ຕາດສະເຫຼີ້ຍ ແຂວງຫົວພັນ - ລາວໂພສຕ໌ Laopost

Click here - to use the wp menu builder

Homeຂ່າວທ່ອງທ່ຽວຕາດສະເຫຼີ້ຍ ແຂວງຫົວພັນ

ຕາດສະເຫຼີ້ຍ ແຂວງຫົວພັນ

ຂ່າວທ່ອງທ່ຽວ

Published on

30/03/2016

By ບຸດສະດີ ສາຍນ້ຳມັດ

2810

222

ທ່ອງທ່ຽວກັບລາວໂພສຕ໌ວັນນີ້ ຈະພາທຸກຄົນກັບມາທ່ຽວແຂວງຫົວອີກຄັ້ງຫຼັງຈາກເຄີຍນຳສະເໜີແຫລ່ງທ່ອງທ່ຽວທາງປະຫວັດສາດລາວເຊັ່ນຖ້າປະທານທ່ານໄກສອນພົມວິຫານໄປແລ້ວຄັ້ງໜຶ່ງ.

ແຂວງຫົວພັນທີ່ຈິງແລ້ວມີແຫລ່ງທ່ອງທ່ຽວປະເພດນ້ຳຕົກຕາດທີ່ສວຍງາມຫຼາຍໆແຫ່ງ ແຕ່ບາງຕາດອາດຈະບໍ່ມີສື່ສຽງເທົ່າທີ່ຄວນ ອາດເປັນເພາະຍັງມີຫຼາຍຄົນທີ່ໄປບໍ່ທັນຮອດ ຫຼື ໄປແລ້ວບໍ່ໄດ້ນຳຂໍ້ມູນມາເຜີຍແຜ່ຕໍ່ ເຊິ່ງມື້ນີ້ ພວກເຮົາຈະພາທຸກທ່ານໄປທ່ຽວ ຕາດສະເຫຼີ້ຍ

ຕາດສະເຫຼີ້ຍ ຕັ້ງຢູ່ລະຫວ່າງທາງຜ່ານ ບ້ານສະເຫຼີ້ຍ ແລະ ບ້ານໂພນໄຊ ເສັ້ນທາງເລກ 6 ຊໍາເໜືອ ຫາ ຊຽງຂວາງ, ຫ່າງຈາກເທສະບານແຂວງ 36 ກິໂລແມັດ. ນໍ້າຕົກຕາດສະເຫຼີ້ຍ ມີລັກສະນະເນີນ ທີ່ບໍ່ສູງປານໃດ ແຕ່ມີຄວາມຍາວ ປະມານ 100 ກວ່າແມັດ, ບ່ອນກວ້າງສຸດປະມານ 10 ແມັດ. ລົດໃຫຍ່, ລົດຈັກ ສາມາດເຂົ້າເຖິງໄດ້ສະດວກ, ສະຖານທີ່ມີຫ້ອງນ້ຳ, ມີຮ້ານອາຫານ ແລະ ມີຂົວອູ່ ຢູ່ຕິດຕີນຕາດ ແລະ ຫົວຕາດ ສາມາດຍ່າງຂ້າມໄປມາໄດ້.

ສະຖານທີ່ທ່ອງທ່ຽວທີ່ສວຍງາມຍັງຄົງຖ້າພວກທ່ານມາຊື່ຊົມສຳພັດຢູ່ ການເດີນທາງຍັງອີກຍາວໄກ ຕິດຕາມຕໍ່ໄປວ່າຄັ້ງໜ້າທີມງານເຮົາຈະພາທຸກທ່ານໄປທ່ຽວໃສ? ສ່ວນມື້ນີ້ຝາກໄວ້ທີ່ ຕາດສະເຫຼີ້ຍ ແຂວງຫົວພັນ

ບົດຄວາມຫຼ້າສຸດ