ໂດຍໃນມື້ນີ້ AnTuTu ໄດ້ປ່ອຍຜົນການຈັດອັນດັບ 10 ໂທລະສັບປະຈຳເດືອນກໍລະກົດ ວ່າດ້ວຍເລື່ອງຂອງຄວາມແຮງແລະປະສິດທິພາບຂອງແຕ່ລະໜ່ວຍທີ່ວັດອອກມາເປັນຜົນຄະແນນມາໃຫ້ເຮົາຮູ້ກັນແລ້ວ, ຈະເປັນແນວໃດນັ້ນກໍສາມາດເບິ່ງນຳກັນໄດ້ທີ່ຮູບດ້ານລຸ່ມນີ້ເລີຍ.
ຈາກຮູບຂ້າງເທິງນີ້ ເຮົາຈະເຫັນໄດ້ວ່າສະມາດໂຟນ OnePlus 3 ຂຶ້ນນຳເປັນເຮືອທຸງທີ່ມີຜົນຄະແນນອອກມາຫຼາຍທີ່ສຸດທີ່ 140288 ຄະແນນ, ໂດຍສະເປັກໂດຍລວມຈະມີ ໃຊ້ງານຊິບ Snapdragon 820 ຄວາມແຮງທີ່ 2.2GHz, RAM 6GB ແລະ ROM 64GB.
ສ່ວນອັນດັບ 2 ແມ່ນມາຈາກທາງ Vivo ດ້ວຍເຄື່ອງ X5 Play Elite, ໄດ້ຄະແນນທີ່ 138706 ຄະແນນ, ດ້ວຍສະເປັກເຄື່ອງທີ່ໃຊ້ຊິບ Snapdragon 820, RAM 6GB, ROM 128 GB ແລະມາພ້ອມກັບຈໍຄວາມລະອຽດ 2K.
ອັນດັບ 3 ແມ່ນ LeEco Le Max 2 ທີ່ 138026 (ໜ້ອຍກວ່າ Vivo 700 ຄະແນນ), ສ່ວນສະເປັກແມ່ນມາພ້ອມກັບຊິບ Snapdragon 820, RAM 6GB, ROM 64GB ແລະຈໍຄວາມລະອຽດ 2K ຄືກັບວີໂວ້.
ສ່ວນລຸ້ນອື່ນໆກໍມີ Nubia Z11, ZUK Z2 Pro, Xiaomi Mi 5, Samsung S7 Edge, Apple iPhone 6S, Axon 7 ແລະປິດທ້າຍດ້ວຍ iPhone SE ຕາມລຳດັບນັ້ນເອງ.
ສຳລັບທ່ານໃດທີ່ຮັກໃນການອ່ານຂ່າວໄອທີ ແລະ ເກມ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!
ທີ່ມາ:gizmochina