.

ພ້ອມນີ້ ເຈົ້າໜ້າທີ່ຕຳຫຼວດຍັງໄດ້ເປີດເຜີຍອີກວ່າ ການທີ່ ຈົ່ງ ຊຽງ ໃຊ້ຊີວິດແບບຫຼົບໆລີ້ໆຢ່າງໂດດດ່ຽວມາດົນຫຼາຍປີເຮັດໃຫ້ລາວປະສົບບັນຫາໃນການສື່ສານ (ເວົ້າບໍ່ຮູ້ພາສາ) ແລະ ໃນຂະນະທີ່ລາວໃຊ້ຊີວິດຢູ່ໃນຖໍ້າຢ່າງໂດດດ່ຽວລາວໄດ້ໃຊ້ຂວດພລາສຕິກກອງນໍ້າດື່ມຈາກແມ່ນໍ້າ ແລະ ໃຊ້ກິ່ງໄມ້ເຮັດຟືນດັງໄຟ ຊຶ່ງຫຼັງຈາກທີ່ກັກຕົວ ຈົ່ງ ຊຽງ ໄດ້ໃນຄັ້ງນີ້ ເຈົ້າໜ້າທີ່ກໍໄດ້ສົ່ງຕົວນັກໂທດຄົນນີ້ກັບເຂົ້າຄຸກເປັນທີ່ຮຽບຮ້ອຍ.

 

 

 

ຮຽບຮຽງ: ພ.ສະຫວັນ

ຮູບພາບ: bbc.com/thai

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.