ປະກາດຮັບຮອງ ວັດພະທາດພະບາດ-ໂພນສັນ ເປັນມໍລະດົກແຂວງບໍລິຄຳໄຊ

ຂປລ. ພິທີ​ປະກາດ​ຮັບຮອງ​ເອົາ​ວັດພະທາດ ​ພະ​ບາ​​ດ-​ໂພນ​ສັນ ​ເປັນ​ມໍລະດົກທາງ​ດ້ານ​ວັ​ດທະນະ​ທຳ ຂອງ​ແຂວງ​ບໍລິ​ຄຳ​ໄຊ ​ໄດ້​ຈັດ​ຂຶ້ນຢ່າງ​ເປັນ​ທາງ​ການ ​ໃນ​ວັນ​ທີ 22 ມັງກອນນີ້, ​ໂດຍ​ມີ​ທ່ານ ດຣ. ສຸວັນ​ນີ ​ໄຊ​ຊະນະ ຮອງ​ເຈົ້າ​ແຂວງໆ​ບໍລິ​ຄຳ​ໄຊ ​ແລະ ຜູ້ຕາງໜ້າ​ຈາກກະຊວງ​ຖະ​ແຫລ​ງຂ່າວ, ​ວັ​ດທະນະ​ທຳ ​ແລະ ທ່ອງ​ທ່ຽວ ພ້ອມ​ດ້ວຍມວນ​ຊົນຊາວແຂວງ​ບໍລິ​ຄຳ​​ໄຊ ​ເຂົ້າ​ຮ່ວມ.

ວັດພະທາດ​ພະ​ບາດ​-ໂພນ​ສັນ ສ້າງ​ຕັ້ງ​ຂຶ້ນ​ມາ​ແຕ່​ປີ ພສ 902, ຕາມ​ການ​ສັນນິຖານ​ຢູ່​ສິມ​ຮ້າງ ​ແລະ ຊາກ​ອຸບ​ມຸງ​ກວາ​ມຮອຍ​ພະ​ບາດ, ມີ​ເນື້ອ​ທີ່​ປະມານ 1.200 ​ເຮັກຕາ, ຕັ້ງ​ຢູ່​ແຄມ​ທາງ​ເລກທີ 13 ​ໃຕ້ ຢູ່​ເມືອງ​ທ່າ​ພະ​ບາດ ​ແຂວງ​ບໍລິ​ຄຳ​ໄຊ ​ເປັນ​ວັດ​ທີ່​ມີ​ຄວາມ​ໝາຍ​ຄວາມ​ສຳຄັນທາງ​ດ້ານ​ປະ​ຫວັດ​ສາດ, ວັດທະນະທຳ ມາ​ແຕ່​ດົນ​ນານ, ​ເປັນ​ສູນ​ລວມ ຈິດ​ໃຈ ​ແລະ ​ເປັນ​ບ່ອນ​ເຄົາລົບ​ບູຊາ​ກາບ​ໄຫ້​ວ ຂອງ​ປະຊາຊົນ​ລາວ​ບັນດາ​ເຜົ່າ ​ເຊິ່ງ​ໃນເດືອ​ນມັງກອນຂອງ​ທຸກໆ​ປີ ກໍ​ຈະ​ມີ​ພິທີກຳ​ທາງ​​ສາສະໜາ ກໍ​ຄື ​ບຸນ​ນະມັດສະການ​ພະທາດ​ພະ​ບາດ-​ໂພນ​ສັນ ​ເພື່ອ​ໃຫ້​ມວນ​ຊົນ​ທັງ​ພາຍ​ໃນ ​ແລະ ຕ່າງ ປະ​ເທດ ​ໄດ້​ມາ​ເຕົ້າ​ໂຮມ​ກັນ ກາບ​ໄຫ້​ວສັກກະ​ລະ​ບູຊາ ​ແລະ ອື່ນໆ.​

ວັດພະທາດ​ພະ​ບາດ​-ໂພນ​ສັນ ​​ເປັນ​ແຫ​ລ່ງທ່ອງ​ທ່ຽວ​ທາງ​ວັດທະນະທຳ ທີ່​ສາມາດ​ດຶງ​ດູດ ​ນັກ​ທ່ອງທ່ຽວ ທັງ​ພາຍ​ໃນ ​ແລະ ຕ່າ​ງປະ​ເທດ ​​ເຂົ້າ​ມາທ່ອງ​ທ່ຽວສປປ ລາວ ກໍ​ຄື ​​ເມືອງ​ທ່າ​ພະ​ບາດ ແຂວງ​ບໍລິ​ຄຳ​ໄຊ ເປັນ​ຈຳນວນ​ຫລວງ​ຫາຍ, ​ເປັນ​ສະຖານ​ທີ-ທີ່​ມີ​ຄຸນຄ່າ​ອັນ​ໂດດເດັ່ນ​ທາງດ້ານ​ວັດທະນະ​ທຳ​ ​ແລະ ​ເປັນ​ຈຸດ​ກຳ​ເນີ​ດທາງ​ດ້ານ​ພຸດທະ​ສາສະໜາ ​ໂດຍ​ມີ​ຮອຍ​ພະ​ບາດ ​ແລະ ​ໂພນ​ສັນ ບ່ອນ​ນັ່ງ​ສັນ​ເພນ ຂອງ​ພະພຸດທະ​ເຈົ້າ ​ເປັນ​ຫລັກ​ຖານ​ຢັ້ງຢືນ.

43425821
ວັດພະບາດ
43426873
ວັດພະບາດ
43426902
ວັດພະບາດ
ວັດພະບາດ
ວັດພະບາດ
ວັດໂພນສັນ
ວັດໂພນສັນ
ວັດໂພນສັນ
ວັດໂພນສັນ

DSC_4422 bolikhamsai 1

DSC_4422 bolikhamsai 2 (1)

ຂ່າວທີ່ກ່ຽວຂ້ອງ: ວັດພະບາດໂພນສັນ

ທີ່ມາ: ຂປລ