ການແຂ່ງຂັນບານເຕະເອີໂຣ 2016 ນັດທີ 3 ຮອບແບ່ງກຸ່ມຂອງກຸ່ມ C ເປັນການພົບກັນລະຫວ່າງ ໄອແລນເໜືອ ພົບກັບ ເຢຍລະມັນ ໃນເວລາ 23:00 ໂມງ
ທັດສະນະ
ໄອແລນເໜືອ ມີ 3 ຄະແນນຈາກການຊະນະອູແກຣນ 2-0 ປະຕູ ໃນນເກມນັດຜ່ານມາ, ແຕ່ຖ້າຊະນະນັດນີ້ພວກພວກເຂົາຈະຂະຫຍັບຂຶ້ນໄປຕິດອັບດັບທີ 2 ທີ່ໄດ້ຜ່ານເຂົ້າຮອບຕໍ່ໄປແບບອັດໂນມັດທັນທີ, ສ່ວນທາງດ້ານ ເຢຍລະມັນ ນຳເປັນຈ່າຝູງຂອງກຸ່ມມີ 4 ຄະແນນເທົ່າກັບໂປໂລຍ ແຕ່ຜົນຕ່າງປະຕູໄດ້ເສຍດີກວ່າ 1 ລູກ ເຢຍລະມັນ ແມ່ນຈະເປັນຈ່າຝູງຂອງກຸ່ມແຕ່ກໍຈະພາດໃນເກມນີ້ບໍ່ໄດ້ເດັດຂາດ ຖ້າເສຍມີສິດຕົກໄປຢູ່ທີ່ 3 ແຕ່ວ່າລະດັບເຢຍລະມັນ ຖ້າຈົບພຽງທີ 3 ໃນຮອບແຮກ ກໍບໍ່ຕ່າງຫຍັງກັບຕ້ອງຕົກຮອບ.
ເກມນີ້ສະພາບທີມຂອງທັງ 2 ທີມຖືວ່າສົມບູນເຕັມທີ່ທັງຄູ່ ບໍ່ມີນັກເຕະເຈັບຫລືຕິດໂທດແບນ ໄອແລນເໜືອ ແລະເຢຍລະມັນ ເຄີຍພົບກັນມາກ່ອນໜ້ານີ້ 14 ເກມທຸກລາຍການ ເຢຍລະມັນ ເຮັດຜົນງານດີກວ່າຊັດເຈນ ຊະນະໄປໄດ້ເຖິງ 8 ນັດ ໄອແລນເໜືອ ຊະນະພຽງ 2 ເທື່ອເທົ່ານັ້ນ ທຽບຜົນງານທຽບຕົວນັກເຕະ ເຢຍລະມັນ ດີກວ່າໄອແລນເໜື ຫລາຍສົມຄວນ, ນັດນີ້ທີມອິນຊີເຫລັກຍັງຕ້ອງເນັ້ນຜົນການແຂ່ງຂັນ ເບິ່ງແລ້ວກໍໜ້າຈະຈັດທັບແບບເຕັມສູບ ແລະກໍໜ້າຈະເຮັດຜົນງານໄດ້ດີສົມກັບທີ່ຖືກຍົກໃຫ້ເໜືອກວ່າ