ກ່ອນທີ່ຈະເວົ້າເຖິງຮູບຫຼຸດໂຕເຄື່ອງ Vivo X7 ເຮົາມາເວົ້າເຖິງບັດເຊີນຮ່ວມງານເປີດໂຕກັນກ່ອນ ໂດຍກ່ອນໜ້ານີ້ແມ່ນທາງ Vivo ໄດ້ປ່ອຍພາບບັດເຊີນດັ່ງກ່າວອອກມາ ເຊິ່ງຈະຈັດຂຶ້ນໃນວັນທີ 30 ມິຖຸນາທີ່ຈະມາຮອດນີ້ ຢູ່ທີ່ປັກກິ່ງ ເວລາ 19:30, ໂດຍຈະເປີດໂຕ 2 ລຸ້ນໄດ້ແກ່ Vivo X7 ແລະ X7 Plus.
ໃນມື້ນີ້ເອງເຮົາກໍມີຮູບຫຼຸດຂອງ Vivo X7 ພ້ອມກັບລາຍລະອຽດສະເປັກຕ່າງໆມາຝາກ
ຈາກຮູບດ້ານເທິງເຮົາຈະເຫັນໄດ້ວ່າໂຕເຄື່ອງແມ່ນມີເຊັນເຊີ້ສະແກນນິ້ວມືຢູ່ທີ່ປຸ່ມໂຮມດ້ານໜ້າ ແລະເບິ່ງຄືວ່າຈະເປັນປຸ່ມແບບກົດ ຕ່າງຈາກຮູບທີ່ຫຼຸດອອກມາກ່ອນໜ້ານີ້ທີ່ເປັນປຸ່ມແບບສຳຜັດ.
ສ່ວນດ້ານຂອງສະເປັນແມ່ນໃຊ້ງານຊິບປະມວນຜົນອ໋ອກຕ້າຄໍ Snapdragon 652 ຄວາມແຮງຢູ່ທີ່ 1.8GHz ພ້ອມກັບ RAM 4GB. ໂຕເຄື່ອງແມ່ນໃຊ້ງານລະບົບ Funtouch OS 2.5.1 ທີ່ມີພື້ນຖານມາຈາກ Android 5.1.1 (ຖືວ່າເກົ່າແລ້ວເພາະ V3 Max ທີ່ວາງຂາຍໃນຕອນນີ້ກໍໃຊ້ Android 5.1.1 ຄືກັນ). ແຕ່ກໍຫວັງວ່າພາຍໃນງານດັ່ງກ່າວຈະມີການປະກາດກ່ຽວກັບເລື່ອງອັບເກຣດຊ໋ອບແວຣ໌ເປັນ Android 6 Marshmellow.
ຢ່າງໃດກໍຕາມເຮົາກໍຕ້ອງມາຖ້າສະຫຼຸບກັນໃນມື້ເປີດໂຕຢ່າງເປັນທາງການວັນທີ 30 ທີ່ຈະມາຮອດນີ້ນຳກັນ.
ທີ່ມາ:gizmochina,ເດັກລາວ