Homeຂ່າວພາຍ​ໃນແຂວງອັດຕະປື ຮັບຮອງຜົນປະເມີນມາດຕະຖານພົ້ນທຸກ ປີ 2025 ພ້ອມວາງເປົ້າໝາຍສູ້ຊົນຮອດປີ 2030.

ແຂວງອັດຕະປື ຮັບຮອງຜົນປະເມີນມາດຕະຖານພົ້ນທຸກ ປີ 2025 ພ້ອມວາງເປົ້າໝາຍສູ້ຊົນຮອດປີ 2030.

Published on

ແຂວງອັດຕະປື ໄດ້ຮັບຮອງຜົນການປະເມີນມາດຕະຖານພົ້ນທຸກ ແລະ ມາດຕະຖານພັດທະນາ ທ້າຍສະໄໝປີ 2025 ທົ່ວແຂວງ ພົບວ່າ: ມີຄອບຄົວພົ້ນທຸກ 30,838 ຄອບຄົວ (ກວມ 88.32%). ບ້ານພົ້ນທຸກ 126 ບ້ານ (ກວມ 90%) ມີ 3 ເມືອງພົ້ນທຸກ ພ້ອມທັງວາງແຜນສູ້ຊົນສ້າງຄອບຄົວ ແລະ ບ້ານພັດທະນາ ມຸ່ງສູ່ການພັດທະນາຮອບດ້ານຮອດປີ 2030.

ອີງຕາມຂໍ້ຕົກລົງ ເລກທີ 2181/ຈຂອປ ລົງວັນທີ 5 ພະຈິກ 2025 ວ່າດ້ວຍການຮັບຮອງຜົນການປະເມີນໄລຍະຕົ້ນ ຕາມດຳລັດ ເລກທີ 348/ລບ ກ່ຽວກັບມາດຕະຖານພົ້ນທຸກ ແລະ ມາດຕະຖານພັດທະນາ ທ້າຍສະໄໝປີ 2025 ທົ່ວແຂວງອັດຕະປື, ຜົນການປະເມີນສະແດງໃຫ້ເຫັນວ່າ: ແຂວງອັດຕະປືມີ 5 ເມືອງ, 140 ບ້ານ, 37,772 ຄອບຄົວ ແລະ ມີພົນລະເມືອງທັງໝົດ 168,587 ຄົນ. ໃນນັ້ນ, ໄດ້ເກັບກຳຂໍ້ມູນຕົວຈິງ 34,915 ຄອບຄົວ ພົບວ່າ: ຄອບຄົວທຸກຍາກ: 4,077 ຄອບຄົວ (ກວມ 11.68%), ຄອບຄົວພົ້ນທຸກ: 30,838 ຄອບຄົວ (ກວມ 88.32%), ຄອບຄົວພັດທະນາ: 25,385 ຄອບຄົວ (ກວມ 72.71%)

ລະດັບບ້ານ ແລະ ເມືອງ
• ລະດັບບ້ານ: ມີບ້ານທຸກຍາກ 14 ບ້ານ (ກວມ 10%), ບ້ານພົ້ນທຸກ 126 ບ້ານ (ກວມ 90%) ແລະ ບ້ານພັດທະນາ 76 ບ້ານ (ກວມ 54.29%).
• ລະດັບເມືອງ: ມີ 3 ເມືອງພົ້ນທຸກ ຄື: ເມືອງໄຊເສດຖາ, ເມືອງສາມັກຄີໄຊ ແລະ ເມືອງສະໜາມໄຊ; ສ່ວນ 2 ເມືອງທີ່ຍັງເປັນເມືອງທຸກຍາກ ຄື: ເມືອງຊານໄຊ ແລະ ເມືອງພູວົງ.

ນອກຈາກນັ້ນ, ແຂວງຍັງໄດ້ກຳນົດຈຸດສຸມສ້າງບ້ານໃຫຍ່ເປັນຕົວເມືອງນ້ອຍໃນຊົນນະບົດ 11 ບ້ານ ໃນ 5 ເມືອງ, ເຊິ່ງຜ່ານເກນ 16 ມາດຕະຖານແລ້ວ 3 ບ້ານ (ກວມ 27.27%) ປະກອບມີ: ບ້ານວົງສຳພັນ (ເມືອງພູວົງ), ບ້ານສະແຄະ (ເມືອງໄຊເສດຖາ) ແລະ ບ້ານໝື່ນຫົວເມືອງ (ເມືອງສາມັກຄີໄຊ),
ສຳລັບມາດຕະຖານເມືອງເຂັ້ມແຂງຮອບດ້ານ (16 ມາດຕະຖານ, 60 ຕົວຊີ້ບອກ) ໃນປະຈຸບັນຍັງບໍ່ມີເມືອງໃດບັນລຸຄົບຕາມເກນ.

ແຜນການສູ້ຊົນໄລຍະປີ 2026–2030 ແຂວງອັດຕະປືໄດ້ກຳນົດຄາດໝາຍເປັນໄລຍະ ດັ່ງນີ້: ປີ 2026: ຈະແກ້ໄຂຄອບຄົວທຸກຍາກ 1,445 ຄອບຄົວ, ສ້າງຄອບຄົວພັດທະນາ 1,745 ຄອບຄົວ, ບ້ານພັດທະນາ 8 ບ້ານ, ສ້າງເມືອງພົ້ນທຸກ 2 ເມືອງ (ຊານໄຊ ແລະ ພູວົງ), ພ້ອມทั้งສ້າງບ້ານໃຫຍ່ເປັນຕົວເມືອງນ້ອຍ 4 ບ້ານ ແລະ ເມືອງເຂັ້ມແຂງຮອບດ້ານ 2 ເມືອງ. ປີ 2027–2030.

ສືບຕໍ່ແກ້ໄຂຄອບຄົວທຸກຍາກ ແລະ ຍົກລະດັບຄອບຄົວ-ບ້ານພັດທະນາຢ່າງຕໍ່ເນື່ອງ; ສ້າງບ້ານໃຫຍ່ເປັນຕົວເມືອງນ້ອຍເພີ່ມອີກ 3 ບ້ານ ຄື: ບ້ານຫີນລາດ (ເມືອງສະໜາມໄຊ), ບ້ານນ້ຳງອນເໜືອ (ເມືອງຊານໄຊ) ແລະ ບ້ານນ້ຳກົງ (ເມືອງພູວົງ); ພ້ອມທັງສ້າງເມືອງເຂັ້ມແຂງຮອບດ້ານໃຫ້ໄດ້ 1 ເມືອງ ຄື ເມືອງສະໜາມໄຊ ໃນປີ 2030. ການວາງແຜນດັ່ງກ່າວມີເປົ້າໝາຍເພື່ອຫຼຸດຜ່ອນຄວາມທຸກຍາກ, ຍົກລະດັບຊີວິດການເປັນຢູ່ຂອງປະຊາຊົນ ແລະ ສ້າງຄວາມເຂັ້ມແຂງໃຫ້ແກ່ການພັດທະນາຊົນນະບົດຢ່າງຍືນຍົງ ຕາມທິດທາງທີ່ກຳນົດໄວ້.

ອ້າງອີງຈາກ: ຂ່າວສານອອນລາຍອັດຕະປື

 

ບົດຄວາມຫຼ້າສຸດ

ລັດຖະບານ ຍີ່ປຸ່ນ ມອບພາຫະນະ, ອຸປະກອນ ແລະ ລົດກົນຈັກ ສ້ອມແປງຂົວ-ທາງ ໃຫ້ ກະຊວງ ຍທຂ

ໃນວັນທີ 9 ພະຈິກ 2026 ທີ່ລັດວິສາຫະກິດ ກໍ່ສ້າງທາງເລກ 8 ທີ່ນະຄອນຫຼວງວຽງຈັນ ໄດ້ມີພິທີ ມອບ-ຮັບ ອຸປະກອນ ແລະ ລົດກົນຈັກ ສ້ອມແປງຂົວ-ທາງ...

JOYEE N01 ພ້ອມລຸຍຕະຫຼາດໂລກຢ່າງເປັນທາງການ!

ວັນທີ 28 ຕຸລາ ທີ່ຜ່ານມາ, China FAW (ສາຂາ Yancheng) ໄດ້ຈັດພິທີສະຫຼອງການຜະລິດ JOYEE N01 ຈຳນວນຫຼາຍ (Mass Production)...

ນວ ພົບການສໍ້ລາດບັງຫຼວງ ທັງໝົດ 31 ກໍລະນີ ຢູ່ນະຄອນຫຼວງວຽງຈັນ ໃນນີ້ມີສວຍໃຊ້ຕຳແໜ່ງ 12 ຄົນ

ກອງປະຊຸມສະຫຼຸບວຽກງານກວດກາ 5 ປີ (2021-2025) ທົ່ວນະຄອນຫຼວງວຽງຈັນ ຄັ້ງທີ IV ຈັດຂຶ້ນວັນທີ 6 ພະຈິກ 2026 ທີ່ຫ້ອງວ່າການປົກຄອງນະຄອນຫຼວງວຽງຈັນ ໂດຍເປັນປະທານຂອງທ່ານ ວັນໄຊ...

ປະເທດທີ່ຍິ່ງໃຫຍ່ ເກີດຈາກການນຳພາຂອງຜູ້ນຳ: 5 ຫຼັກການສຳລັບລາວ ແລະ ປະເທດອື່ນໆ

ໃນວັນທີ 3 ພະຈິກ 2026 ທີ່ຜ່ານມາ ຢູ່ ສູນຮ່ວມມືລາວ-ສິງກະໂປ ນະຄອນຫຼວງວຽງຈັນ ທ່ານ ດຣ. ອານຸລັກ ກິດຕິຄຸນ ຜູ້ອຳນວຍການໃຫຍ່ ແລະ...