ບານເຕະຊິງແຊ້ມແຫ່ງຊາດເອີຣົບ ເອີໂຣ 2016 ຮອບແບ່ງກຸ່ມ ກຸ່ມ B ວັນພຸດທີ 15 ມິຖຸນາ 2016 ຣັດເຊຍ ທີມອັນດັບ 3 ຂອງກຸ່ມ ພົບກັບ ສະໂລວາກີ ທີມທ້າຍຂອງຕາລາງ ເວລາ 20:00 ໂມງ
ທັດສະນະ
ຣັດເຊຍ ຟອມທີ່ຜ່ານມາບໍ່ຄ່ອຍດີປານໃດ ໂດຍເກມທຳອິດລອດຕາຍຢ່າງຫວຸດຫວິດ ຫລັງໄດ້ປະຕູໃນຊ່ວງທົດເຈັບຈາກ ອາເລັກເຊ ເບເລຊຸສະກີ້ ຊ່ວຍຕີສະເໝີອັງກິດ 1-1 ປະຕູ ໂດຍໃນເກມນັດນີ້ ໄດ້ ເດນິດ ກລູຊາຄອຟ ແລະ ໂລມັນ ຊິໂຣຄອຟ ສອງດາວເຕະຕົວເກົ໋າ ທີ່ເປັນແຄ່ສຳຮອງໃນເກມກ່ອນ ກັບມາເປັນ 11 ຕົວຈິງ ຮູບເກມຄາດວ່າທີ”ໝີຂາວ”ຈະເປັນຝ່າຍບຸກເຂົ້າໃສ່ຢ່າງແນ່ນອນ ໂດຍລູກກາງອາກາດຍັງຄົງເປັນຈຸດເດັ່ນຂອງທີມ
ທາງດ້ານຂອງ ສະໂລວາກີ ເສຍໃນເກມນັດທຳອິດໃຫ້ກັບເວວສ໌ ມາ 2-1 ປະຕູ ໂດຍສະພາບທີມຕອນນີ້ຍັງຕ້ອງລໍເບິ່ງອາການຂອງສອງຜູ້ຫລິ້ນຄົນສຳຄັນຢ່າງ ໂທມັດ ຮູໂບຊານ ແບັກຊ້າຍ ແລະ ນໍເບີດ ກີຍອມເບີ ກອງຫລັງຈາກໂຣມ່າ ມາຕິນ ສະເຄີເທນ ກັບຕັນທີມຍັງຄົງເປັນກຳລັງຫລັກຂອງທີມ ຄວບຄຸມແຜງແນວຮັບຄູ່ກັບ ຍູລາຍ ຄຸດກ້າ ໂດຍມີ ອາດຳ ເນເມດ ເປັນສູນຫນ້າ ແລະມີ ໂລເບີດ ມັກ, ມາເລັກ ຮຳຊິກ, ວະລາດິເມຍ ໄວສ໌ ຖ້າສ້າງສັນເກມໃຫ້ ຮູບເກມນີ້ຄາດວ່າຈະເປັນການຄອງເກມ ໂດຍແນວບຸກໄວ້ໃຈໄດ້ຫລາຍກວ່າຣັດເຊຍໜ້ອຍໜື່ງມີໂອກາດຊະນະ