Homeຂ່າວພາຍ​ໃນກອງປະຊຸມພົບປະ ແລະ ເຮັດວຽກລະຫວ່າງ ກະຊວງໂຍທາທິການ ແລະ ຂົນສົ່ງ ແລະ ອົງການປົກຄອງແຂວງຜົ້ງສາລີ

ກອງປະຊຸມພົບປະ ແລະ ເຮັດວຽກລະຫວ່າງ ກະຊວງໂຍທາທິການ ແລະ ຂົນສົ່ງ ແລະ ອົງການປົກຄອງແຂວງຜົ້ງສາລີ

Published on

ໃນວັນທີ 28 ຕຸລາ 2026 ທີ່ຫ້ອງວ່າການປົກຄອງແຂວງຜົ້ງສາລີທ່ານເຫຼັກໄຫຼ ສີວິໄລ ລັດຖະມົນຕີກະຊວງ ໂຍທາທິການ ແລະຂົນສົ່ງ ພ້ອມຄະນະ ເຂົ້າຮ່ວມປະຊຸມປຶກສາຫາລືວຽກງານນຳການນຳແຂວງຜົ້ງສາລີ ໂດຍການຕ້ອບຮັບຂອງພົນຕີ ສົມພອນ ມິດຕະພອນເລຂາພັກແຂວງປະທານສະພາປະຊາຊົນແຂວງຜົ້ງສາລີ, ທ່ານ ພອນໄຊ ອ່ອນສາ ຮອງປະທານຄະນະກຳມະການປົກຄອງແຂວງ ພ້ອມດ້ວຍການນຳພະນັກງານເຂົ້າຮ່ວມ.

ໃນໂອກາດນີ້ ທ່ານ ພົນຕີ ສົມພອນ ມິດຕະພອນເລຂາພັກແຂວງປະທານສະພາປະຊາຊົນແຂວງຜົ້ງສາລີກ່າວຕ້ອນຮັບ ແລະສະແດງຄວາມຊົມເຊີຍຂອງລັດຖະມົນຕີກະຊວງ ຍທຂ ພ້ອມຄະນະ ທີ່ໄດ້ລົງເຄື່ອນໄຫວ ແລະ ເຮັດວຽກໃນຄັ້ງນີ້ສະແດງໃຫ້ເຫັນເຖິງຄວາມເອົາໃຈໃສ່, ຄວາມເປັນຫ່ວງເປັນໄຍ ແລະ ການສະໜັບສະໜູນອັນໃຫຍ່ຫຼວງຕໍ່ການພັດທະນາເສດຖະກິດສັງຄົມ ກໍຄືການພັດທະນາພື້ນຖານໂຄງລ່າງຂອງເເຂວງຜົ້ງສາລີ.

ທ່ານ ພອນໄຊ ອ່ອນສາ ຮອງປະທານຄະນະກຳມະການປົກຄອງແຂວງ ໄດ້ລາຍງານຫຍໍ້ການພັດທະນາເສດຖະກິດສັງຄົມໄລຍະ 5 ປີຜ່ານມາ ຂອງແຂວງໂດຍສະເພາະການພັດທະນາພື້ນຖານໂຄງລ່າງເປັນທີ່ສຳຄັນໃນການປັບປຸງສ້ອມແປງເສັ້ນທາງພົບຄວາມຫຍຸ້ງຍາກໄລຍະຜ່ານມາເຫັນວ່າໃນການສັນຈອນ ຂົນສົ່ງສິນຄ້າໄປມາຫາສູ່ມີພົບຄວາມຫຍຸ້ງຍາກຫຼາຍ, ຖ້າຫາກວ່າໄດ້ຮັບການປັບປຸງກໍ່ສ້າງແລ້ວ ເສັ້ນທາງເປັນປັດໃຈຕົ້ນຕໍຕັດສິນໃນການຄົມມະນາຄົມຂົນສົ່ງ, ການໄປມາສະດວກວ່ອງໄວຍີ່ງຂຶ້ນເປັນທ່າແຮງທີ່ສຳຄັນປະກອບສ່ວນເຂົ້າ ໃນການພັດທະນາພື້ນຖານໂຄ່ງລ່າງຍົກລະດັບເສັ້ນທາງຫຼວງແຫ່ງຊາດ ລະຫວ່າງເມືອງຕໍ່ເມືອງແຂວງຕໍ່ແຂວງແລະອອກສູ່ຊາຍແດນ ສປ ຈີນ ແລະ ສສ ຫວຽດນາມ.

ໃນກອງປະຊຸມຄັ້ງນີ້ ໄດ້ຮັບຟັງການລາຍງານ ແລະ ປະກອບຄຳເຫັນຈາກບັນດາທ່ານຫົວໜ້າກົມ, ຮອງຫົວຫນ້າກົມ ຈາກກະຊວງ ຍທຂ ເພື່ອປັບປຸງຍົກລະດັບພັດທະນາພື້ນຖານໂຄງລ່າງໃຫ້ມີຄວາມຍືນຍົງ ແລະ ທົ່ວເຖິງພາຍໃນເເຂວງ ໃນໄລຍະ5 ປີ 2026-2030 ເຊັ່ນ: ວຽກງານແຜນການ ແລະ ການເງິນ, ວຽກງານນ້ຳປະປາ, ວຽກງານການບິນ, ວຽກຈັດຕັ້ງພັກ-ພະນັກງານ ,ຂົວທາງ, ເຄຫາຜັງເມືອງ, ທາງນໍ້າ, ຂົນສົ່ງ, ຄຸ້ມຄອງພາຫະນະ ແລະ ຄົມມະນາຄົມຂົນສົ່ງ.

ທ່ານ ທ່ານເຫຼັກໄຫຼ ສີວິໄລ ລັດຖະມົນຕີກະຊວງ ໂຍທາທິການ ແລະ ຂົນສົ່ງ ໄດ້ໂອ້ລົມຕໍ່ກອງປະຊຸມໃນການພັດທະນາພື້ນຖານໂຄ່ງລ່າງເສັ້ນທາງໃນທົ່ວແຂວງ, ທ່າແຮງໃນການພັດທະນາເສດຖະກິດສັງຄົມ, ການຄຸ້ມຄອງການລົງທຶນພາກລັດ ແລະ ພາກທຸລະກິດ, ລາຍຮັບລາຍຈ່າຍ, ຊຸກຍູ້ສົ່ງເສີມການຜະລິດກະສິກຳເປັນສິນຄ້າ, ສົ່ງເສີມການທ່ອງທ່ຽວ , ພັດທະນາຊົນນະບົດແກ້ໄຂຄວາມທຸກຍາກ ແລະ ໃນຕອນທ້າຍກອງປະຊຸມໄດ້ມີພິທີເຊັນບົດບັນທຶກວ່າດ້ວຍການຮ່ວມມື ພັດທະນາແຂວງຜົ້ງສາລີ ລະຫວ່າງ ກະຊວງໂຍທາທິການ ແລະ ຂົນສົ່ງ ແລະ ແຂວງຜົ້ງສາລີ ເພື່ອເປັນການຈັດຕັ້ງຜັນຂະຫຍາຍ ຂໍ້ຕົກລົງຂອງ ນາຍົກລັດຖະມົນຕີ ສະບັບເລກທີ 27/ນຍ ລົງວັນທີ 20 ເມສາ 2026 ວ່າດ້ວຍ ການແບ່ງຄວາມຮັບຜິດຊອບໃຫ້ ກະຊວງ-ອົງການທຽບເທົ່າ ລົງຊ່ວຍນະຄອນຫຼວງວຽງຈັນ ແລະ ບັນດາແຂວງ ທົ່ວປະເທດ.

ທີ່ມາ: ກະຊວງໂຍທາທິການ ແລະ ຂົນສົ່ງ

 

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...