spot_img
Home​ຂ່າວບັນເທິງບູ່ຣາຕິໂນ້ ນຳທີມງານ ຄລາຍແມັກຊ໌ມັລຕິມີເດຍ ແລະ ແຟນລາຍການ FM 95 MHz ໄປມອບເຄື່ອງໃຫ້ກັບໂຮງຮຽນບ້ານກອງລໍ

ບູ່ຣາຕິໂນ້ ນຳທີມງານ ຄລາຍແມັກຊ໌ມັລຕິມີເດຍ ແລະ ແຟນລາຍການ FM 95 MHz ໄປມອບເຄື່ອງໃຫ້ກັບໂຮງຮຽນບ້ານກອງລໍ

Published on

4901
ເມື່ອວັນທີ 29 ເມສາ 2016 (ວັນສຸກ) ທີ່ຜ່ານມາ ບູ່ຣາຕິໂນ້ ໃນນາມປະທານບໍລິສັດ ຄລາຍແມັກຊ໌ມັລຕິມີເດຍ ທີ່ເປັນບໍລິສັດສື່ໂຄສະນາຄົບວົງຈອນ ແລະ ຮັບຈັດງານທຸກປະເພດ ພ້ອມດ້ວຍທີມງານ ມາມອບເຄື່ອງໃຫ້ກັບໂຮງຮຽນບ້ານກອງລໍ ເມືອງຄູນຄຳ ແຂວງຄຳມ່ວນ.

ເຄື່ອງມອບລວມມີ ພັດລົມຕິດເພດານ 6 ຫນ່ວຍພ້ອມສາຍໄຟ ອຸປະກອນຕິດຕັ້ງຄົບຊຸດ, ສີທາ 10 ຖັງ, ອຸປະກອນການຮຽນ ແລະ ອຸປະກອນການຫລິ້ນກິລາສຳລັບນັກຮຽນ 100 ກວ່າຄົນ ລວມມູນຄ່າກວ່າ 9,000,000 ກີບ. ພ້ອມນີ້, ໄດ້ມີແຟນລາຍການວິທະຍຸ FM 95 MHz ສົມທົບ ສາຍໄຟ, ຊຸດຢາປະຖົມພະຍາບານ, ເຂົ້າຫນົມຫລາກຫລາຍປະເພດຈຳນວນຫນຶ່ງມາໃຫ້ນ້ອງນຸ່ງລູກຫລານນັກຮຽນດັ່ງກ່າວ.

ນອກຈາກຈະໄປມອບເຄື່ອງແລ້ວຍັງໄດ້ເຮັດກິດຈະກຳສົ່ງຄວາມສຸກໃຫ້ນ້ອງໂດຍ ມີການຮ້ອງເພງໃຫ້ນ້ອງໆຟັງ ພ້ອມທັງຊ່ວຍທາສີໂຮງຮຽນໃຫ້ສວຍງາມອີກດ້ວຍ

ສຳລັບໂຮງຮຽນບ້ານຄູນຄຳ ມີນັກຮຽນທັງຫມົດ 184 ຄົນ ມີອະນຸບານ, ປະຖົມ ແລະ ກຳລັງເລີ່ມມີຊັ້ນມັດທະຍົມຕົ້ນ, ຕັ້ງຢູ່ໃກ້ກັບຖໍ້າກອງລໍ ສະຖານທີ່ທ່ອງທ່ຽວຍອດນິຍົມຂອງແຂວງຄຳມ່ວນ.

 

ບົດຄວາມຫຼ້າສຸດ

ພິທີວາງສີລາລຶກການກໍ່ສ້າງສໍານັກງານໃຫຍ່ ແລະ ສະຖານທີ່ຝຶກອົບຮົມແຫ່ງໃໝ່

ສະຫະລັດອາເມຣິກາ ແລະ ສປປ ລາວ ສະເຫຼີມສະຫຼອງ ພິທີວາງ ສີລາລຶກ ການກໍ່ສ້າງສໍານັກງານໃຫຍ່ ແລະ ສະຖານທີ່ຝຶກອົບຮົມ ແຫ່ງໃໝ່ຂອງພາສີລາວ ນະຄອນຫຼວງວຽງຈັນ, ສປປ ລາວ, ວັນ​ທີ...

ແກ້ງຢານາຣົກຕີນຽນ! ໃສ່ປ້າຍລົດລັດຂົນຢາບ້າກວ່າ 10 ລ້ານເມັດຜ່ານຈຸດກວດ ສຸດທ້າຍຖືກເຈົ້າໜ້າທີ່ົໄລ່ຍິງ

ໄລ່ຍິງສະນັ່ນ! ເຈົ້າໜ້າທີ່ຕຳຫຼວດໄລ່ຍິງກຸ່ມແກ້ງຄ້າຢາເສບຕິດ ໂດຍການໃສ່ປ້າຍລົດລັດ. ໃນຄັ້ງວັນທີ 10 ພຶດສະພາ 2025 ທາງເຈົ້າໜ້າທີ່ປະຈໍາຈຸດກວດການໍ້າເກິ່ງໄດ້ເຮັດວຽກກວດກາຍານພາຫະນະເປັນປົກກະຕິ, ຮອດເວລາປະມານ 11 ໂມງ 00 ນາທີ ໄດ້ມີລົດຟໍຈູນເນີ ສີປອນ...

ຕາດູຕົນ ເຫດໄຟໄໝ້ເຮືອນປະຊາຊົນ ບ້ານປຸ່ງສ້ຽວ ເມືອງສິງ ແຂວງຫຼວງນ້ຳທາ ເສຍຫາຍ 480 ລ້ານກີບ

ເຫດໄຟໄໝ້ເຮືອນປະຊາຊົນ ເສຍຫາຍ 480 ລ້ານ. ຕາມການໃຫ້ຂໍ້ມູນຂອງກອງຕຳຫຼວດຈະລາຈອນ-ມອດໄຟ ປກສ ເມືອງສິງ ແຂວງຫຼວງນ້ຳທາໃຫ້ຮູ້ວ່າ:ໃນຕອນເຊົ້າເວລາ 10 ໂມງ ວັນທີ 12 ພຶດສະພາ 2025 ໄດ້ຮັບແຈ້ງຈາກ...

ຈັບຊາຍຊາວຈີນ ຫຶງໂຫດລົງມືຄາຕະກຳແຟນສາວ ຢູ່ທ່າແຂກ ແຂວງຄຳມ່ວນ

ຈັບຊາຍຊາວຈີນ ຫຶງໂຫດລົງມືຄາຕະກຳແຟນສາວ ຢູ່ທ່າແຂກ ແຂວງຄຳມ່ວນ ຍ້ອນຄິດວ່າແຟນສາວຈະເດີນທາງໄປຫາຜູ້ບ່າວ. ເຈົ້າໜ້າທີ່ ປກສ ເເຂວງຄໍາມ່ວນ ລາຍງານວ່າ: ວັນທີ 8 ພຶດສະພາ 2025 ເຈົ້າໜ້າທີ່ໄດ້ນໍາຕົວ ທ້າວ...