ການແຂ່ງຂັນບານເຕະໂຄປາ ອາເມລິກາ 2016 ຮອບຮອງຊະນະເລີດ ສະຫະລັດອາເມລິກາ ພົບກັບ ອາກຊັງຕິນ ເກມນັດນີ້ໄຊຊະນະຕົກເປັນຂອງທີມ “ຟ້າ-ຂາວ” ທີ່ໄລ່ຖະຫລົ່ມເຈົ້າພາບ ສະຫະລັດອາເມລິກາ ໄປແບບບໍ່ໄວ້ໜ້າ 4-0 ປະຕູໂດຍໄດ້ປະຕູຈາກ ເອເຊເກລ ລາເວຊຊີ່ ນາທີທີ່ 3
ສ່ວນລູກທີ່ສອງໄດ້ຈາກຟຣິີຄິກສຸດງາມຂອງ ລິໂອເນລ ເມດຊີ່ ນາທີ 32 ແລະປະຕູດັ່ງກ່າວຖືເປັນການເຮັດໃຫ້ລາວສ້າງປະຫວັດສາດເປັນນັກເຕະອາກຊັງຕິນທີ່ຍິງປະຕູຫລາຍທີ່ສຸດຂອງປະເທດແຊງໜ້າ ກາບຼຽວ ບາຕິດຕູຕ້າ ດາວຍິງລະດັບຕຳນານຂອງທີມຢູ່ທີ່ 55 ປະຕູນຳອີກ
ແລະລູກສຸດທ້າຍເປັນທາງ ກອນຊາໂລ່ ອິກວາອິນ ທີ່ເໝົາສອງປະຕູ ນາທີ 50, ນາທີ 86 ຊ່ວຍໃຫ້ ອາກຊັງຕິນ ຖະຫລົ່ມ ສະຫະລັດອາເມລິກາ 4-0 ປະຕູຜ່ານເຂົ້າສູ່ຮອບຊິງຊະນະເລີດ 3 ປີຊ້ອນ ພ້ອມກັບມີລຸ້ນຄວ້າແຊມປ໌ຫລັງຈາກທີ່ຫ່າງຫາຍໄປດົນກວ່າ 23 ປີ
