ເຜົ່າຕອງເຫຼືອງ ແມ່ນກຸ່ມຄົນໜຶ່ງທີ່ກຳເນີດ ແລະຕິດພັນກັບທຳມະຊາດມາແຕ່ດົນນານແລ້ວອາໄສເອົາປ່າດົງພົງໄພອັນກວ້າງ ໃຫຍ່ໄພສານເປັນບ່ອນດຳລົງຊີ ວິດໄປວັນໆ
ປະຈຸບັນກຸ່ມຄົນດັ່ງກ່າວຍັງມີຢູ່ເມືອງພຽງ ແຂວງໄຊຍະບູລີ ຈຳນວນໜຶ່ງ ຊຶ່ງແຕ່ລະປີຊົນເຜົ່ານີ້ຈະອອກມາຮ່ວມງານ ບຸນກອງເຂົ້າໃຫຍ່ເທົ່ານັ້ນ.
ພໍ່ຕູ້ ແປງ ເປັນລ່າມ ຫຼື ຫົວໜ້າ ເຜົ່າຕອງເຫຼືອງ ໃຫ້ຮູ້ວ່າ: ເຜົ່າຕອງເຫຼືອງບໍ່ມີພາສາຂຽນເຂົາເຈົ້າມີ ແຕ່ພາສາເວົ້າເປັນຂອງຕົນເອງ ແລະໃນເມື່ອກ່ອນເຜົ່າດັ່ງກ່າວ ມີປະຊາກອນຈຳນວນຫຼາຍພໍຕົກ ມາໃນຍຸກປະຈຸບັນຢູ່ເມືອງພຽງ ແຂວງໄຊຍະບູລີ ປາກົດເຫັນວ່າມີ ພົນລະເມືອງປະມານ 10 ກວ່າ ຄົນ ສາເຫດຫຼັກທີ່ເຮັດໃຫ້ຫຼຸດໜ້ອຍ ຖອຍຫຼົງອາດເປັນຍ້ອນກຸ່ມຄົນດັ່ງ ກ່າວບໍ່ໄດ້ສຸຂະພິບານຖືກຕາມຫຼັກ ການຈິ່ງເຮັດໃຫ້ຖືກກະທົບ ຈາກ ໄພທຳມາຊາດເຖິງແກ່ເສຍຊີວິດ ແນວໃດກໍດີ ເພື່ອອະນຸຮັກເຜົ່ານີ້ໄວ້ ຫົວໜ້າເຜົ່າຕອງເຫຼືອງຈະພະຍາ ຍາມເອົາໃຈໃສ່ປຸກລະດົມແນວ ຄວາມຄິດຄົນເຜົ່າດັ່ງກ່າວໃຫ້ ເຂົາເຈົ້າຫັນມາດຳລົງຊີວິດຄືກັບ ຄົນທົ່ວໄປ.
ຫົວໜ້າເຜົ່າຕອງເຫຼືອງເລົ່າໃຫ້ ຮູ້ອີກວ່າ: ວິຖີການດຳລົງຊີວີດ ຂອງເຜົ່າດັ່ງກ່າວແມ່ນອາໄສຢູ່ ຕາມພູຜາປ່າດົງມາແຕ່ໃດໆ ເຊຶ່ງກຸ່ມຄົນຈຳພວກນີ້ແມ່ນຖືເອົາທຳມະຊາດເປັນບ່ອນເພິ່ງພາການດຳລົງຊີວິດຄົນເຜົ່າຕອງເຫຼືອງບໍ່ມີທີ່ ປັກຫຼັກຖານເປັນຫຼັກແຫຼ່ງຂອງຕົນ ເອງເນື່ອງຈາກວ່າພວກເຂົາເຈົ້າ ອິງໃສ່ໃບຄໍ້, ໃບຕາວ, ໃບຕອງກ້ວຍ ທີ່ນຳມາໃຊ້ປຸກເປັນຕູບເພື່ອລົບ ແດດລົບຝົນໃນເມື່ອມັນແຮ່ວແຫ້ງ ແລ້ວເຂົາເຈົ້າກໍພາກັນເຄື່ອນຍ້າຍ ໄປບ່ອນໃໝ່ຢູ່ເລື້ອຍໆ ສ່ວນການ ກິນຢູ່ຂອງເຂົາເຈົ້າແມ່ນຫາຂຸດ ຜັກຫັກນໍ່, ຂຸດເຜືອກ, ຂຸດມັນ ກິນ ເປັນອາຫານເພື່ອປະທັງຊີວິດ ຂອງເຂົາເຈົ້າໄປວັນໆ.
ທີ່ມາຫົວຂໍ້: ໜັງສືພິມເສດຖະກິດ-ສັງຄົມ
ຂຽນໂດຍ ສົງການ 20 ມິຖຸນາ 2016 ວັດທະນະທຳ ບັນເທີງ
ຮູບພາບຈາກ: http://www.laopost.com