spot_img
Homeຂ່າວພາຍ​ໃນຖະແຫຼງຂ່າວກ່ຽວກັບການເປີດງານວາງສະແດງ-ຕະຫຼາດນັດເຕັກໂນໂລຊີ ສປປ ລາວ 2014

ຖະແຫຼງຂ່າວກ່ຽວກັບການເປີດງານວາງສະແດງ-ຕະຫຼາດນັດເຕັກໂນໂລຊີ ສປປ ລາວ 2014

Published on

ໃນວັນທີ 05 ພະຈິກ 2014 ເວລາ 9 ໂມງ 30, ກະຊວງວິທະຍາສາດແລະເຕັກໂນໂລຊີ ໄດ້ຮ່ວມກັບກະຊວງອຸດສາຫະກຳແລະການຄ້າ, ສະມາຄົມ ນັກທຸລະກິດໜຸ່ມ, ບໍລິສັດໄຮເອີ (HAIER), ບໍລິສັດເອເອັມແຊັດ ກຣູບ(AMZ Group), ບໍລິສັດບີບີຄິວ(BBQ), ບໍລິສັດໂຕໂຍຕ້າໂບຊູກຸອາຊຽນ (TOYOTA BOSHOKU ASIA),ບໍລິສັດລາວເວີນ, ບັນດານັກທຸລະກິດ, ຜູ້ປະກອບການແລະຜູ້ສະໜັບສະໜູນຫຼັກ ໄດ້ຈັດກອງປະຊຸມຖະແຫຼງຂ່າວກ່ຽວກັບການເປີດງານວາງສະແດງ-ຕະຫຼາດນັດເຕັກໂນໂລຊີ ສປປ ລາວ 2014 (LAO TECHMART-2014) ທີ່ຈະຈັດຂຶ້ນໃນລະຫວ່າງວັນທີ 11-15 ທັນວາ 2014 ທີ່ສູນການຄ້າລາວ-ໄອເຕັກ. ການຈັດງານວາງສະແດງ-ຕະຫຼາດນັດເຕັກໂນໂລຊີ ສປປ ລາວ 2014 ຄັ້ງນີ້ເປັນງານວາງສະແດງ-ຕະຫຼາດນັດເຕັກໂນໂລຊີຄັ້ງທຳອິດຂອງ ສປປ ລາວ ໂດຍມີຈຸດປະສົງເພື່ອສ້າງເງື່ອນໄຂແລະເປີດໂອກາດໃຫ້ບັນດາກະຊວງ, ຂະແໜງການສະຖາບັນຄົ້ນຄ້ວາ, ມະຫາວິທະຍາໄລ, ສະຖາບັນການສຶກສາ ຕະຫຼອດຮອດພາກທຸລະກິດ-ເອກະຊົນ ແລະຜູ້ປະກອບການທັງພາຍໃນແລະຕ່າງປະເທດ ໄດ້ມີໂອກາດວາງສະແດງຜົນງານການຄົ້ນຄ້ວາແລະຜະລິດຕະພັນເຕັກໂນໂລຊີ ແນ່ໃສ່ຊຸກຍູ້ສົ່ງເສີມການນໍາໃຊ້ເຂົ້າໃນການຍົກສູງຜະລິດຕະພາບ ແລະຄຸນນະພາບຂອງການຜະລິດ ແລະສິນຄ້າຂອງລາວ ປະກອບສ່ວນຜັນຂະຫຍາຍມະຕິກອງປະຊຸມໃຫຍ່ຄັ້ງທີ IX ຂອງພັກ ແລະແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ 7, ເປັນຕົ້ນແມ່ນ ການແກ້ໄຂຄວາມທຸກຍາກແລະຫັນເປັນອຸດສາຫະກຳ ແລະທັນສະໄໝໃຫ້ປະກົດຜົນເປັນຈິງ. ໃນງານວາງສະແດງດັ່ງກ່າວຈະມີຫຼາຍຂົງເຂດເຕັກໂນໂລຊີ ເຊັ່ນ: ເຕັກໂນໂລຊີຊີວະພາບແລະກະສິກຳ, ຂໍ້ມູນຂ່າວສານ-ສື່ສານແລະການບໍລິການ, ພະລັງງານແລະວັດສະດຸໃໝ່, ວິສະວະກຳ, ການແພດ, ການຂົນສົ່ງ, ອາຫານແລະເຄື່ອງດື່ມ, ເອເລັກໂຕຼນິກແລະເຄື່ອງໃຊ້ໄຟຟ້າ ແລະຄາດຄະເນວ່າ ຈະມີຈຳນວນຫ້ອງວາງສະແດງຫຼາຍກວ່າ 350 ຫ້ອງ ເຊິ່ງມາຈາກບັນດາກະຊວງ, ຂະແໜງການ, ສະຖາບັນຄົ້ນຄວ້າ, ມະຫາວິທະຍາໄລ, ຜູ້ຜະລິດແລະຜູ້ບໍລິການພາຍໃນປະເທດ, ພ້ອມທັງຈະເຊີນບັນດາບໍລິສັດຈາກປະເທດສະມາຊິກອາຊຽນແລະຄູ່ເຈລະຈາເຂົ້າຮ່ວມ.
ໃນງານດັ່ງກ່າວຍັງຈະໄດ້ຈັດກອງປະຊຸມພົບປະກ່ຽວກັບການຮ່ວມມືດ້ານເຕັກໂນໂລຊີ ລະຫວ່າງ ນັກທຸລະກິດຂອງລາວ ແລະ ຕ່າງປະເທດ ເພື່ອປຶກສາຫາລືແລກປ່ຽນບົດຮຽນທາງດ້ານການຄົ້ນຄວ້າແລະເຕັກໂນໂລຊີ. ພິທີຖະແຫຼງຂ່າວກ່ຽວກັບງານວາງສະແດງ-ຕະຫຼາດນັດດັ່ງກ່າວໄດ້ໃຫ້ກຽດເປັນປະທານ ໂດຍທ່ານບັນດິດ ສຈ ບໍ່ວຽງຄຳ ວົງດາລາ, ລັດຖະມົນຕີວ່າການກະຊວງວິທະຍາສາດແລະເຕັກໂນໂລຊີ; ພ້ອມກັນນັ້ນໄດ້ໃຫ້ກຽດເຂົ້າຮ່ວມຂອງ ທ່ານສົມຈິດ ອິນທະມິດ, ລັດຖະມົນຕີຊ່ວຍວ່າການກະຊວງອຸດສະຫະກຳແລະການຄ້າ; ທ່ານ ນ.ວາລີ ເວດສະພົງ, ປະທານສະມະຄົມນັກທຸລະກິດໜຸ່ມ; ຜູ້ອຸປະຖຳຫຼັກ(HAIER, AMZ Group, BBQ, TOYOTA BOSHOKU ASIA, Lao World Co.,LTD (LAO-ITECC), MEECHAI Promotion) ແລະສື່ມວນຊົນຕ່າງ.

ທີ່ມາ http://dti.most.gov.la/News/News05112014.html

ບົດຄວາມຫຼ້າສຸດ

ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3

ອົງຄະນະພັກ ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3 ສະຫາຍ ຮສ.ປອ ທອງສະລິດ ມັງໜໍ່ເມກ ເລຂາທິການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີ...

ແຈ້ງເຕືອນຈາກກົມໃຫຍ່ຕຳຫຼວດ ໃຫ້ລະວັງ 10 ລັກສະນະການກໍ່ເຫດທີ່ເປັນການສໍ້ໂກງຊັບ ຖ້າພົບເຫັນເຫດລັກສະນະນີ້ ສາມາດແຈ້ງດຳເນີນຄະດີໄດ້

- ອີງຕາມ ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ລົງວັນທີ 05 ມັງກອນ 2022 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມໃຫຍ່ຕໍາຫຼວດ. ເພື່ອປ້ອງກັນ ບໍ່ໃຫ້ທຸກຄົນໃນສັງຄົມ ຕົກເປັນເຫຍື່ອຂອງກຸ່ມແກ້ງສໍ້ໂກງຊັບທາງໂທລະຄົມ ແລະ...

ປະຫວັດບໍ່ທຳມະດາ ກໍລະນີແມ່ຕູ້ຄົນໄຕ້ຫວັນຖືກຖີບເທິງລົດໄຟຕອນນີ້ ຖືກກັກໂຕພ້ອມດຳເນີນຄະດີແລ້ວ

ໃນວັນທີ 01/10/2025 ທີ່ຜ່ານມາ, ສຳນັກຂ່າວໃນໄຕ້ຫວັນໄດ້ລາຍງານວ່າ ມີເຫດບໍ່ຄາດຄິດກ່ຽວກັບຜູ້ສູງ ກໍລະນີແມ່ຕູ້ທີ່ຖືກຍິງສາວປະເພດສອງ (LGBTQ) ຖີບຢູ່ໃນລົດໄຟ ໃນວັນທີ 29/09/2025 ທີ່ຜ່ານມາ, ເຊິ່ງກຳລັງເປັນກະແສດັງໃນໃນສື່ສັງຄົມອອນລາຍໃນປັດຈຸບັນ.ສາເຫດເກີດຈາກການຍາດບ່ອນນັ່ງພິເສດພາຍໃນຂະບວນລົດໄຟແຫ່ງໜຶ່ງໃນໄຕ້ຫວັນ ເນື່ອງຈາກບ່ອນນັ່ງນັ້ນເປັນບ່ອນຂອງຜູ້ສູງອາຍຸ ແມ່ຕູ້ິເລີຍພະຍາຍາມໄລ່ຍິງສາວປະເພດສອງອອກຈາກບ່ອນນັ່ງ...

ມີຜູ້ເສຍຊີວິດ 3 ຄົນຈາກຜົນກະທົບພະຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ

ໜັກໜ່ວງ ພາຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ ແຂວງໄຊສົມບູນ ເຮັດໃຫ້ມີຄົນເສຍຊີວິດແລ້ວ 3 ຄົນ. ແຫຼ່ງຂ່າວຈາກແຂວງໄຊສົມບູນ ແຈ້ງໃຫ້ຮູ້ວ່າ: ວັນທີ 30 ກັນຍາ 2025, ທ່ານ...