ໃນຕອນເຊົ້າມືດ ວັນທີ 21 ພຶດສະພາ 2015 ນີ້ເກີດເຫດອັກຄີໄພ ທີ່ຕະຫຼາດເມືອງຄົງເຊໂດນ, ເຮັດໃຫ້ຮ້ານຄ້າຂອງປະຊາຊົນໄໝ້ກ້ຽງ. ສ້າງຄວາມເສຍຫາຍໜັກ.
ຊາວບ້ານບອກວ່າ, ໄຟໄດ້ເລີ່ມລຸກໄໝ້ ເວລາປະມານ 03:00 ເຊິ່ງຕອນນັ້ນ ຄົນກຳລັງຫຼັບນອນ, ຊົ່ວຈະມີຄົນພົບເຫັນ ໄຟກໍ່ລາມໄໝ້ໄປໝົດແລ້ວ.
ສາເຫດ ແລະ ມູນຄ່າການເສຍຫາຍ ແມ່ນຢູ່ໃນການກວດສອບຂອງເຈົ້າໜ້າທີ່.
ນີ້ຖືເປັນອີກເຫດຮ້າຍຂອງ ອັກຄີໄພ ທີ່ສ້າງຄວາມເສຍຫາຍແກ່ປະຊາຊົນລາວ. ການເກີດອັກຄີໄພ ຕາມຕະຫຼາດ ກາຍເປັນປະເດັນທີ່ມີການຖົກຖຽງກັນໃນສັງຄົມລາວ ວ່າເປັນຫຍັງຈິ່ງມັກເກີດຂຶນແທ້. ແລະ ຈະຫາວິທີການປ້ອງກັນ ແນວໃດເພື່ອບໍ່ໃຫ້ເກີດຂຶ້ນອີກ.
ພາບແລະຂ່າວ: ນັກຂ່າວສັນຈອນ ຄົງເຊໂດນ ແລະໂທລະໂຄ່ງ