ອັດເມຍ ເມເມດີ້ ຊັດເຕັມຂໍ້ຢ່າງງາມຊ່ວຍໃຫ້ ສະວິດເຊີແລນ ສະເໝີ ໂຣມານີ 1-1 ປະຕູແບ່ງກັນໄປທີມລະ 1 ຄະແນນ ໃນບານເຕະເອີຣົບ 2016
ເລີ່ມເກມມານາທີ 18 ໂຣມານີ ໄດ້ຈຸດໂທດເມື່ອ ສະເຕຟານ ລິຊສະໄຕເນີ ໄປດຶງເສື້ອຂອງ ອາເລັກຊານດຣູ ຊິບຊິອູ ໃນເຂດໂທດບໍ່ຍອມປ່ອຍ ເຮັດໃຫ້ ເຊີເກ ຄາລາເຊຟ ເປົ່າຟາວແລະຊີ້ເປັນຈຸດໂທດທັນທີກ່ອນທີ່ ບັອກດານ ສະຕານຄູ ຈະຮັບຫນ້າທີ່ສັງຫານເຂົ້າໄປ 1-0 ປະຕູ
ຈາກນັ້ນນາທີ 57 ສະວິດເຊີແລນ ນຳຕີສະເໝີຈົນໄດ້ຈາກຈັງຫວະເຕະມຸມແລ້ວ ໂຍຮັນ ຊູລູ ໂໝ່ງບານໃຫ້ ອັດເມຍ ເມເມດີ້ ຍິງດ້ວຍຊ້າຍເຕັມຂໍ້ທາງດ້ານຊ້າຍຜ່ານມື ຊິປຽນ ຕາຕາລູຊານູ ເຂົ້າປະຕູ 1-1 ປະຕູ
ຈົບເກມການແຂ່ງຂັນ ໂຣມານີ ສະເໝີກັບ ສະວິດເຊີແລນ 1-1 ປະຕູ ແບ່ງກັນທີມລະ 1 ຄະແນນ
