ປະຊາຊົນທີ່ມີນາຢູ່ໃກ້ໂຮງງານເກືອກາລີ ກ່າວວ່າຜົນກະທົບຈາກໂຮງງານເກືອ ກາລີຂອງຈີນ, ເຮັດນາບໍ່ໄດ້ 2 ປີ ແລ້ວ, ລົງເຂົ້າກ້າບໍ່ໄດ້ ຕາຍໝົດ ຍ້ອນນໍ້າຈາກ ໂຮງງານຮົ່ວອອກມາໃສ່, ສັງເກດເບິ່ງຫຍ້າຕາຍໝົດ, ມີຕົ້ນຜືຂຶ້ນ ໃຜຮູ້ວິທີໃນການກໍາຈັດສີ່ງນີ້ ໃຫ້ສາມາດປູກເຂົ້າໄດ້ ບອກແດ່?!!!!! ບໍ່ຮູ້ວ່າດົນປານໃດ ຈະໝົດເວລາ ສຳປະທານ?
ສີ່ງສໍາຄັນ ນໍ້ານີ້ໄຫຼລົງໃສ່ ຫ້ວຍເຕີຍ ແລ້ວ ໄຫຼລົງນໍ້າງື່ມ ທີ່ເທິງຂົວທ່າງ່ອນ, ເຮືອນແພ, ບໍ່ຮູ້ວ່າ ທາດເກືອກາລີ ດັ່ງກ່າວມີຜົນກະທົບແນວໃດ? ບໍ່ມີຄວາມຮູ້ເລື່ອງນີ້!!!!!! ເມື່ອກ່ອນນາເຂດນີ້ເປັນນາທີ່ງາມຫຼາຍ ເຄີຍເອົາດີນໄປວິໄຈນໍາຜູ້ຮັບຜິດຊອບດີນ ປູກຟັງ ກະຊວງ ກະສິກໍາ ວ່າເປັນດີນປູກຟັງທີ່ດີ, ຈັດໃນລະດັບຕົ້ນໆ.
ເຂດນີ້ຫ່າງຈາກ ມະຫາວິທະຍາໄລ ແຫ່ງຊາດ (ກາຍຮ້ານປີ້ງເອັນ 500 ບ້ານນາທົ່ມໄປ) ປະມານ 3 km ນອນໃນເທດສະບານ ນະຄອນຫຼວງວຽງຈັນ, ຢາກໃຫ້ຊ່ວຍປະຊາຊົນທີ່ໄດ້ຮັບຜົນກະທົບແດ່.
ຝາກໃຫ້ພາກສ່ວນ ກະຊວງຊັບພະຍາກອນນ້ຳ ແລະ ສິ່ງແວດລ້ອມລົງກວດກາແດ່ເດີ!
ໂຮງງານນີ້ ເມື່ອສອງສາມມື້ຫຼັງ ກໍ່ມີການປະທ້ວງ ຂອງກຳມະກອນລາວ ທີ່ນາຍຈ້າງ ບໍ່ຈ່າຍຄ່າແຮງງານ ສອງສາມເດືອນ. ຢາກໃຫ້ມີການກວດສອບມາດຕະຖານຂອງໂຮງງານ ແລະ ຮັບປະກັນ ບໍ່ໃຫ້ມີຜົນກະທົບຕໍ່ສິ່ງແວດລ້ອມ ແລະ ຕໍ່ກັບການກະສິກຳຂອງປະຊາຊົນ. ຖ້າໂຮງງານບໍ່ສາມາດ ເຮັດໄດ້ ກໍ່ຕ້ອງໄດ້ດຳເນີນການຕາມກົດໝາຍ.
ພາບແລະຂ່າວ: ນັກຂ່າວສັນຈອນ ແລະໂທລະໂຄ່ງ