ເຟນານໂດ ຊານໂຕສ ຜູ້ຈັດການທີມຊາດ ປອກຕຸຍການ ອອກຢືນຢັນດ້ວຍຕົວເອງວ່າ ເລນາໂຕ້ ຊານເຊດ ກອງກາງດາວຮຸ່ງ ບໍ່ໄດ້ໂກງອາຍຸຕາມທີ່ມີຂ່າວລືອອກມາ ຈາກລາຍງານຂອງ goal.com ເມື່ອວັນທີ່ 6 ກໍລະກົດ 2016
ກ່ອນໜ້ານີ້ມີຂ່າວອອກມາຄ້າຍຄືວ່າຊານເຊດ ທີ່ອາຍຸ 18 ປີ ນັ້ນໂກງອາຍຸ ໂດຍທາງ ກີຍ໌ ລູຊ໌ ຜູ້ຈັດການທີມລະດັບຕຳນານຂອງຝຣັ່ງ ໄດ້ສຳພາດກັບສື່ກີລາຂອງ ໂລມານີ ວ່າ “ຂ້ອຍສາມາດຮັບປະກັນໄດ້ເລີຍວ່າ ຄວາມຈິງພວກເຂົາອາຍຸ 23 ຫລື 24 ແລ້ວລ່ະ”
ແບບນີ້ຈີ່ງເຮັດໃຫ້ເດືອດຮ້ອນເຖິງ ເຟນານໂດ ຊາດໂຕສ ທີ່ຕ້ອງມາປະຕິເສດເຖິງກໍລະນີດັ່ງກ່າວວ່າ “ຊານເຊດ ເກີດທີ່ ປອກຕຸຍການ ບໍ່ແມ່ນບ່ອນອື່ນ ລາວອາຍຸ 18 ປີ ສ່ວນຂ້ອຍອາຍຸ 61 ປີ ບໍ່ຕ້ອງສົງໄສເລີຍວ່າຂ້ອຍເກີດເມື່ອ 61 ປີທີ່ຜ່ານ ສ່ວນລາວກໍເກິດເມື່ອ 18 ປີທີ່ຜ່ານມາ ດັ່ງນັ້ນລາວກໍຕ້ອງອາຍຸ 18 ປີ”
ທັງນີ້ ປອກຕຸຍການ ມີຄິວລົງເຕະກັບທີມຊາດ ເວວສ໌ ໃນການແຂ່ງຂັນບານເຕະເອີໂຣ2016 ຮອບຮອງຊະນະເລີດ ໂດຍການແຂ່ງຂັນກັນໃນຄືນມື້ພຸດວັນທີ 6 ກໍລະກົດນີ້ ເວລາ 02.00 ໂມງ