ຫຼວງພະບາງໄດ້ຖືກຄັດເລືອກໃຫ້ເປັນ “ເມືອງຍອດນິຍົມ” ຂອງນັກທ່ອງທ່ຽວ 3 ປີຊ້ອນ 2006, 2007, 2008 ຊຶ່ງຈັດໂດຍ ວາລະສານ ການທ່ອງທ່ຽວ ”Wanderlust” ຂອງປະເທດ ອັງກິດ ແລະ ລາງວັນດັ່ງກ່າວໄດ້ຕົກມາເປັນ ຂອງ ຫຼວງພະບາງ ອີກໃນປີ 2010, 2011 ແລະ 2012.
ຫຼັງຈາກໃນປີ 2014 ເມືອງຫຼວງພະບາງໄດ້ຈັດຢູ່ໃນອັນດັບທີ 2 ຂອງເມືອງທີ່ໜ້າທ່ອງທ່ຽວທີ່ສຸດໃນໂລກ ແຕ່ສຳລັບປີ 2015 ທີ່ຜ່ານມາ ຫຼວງພະບາງກໍ່ໄດ້ກັບມາເປັນອັນດັບໜຶ່ງ ແຕ່ເປັນທີ່ໜ້າເສຍດາຍ ສຳລັບປີ 2016 ເມືອງຫຼວງພະບາງຕົກມາຢູ່ອັນດັບ 8. ການຖືກເລືອກດັ່ງກ່າວເປັນຜົນມາຈາກການສໍາຫຼວດຂອງ The Wanderlust ແຫ່ງປະເທດອັງກິດເຊິ່ງເປັນວາລະສານການທ່ອງທ່ຽວຊັ້ນນໍາຂອງໂລກທີ່ໄດ້ເປີດໂອກາດ ໃຫ້ບັນດາສະມາຊິກຂອງວາລະສານໃນທົ່ວໂລກໄດ້ເລືອກເອົາເມືອງທີ່ພວກຕົນນິຍົມຊົມຊອບຫຼາຍທີ່ສຸດ.
ສຳລັບອັນດັບໜຶ່ງຂອງປີ 2016 Wanderlust Travel Awards 2016: THE WINNERS Top City ແມ່ນເມືອງ ຮອຍອານ “Hoi An” ປະເທດຫວຽດນາມ ເຊິ່ງໄດ້ຄະແນນ 98.5%, ອັນດັບ 2 ແມ່ນ ເມືອງ Tromso ປະເທດນໍເວ 98.33%, ອັນດັບ 3 ເມືອງບາການ ປະເທດມຽນມາ 96.92% ສຳລັບເມືອງຫຼວງພະບາງ ແມ່ນມີຄະແນນ 94.67% ຕົກມາຢູ່ໃນອັນດັບທີ 8 ໃນປີ 2016 ນີ້.
ທີ່ມາ: ເສດຖະກິດ-ການຄ້າ
ພາບຈາກ: www.google.co.th