ການຮູ້ວ່າຍາດພີ່ນ້ອງຫຼືຄົນໃນ ຄອບຄົວຂອງເຮົາເສຍຊີວິດນັ້ນ ມັນເປັນຂ່າວທີ່ເສົ້າສະເທືອນໃຈ ຈົນທາງທີເຮົາກໍລືມໄປວ່າ ອີກຄົນໜຶ່ງທີ່ມີຄວາມເສົ້າຮ່ວມກັບເຮົາ ນັ້ນກໍຄື ທ່ານໝໍ ທີ່ພະຍາຍາມຢ່າງສຸດຄວາມສາມາດແລ້ວ ແຕ່ກໍຊ່ວຍໄວ້ບໍ່ໄດ້…
ຮູບພາບນີ້ຖືກແຊມາຈາກໜ່ວຍກູ້ໄພ ທີ່ເຫັນພາບຂອງທ່ານໝໍສຸກເສີນ ທີ່ບໍ່ສາມາດຊ່ວຍຊີວິດຄົນເຈັບ ໄວ 19 ປີໄວ້ໄດ້ ຈຶ່ງອອກມານອກໂຮງໝໍ ແລະເສຍໃຈກັບສິ່ງທີ່ເກີດຂຶ້ນ ເຊິ່ງເປັນຮູບພາບທີ່ຄົນເອົາມາລົງ ບອກວ່າມັນເປັນສິ່ງທີ່ເບິ່ງແລ້ວ ສະເທືອນໃຈຫຼາຍ.
ຄົນທີ່ເອົາຮູບນີ້ອອກມາເຜີຍແຜ່ ກໍເຮັດວຽກໃນໂຮງໝໍດັ່ງກ່າວ ທີ່ຄາລິຟໍເນຍເຊັ່ນກັນເລົ່າອີກວ່າ:
“ປົກກະຕິນັ້ນຄົນເຈັບທີ່ຈາກເຮົາໄປ ຄືຄົນເຈັບທີ່ປ່ວຍໜັກ ຫຼືຊະລາພາບແລ້ວ ຫຼືລວມກັນທັງສອງຢ່າງ ແຕ່ນີ້ຄືຊາວໜຸ່ມອາຍຸພຽງ 19 ປີເທົ່ານັ້ນ ເຊິ່ງເຂົ້າໃຈໄດ້ວ່າໃນຄວາມຄິດ ຂອງທ່ານໝໍນັ້ນ ມັນຄືສິ່ງທີ່ໜ້າເສົ້າແທ້ໆ ແລະເປັນສິ່ງເຕືອນໃຈຂອງເຮົາໄດ້ຫຼາຍໆຢ່າງ”
ແລະນີ້ຄືຮູບພາບທີ່ໜ່ວຍກູ້ໄພຖ່າຍມາໄດ້:
ຜູ້ຖ່າຍເລົ່າວ່າ: “ທ່ານໝໍຍ່າງອອກມາບໍ່ດົນ ກໍຍ່າງກັບເຂົ້າໄປໃນໂຮງໝໍອີກ ກັບຄວາມພ້ອມທີ່ຈະເຮັດວຽກ ຕາມໜ້າທີ່ຂອງເຂົາຕໍ່ໄປ”
ເຊິ່ງເປັນສິ່ງທີ່ເຮັດໃຫ້ເຮົາຮູ້ວ່າ ນີ້ຄືສິ່ງທີ່ທ່ານໝໍໂດຍສະເພາະ ແມ່ນພະແນກທີ່ຢູ່ກັບຄວາມເປັນຄວາມຕາຍ ຄືພະແນກສຸກເສີນຕ້ອງພົບພໍ້ທຸກມື້ ເຂົາຍັງເລົ່າອີກລ່າ ເມື່ອຕອນທີ່ພໍ່ຂອງເຂົາເສຍຊີວິດ ທ່ານໝໍທີ່ເປັນຄົນຜູ້ປິ່ນປົວເສຍໃຈຫຼາຍ ເຂົາບອກວ່າເຂົາຮູ້ວ່າໝໍເສຍໃຈ ເພາະບໍ່ວ່າທ່ານຈະຊ່ອນອາລົມຈັ່ງໃດ ມັນຈະອອກມາຈາກສາຍຕາຢູ່ດີ ເຊິ່ງສິ່ງເຫຼົ່ານີ້ເຮັດໃຫ້ເຮົາເຂົ້າໃຈ ຄົນໃນວິຊາຊີບນີ້ຫຼາຍຂຶ້ນຫຼາຍເຕີບ.
ຖ້າທ່ານມັກເລື່ອງນີ້ ກໍຢ່າລືມແບ່ງປັນເລື່ອງລາວດີໆ ແບບນີ້ໃຫ້ໝູ່ເພື່ອນ ແລະຄົນອ້ອມຂ້ອງຂອງທ່ານ ແບ່ງປັນເລີຍ!
ຂອບໃຈບົດຄວາມຈາກ: kiitdoo