ອາຣອນ ແຣມຊີ ມິດຟິວຂອງປືນໃຫຍ່ທີ່ໂຊຜົນງານໄດ້ດີຫຼາຍກັບທີມຊາດເວວ ແຕ່ກໍຕ້ອງຕິດໂທດແບນໃນເກມພົບກັບໂປຣຕຸເກດ, ເຊິ່ງຫຼາຍໆຄົນກໍກັງວົນວ່າຈະສົ່ງຜົນຕໍ່ລະບົບເກມຂອງເວວຫຼືບໍ່?.

ທາງດ້ານຂອງ ຄິງ ມິດຟິວຈາກທີມ ເລສເຕີ ເປັນໂຕເລືອກໜຶ່ງຂອງ ໂຄລແມນ ທີ່ຈະໄດ້ລົງຫຼິ້ນໃນເກມພົບກັບໂປຣຕຸເກດນີ້ ຫຼັງຈາກທີ່ນັ່ງເປັນຜູ້ຫຼິ້ນສຳຮອງມາຕະຫຼອດໄລຍະທີ່ເລີ່ມການແຂ່ງຂັນຢູໂຣ 2016 ແຕ່ກໍເຖິງເວລາທີ່ຈະສະແດງຄວາມສາມາດແດ່ແລ້ວເພາະ ແຣມຊີ ຕິດໂທດແບນ. ສ່ວນນອກຈາກຄິງ ແລ້ວກໍຍັງມີ ໂຈນາທານ ວິນລ້ຽມ ແລະ ເດວິດ ເອັດເວີຣ໌ດ ທີ່ອາດຈະໄດ້ລົງ.

ຖືວ່າເປັນສິ່ງທີ່ລຳບາກຫຼາຍເພາະກຸນຊືທີມມັງກອນແດງ ຕ້ອງຕັດສິນໃຈເລືອກນັກເຕະທີ່ດີທີ່ສຸດລົງຫຼິ້ນແທນ ອາຣອນ ແຣມຊີ ເພື່ອໃຫ້ມີຜົນກະທົບຕໍ່ທີມໜ້ອຍທີ່ສຸດ. ອີງຕາມລາຍງານຈາກ Dailymail ບອກວ່າ ຄິງ ເປັນໂຕເລືອກດຽວທີ່ມີໂອກາດໄດ້ລົງຫຼາຍກວ່າໝູ່ ເພາະຄວາມເປັນທຳມະຊາດຂອງການຫຼິ້ນທີ່ເນັ້ນເກມບຸກຄ້າຍກັບແຣມຊີນັ້ນເອງ.
ທີ່ມາ:Arsenal.in.th,ເດັກລາວ