ການນັ່ງທ່າ W ທ່ານີ້ຄືການນັ່ງດ້ວຍການໃຊ້ສະໂພກຢູ່ທາງກາງ ຂາແບະອອກໄປດ້ານຂ້າງ ເຂົ່າງໍ ເດັກທີ່ນັ່ງທ່ານີ້ຈະນັ່ງໄດ້ດົນ ບໍ່ໂຍກໄປມາ ນັ່ງໄດ້ໝັ້ນຄົງ ເພາະນັ່ງໃນແບບມີສູນຖ່ວງທາງກາງ ເດັກຈະນັ່ງໄດ້ດົນ ແລະ ບໍ່ເມື່ອຍ ນັກກາຍະພາບບຳບັດໄດ້ໃຫ້ເຫດຜົນສຳຄັນວ່າ ເດັກບໍ່ຄວນນັ່ງທ່າ W ເພາະຈະສົ່ງຜົນເຖິງພັດທະນາການດ້ານຮ່າງກາຍໃນຂັ້ນສູງທີ່ຈະເກີດຂຶ້ນໃນອະນາຄົດ ຜົນເສຍທີ່ເດັກນ້ອຍຈະໄດ້ຮັບເມື່ອນັ່ງທ່າ W ມີດັ່ງນີ້

1. ເດັກທີ່ນັ່ງທ່າຕົວ W ຈະບໍ່ໄດ້ໃຊ້ກ້າມເນື້ອຫຼັງ ເພາະຈະໃຊ້ກ້າມເນື້ອກ່ອນສະໂພກ ເດັກນ້ອຍມັກຈະເສຍພັດທະ ນາການເລື່ອງສົມດຸນຂອງຮ່າງກາຍ ກ້າມເນື້ອຈະບໍ່ແຂງແຮງສົມສ່ວນ ແລະ ລົ້ມໄດ້ເລື່ອຍໆ ແລະ ຈະມີບັນຫາເລື່ອງການຊົງຕົວ ຫຼື ມີບັນຫາເມື່ອຢືນໃນພື້ນທີ່ຕ່າງລະດັບ

2. ມີບັນຫາເລື່ອງກ້າມເນື້ອ ແລະ ກະດູກທາງຫົວເຂົ່າ ແລະ ຂໍ້ຕີນ ຍ່າງຂາໜີບກັນ ຫຼື ຍ່າງທ່າເປັດ

3. ເດັກທີ່ນັ່ງທ່າ W ຈະຫັດແລ່ນບໍ່ໄດ້ຮອບຕົວ ແລ່ນໄດ້ພຽງໄປທາງໜ້າເທົ່ານັ້ນ ກ້າມເນື້ອບໍ່ໄດ້ບິດໄປທາງໃດເລີຍ ເຊິ່ງຈະສົ່ງຜົນໃນການອອກກຳລັງກາຍໃນອະນາຄົດ

ທີ່ມາ: http://www.maerakluke.com/topics/17320