spot_img
Home​ຂ່າວທ່ອງທ່ຽວວັດສີມຸງຄຸນ ເມືອງຊຳໃຕ້ ແຂວງ ຫົວພັນ

ວັດສີມຸງຄຸນ ເມືອງຊຳໃຕ້ ແຂວງ ຫົວພັນ

Published on

ທ່ອງທ່ຽວກັບລາວໂພສຕ໌ວັນນີ້ ເຮົາຈະພາທຸກທ່ານໄປທ່ຽວທີ່ວັດສີມຸງຄຸນ ເມືອງຊຳໃຕ້ ແຂວງ ຫົວພັນ ເຊິ່ງວັດແຫ່ງນີ້ມີອາຍຸເກົ່າແກ່ ແລະ ປະຫວັດສາດທີ່ໜ້າສົນ ເພາະຖືກສ້າງຂື້ນໃນລະຫວ່າງປີ ຄ.ສ. 1917-1925. ໂດຍ ພະສົມເດັດສີ ແລະ ເຈົ້າສັດທາໃນການສ້າງ ແມ່ນ ເພັຍອີນ ແຫ່ງ ຕາແສງຊຳໃຕ້.

239

ສະຖານທີ່ຕັ້ງຂອງ ວັດສີມຸງຄຸນ ແມ່ນຕັ້ງຢູ່ບ້ານຊຳໃຕ້ເກົ່າ ຫ່າງຈາກເທດສະບານເມືອງຊຳໃຕ້ ປະມານ 2 ກິໂລແມັດ.

ໃນຂອບເຂດວັດປະກອບມີ ຖາວອນນະວັດຖຸທີ່ສວຍງາມຄື ພະທາດສູງປະມານ 30 ແມັດ ຈຳນວນ 02 ອົງ, ທາດຊົງດອກບົວ 02 ອົງ ແລະ ຫໍບູຊາ 02 ຫໍ ໂດຍແມ່ນເຈົ້່າສັດທາຄົນດຽວກັນ ແລະ ໄດ້ມີພຶທີຂອດບືສິມ, ສົມໂພດພຣະ ແລະ ສູດເບີກວັດພ້ອມກັນໃນປີ 1932. ນັບແຕ່ນັ້ນມາ ວັດແຫ່ງນີ້ ໄດ້ເປັນຫລັກບ້ານຫລັກເມືອງ ເປັນບ່ອນສັກກະລະບູຊາຫນ້າເຊື່ອຖື ທີ່ມີອານຸພາບ ມະຫັດສະຈັນ ເຊັ່ນເປັນບ່ອນທວາຍອັນສັກສິດ ແລະ ໃນນັ້ນມີເຫດການເກີດຂຶ້ນໃນ ປີ 1947 ກໍຄື ພະອົງຕຶ້ທີ່ປະດິດສະຖານພາຍໃນສິມ ເກີດມີ ນ້ຳເຫື່ອອອກທົ່ວອົງພະ, ພະອາຈານກອງເຈົ້າອາວາດໃນຂະນະນັ້ນ ໄດ້ນຳຜ້າແພໄປເຊັດ ແລະ ສົມມາຄາລະວະ.

ວັດແຫ່ງນີ້ ເປັນວັດໜຶ່ງທີ່ສວຍງາມ ອ້ອມຮອບດ້ວຍທຳມະຊາດ ທີ່ສົດຊື່ນ ແລະ ມີເອກະລັກສະເພາະ ທາງດ້ານການກໍ່ສ້າງ ສ່ອງແສງໃຫ້ເຫັນເຖິງຮູບແບບທາງວັດທະນະທຳ, ສື່ເຖິງຮູບແບບການດຳລົງຊີວິດ ຂອງຊາວຫົວພັນໃນສະໄໝກ່ອນ.

ແຕ່ປັດຈຸບັນ ວັດສີມຸງຄຸນ  ທີ່ເປັນບ່ອນສັກກະລະບູຊາຫນ້າເຊື່ອຖື ທີ່ມີອານຸພາບ ມະຫັດສະຈັນໃນອະດີດ ໄດ້ກາຍເປັນວັດຮ້າງ ເພາະບໍ່ມີພຣະຈຳວັດເລີຍແມ້ແຕ່ອົງດຽວ ແລະ ສະພາບຂອງວັດກໍ່ຊຸດໂຊມໄປຕາມການເວລາ ເພາະບໍ່ມີຄົນໄປບູລະນະຮັກສາ ມໍລະດົກອັນລ້ຳຄ່າທີ່ຄົນສະໄໝກ່ອນໄດ້ສ້າງໄວ້, ເຊິ່ງເປັນເລື່ອງທີ່ໜ້າເສຍດາຍ ທີ່ສະຖານທີ່ອັນສັກສິດ ເຕັມໄປດ້ວຍເລື່ອງລາວທາງວັດທະນະທຳຂອງຄົນສະໄໝກ່ອນໄດ້ຖືກລົບເລືອນໄປຕາມການເວລາ

ຕາມທັກສະນະຕິຂອງຄົນຂຽນ ຄິດວ່າ ສະຖານທີ່ດັ່ງກ່າວນີ້ຄວນໄດ້ຮັບການບູລະນະປະຕິສັງຂອນຂຶ້ນມາໃໝ່ອີກຄັ້ງ ເພື່ອໃຫ້ສະຖານທີ່ດັ່ງກ່າວເປັນບ່ອນທ່ອງທ່ຽວທາງປະຫັວດສາດອັນໜຶ່ງຂອງແຂວງ ຫົວພັນ ເພື່ອໃຫ້ລູ້ນຫຼັງໄດ້ຮັບຮູ້ແລະ ສຳພັດເຖິງວັດທະນະທຳອັນດີງາມຂອງຄົນສະໄໝກ່ອນຜ່ານສິ່ງປຸກສ້າງອັນເກົ່າແກ່ທີ່ວັດແຫ່ງນີ້.

 

ບົດຄວາມຫຼ້າສຸດ

ລັດຖະບານຍີ່ປຸ່ນໃຫ້ທຶນການຊ່ວຍເຫຼືອ 96,600 ໂດລາ ເພື່ອຊ່ວຍຍົກລະດັບການສຶກສາໃນແຂວງອຸດົມໄຊ

ລັດຖະບານຍີ່ປຸ່ນ ຊ່ວຍຍົກລະດັບການສຶກສາຊັ້ນອະນຸບານ ແລະ ປະຖົມໃນແຂວງອຸດົມໄຊ ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 89,600 ໂດລາ ໃນການສະໜັບສະໜູນໂຄງການດ້ານການສຶກສາໃນແຂວງອຸດົມໄຊ ພາຍໃຕ້​ໂຄງ​ການ​ເສີມ​ສ້າງ​ຄວາມ​ໝັ້ນ​ຄົງ​ຂອງ​ມະ​ນຸດ​ຂັ້ນ​ຮາກ​ຖານ (GGP); ພິທີລົງນາມການຊ່ວຍເຫຼືອດັ່ງກ່າວຈັດຂຶ້ນໃນຫວ່າງບໍ່ດົນມານີ້ ທີ່ນະຄອນຫຼວງວຽງຈັນ. ໂຄງການຈະໃຫ້ການສະໜັບສະໜູນທຶນຮອນເພື່ອກໍ່ສ້າງອາຄານຮຽນ ແລະ ຫ້ອງນໍ້າໃໝ່ ພ້ອມທັງສະໜອງສິ່ງອຳນວຍຄວາມສະດວກທີ່ຈຳເປັນ...

ຊົມເຊີຍທີມແພດຈີນ-ລາວ ສໍາເລັດການຜ່າຕັດກະດູກຫັກມອນເຕກຽຍ (Monteggia) ຂອງເດັກນ້ອຍ

ຊ່ຽວຊານແພດຈີນ ແລະ ລາວ ສໍາເລັດການຜ່າຕັດກະດູກຫັກມອນເຕກຽຍ(Monteggia) ຂອງເດັກນ້ອຍ ເມື່ອບໍ່ດົນນີ້, ພາຍໃຕ້ການຊີ້ນໍາຂອງຄະນະຊ່ຽວຊານການແພດທະຫານຈີນຊຸດທີ 12 ປະຈໍາລາວ (ມາຈາກໂຮງໝໍຊີຈິ່ງ ຂອງມະຫາວິທະຍາໄລການແພດທະຫານອາກາດຈີນ) ຮ່ວມກັບພະແນກກະທົບຜ່າຕັດ-ກະດູກຂອງໂຮງໝໍ ສູນກາງ103 ກອງທັບປະຊາຊົນລາວ ໄດ້ສໍາເລັດການຜ່າຕັດກະດູກຫັກມອນເຕກຽຍ(Monteggia)...

ກັບຄືສູ່ບ້ານເຮົາແລ້ວ! ທາງການໄທສົ່ງມອບພຣະພຸດທະຮູບບູຮານຄືນສູ່ປະເທດລາວ

ທາງການໄທສົ່ງມອບພຣະພຸດທະຮູບບູຮານ ທີ່ສູນຫາຍໃນສະໄໝສົງຄາມອິນດູຈີນຄືນໃຫ້ແກ່ ສປປ ລາວ ໃນວັນທີ 7 ມີນາ 2025, ທ່ານອຸປະກິດ ປາຈະລີຍາງກຸນ ອະດີດສະມາຊິກວຸດທິສະພາ, ຫົວໜ້າຜູ້ແທນທຳມະທູດຂອງໄທ ໄດ້ເຂົ້າພົບ ທ່ານ ຄຳພັນ...

ຊາຍໜຸ່ມກໍ່ເຫດໃຊ້ມີດບຸກແທງຄໍແຟນສາວເສຍຊີວິດ ຄາຫ້ອງເຊົ່າ ຍ້ອນຫຶງທີ່ແຟນສົ່ງຍິ້ມໃຫ້ຊາຍອື່ນ

ຊາຍໜຸ່ມຫຶງໂຫດ! ບຸກແທງຄໍແຟນສາວເສຍຊີວິດ ຄາຫ້ອງເຊົ່າ ຍ້ອນຫຶງທີ່ແຟນສົ່ງຍິ້ມໃຫ້ຊາຍອື່ນ ສຳນັກຂ່າວໄທລັດລາຍງານໃນວັນທີ 6 ມີນາ 2025 ຜ່ານມາ ເຈົ້າໜ້າທີ່ຕຳລວດໄດ້ຮັບແຈ້ງເຫດວ່າມີຄົນຖືກແທງເສຍຊີວິດ ຢູ່ຫ້ອງເຊົ່າແຫ່ງໜຶ່ງ ທີ່ຈັງຫວັດຣາຊະບູລີ ປະເທດໄທ. ຕາມການລາຍງານ: ຜູ້ກໍ່ເຫດຊື່ທ້າວ ຊາຍ...