ການແຂ່ງຂັນບານເຕະເອີໂຣ 2016 ຮອບແບ່ງກຸ່ມ ນັດທີສອງຂອງກຸ່ມ C ເຢຍລະມັນ ພົບກັບ ໂປໂລຍ ໂດຍກໍ່ການແຂ່ງຂັນກັນທີ່ສະໜາມ “ສະຕ໊າດ ເດີ ຟລ້ອງຊ໌”
ເລີ່ມເກມເປັນທາງ ເຢຍຍລະມັນ ທີ່ຄອງບານເຮັດເກມບຸກໄດ້ຫລາຍກວ່າ ໂປໂລຍ ໃນຊ່ວງ 10 ນາທີທຳອິດຈົນຜ່ານ 20 ນາທີທາງ ໂປໂລຍ ເລີ່ມຕັ້ງເກມຂອງຕົວເອງໄດ້ ເຂົ້າສູ່ຊ່ວງທ້າຍເຄີ່ງເວລາທຳອິດທັງສອງທີມຍັງບໍ່ສາມາດເຮັດຫຍັງກັນໄດ້ ເຮັດໃຫ້ຈົບເຄີ່ງເວລາທຳອິດໄປບໍ່ມີປະຕູ 0-0
ເຂົ້າສູ່ເຄີ່ງເວລາທີ 2 ຕ່າງຝ່າຍຕ່າງປ່ຽນກັນຄອງເກມບຸກຢ່າງສູສີ ໂດຍທີ່ ໂປໂລຍ ມີໂອກາດລຸ້ນປະຕູໄດ້ດີກວ່າ ເຢຍລະມັນ ເລັກນ້ອຍ ເຂົ້າສູ່ຊ່ວງ 15 ນາທີສຸດທ້າຍເປັນທາງ ເຢຍລະມັນ ທີ່ເບິ່ງຄືດີກວ່າ ແຕ່ກໍບໍ່ສາມາດເຈາະແນວຮັບຂອງ ໂປໂລຍ ໄດ້
ຈົບເກມ ເຢຍລະມັນ ສະເໝີກັບ ໂປໂລຍ 0-0 ປະຕູ ແບ່ງກັນໄປທີມລະໜຶ່ງຄະແນນ ແລະເປັນເກມທຳອິດທີ່ບໍ່ສາມາດຍິງເຮັດປະຕູກັນໄດ້