ບຸນລາວ Lao Festival 2016 ຖືກຈັດຂຶ້ນປີລະຄັ້ງເພື່ອເປີດກວ້າງໃຫ້ຊາວຕ່າງຊາດ ໄດ້ຮູ້ຈັກປະເທດລາວຂອງພວກເຮົາຫຼາຍຂຶ້ນ ແລະ ປິນີ້ໄດ້ຈັດຂຶ້ນໃນວັນທີ 28-29 ພຶດສະພາ ທີ່ສວນ Yogogi, ໂຕກຽວ ປະເທດຍີ່ປຸ່ນນອກຈາກແນະນຳກ່ຽວກັບຮີດຄອງປະເພນີອັນດີງາມ, ວັດທະນະທຳ ອັນເປັນຕາໜ້າອອນຊອນ ຫຼົງໄຫຼ, ນອກຈາກຈະນຳສະເໜີກ່ຽວກັບບຸນປະເພນີເທສະການຕ່າງໆຂອງບ້ານເຮົາແລ້ວຍັງມີອາຫານຂຶ້ນຊື່ຂອງລາວໄວ້ໃຫ້ຊາວຕ່າງຊາດໄດ້ລອງຊີມ, ມີການເດີນແບບໂຊຜ້າໄໝ ເປັນທີ່ຕື່ນຕາຕ້ອງໃຈ, ມີການຮ້ອງເພງ, ການເຕັ້ນບັດສະຫຼົບ…
ປີນີ້ ມີສີລະປິນລາວຫຼາຍຄົນ ໄປຮ່ວມປະກອບສ່ວນ ສ້າງຄວາມບັນເທີງ ແລະ ຍັງມີ ສາວ ລູກນ້ຳນາງສາວລາວ ປີ 2011 ໄປຮ່ວມເດີນແບບ ແລະ ໂຊຝີມືການເຮັດລາບ ແຊບໆ ໃຫ້ທຸກໆຄົນທີ່ມາຮ່ວມງານໄດ້ຮັບປະທານ.
ບັນຍາກາດຄຶກຄື້ນມ່ວນຊື່ນ ຜູ້ຄົນໃຫ້ຄວາມສົນໃຈຫຼາຍຂຶ້ນທຸກປີເຮັດໃຫ້ນັກທ່ອງທ່ຽວຫຼາຍຄົນ ເກີດຄວາມຄຶດຢາກພາຄອບຄົວມາສຳພັດບັນຍາກາດແທ້ຈິງຢູ່ປະເທດຈັກຄັ້ງໃນຊີວິດ
