ນີ້ເປັນອີກນຶ່ງພາບຄວາມປະທັບໃຈແກ່ຜູ້ທີ່ໄດ້ພົບເຫັນ ນາງສາວລາວ 2015 ນາງ ສຸຕິລັກ ອິນທະວົງ ກັບການເຮັດກິດຈະກຳຊ່ວຍເຫຼືອສັງຄົມ ແບບນີ້ທີ່ເຂົາເອີ້ນວ່າ ແມ່ຍິງລາວ ງາມທັງກາຍ ງາມທັງໃຈ
ສຸຕິລັກ ອິນທະວົງ ຫຼື ນາງສາວລາວ 2015 ໄດ້ເດີນທາງໄປແບ່ງປັນນ້ຳໃຈໃຫ້ແກ່ຄົນທຸກຍາກ ແລະ ຄົນພິການ ທີ່ເມືອງ ປາກເຊ, ແຂວງ ຈຳປາສັກ ໃນໂຄງການມອບແສງສະຫວ່າງທາງສາຍຕາ ແລະ ມອບລໍ້ເລື່ອຍໃຫ້ຜູ້ພິການ ໂດຍການໃຫ້ທຶນຊ່ວຍເຫຼືອ ແລະ ມອບລໍ້ເລື່ອນໃຫ້ຄົນພິການ ຈາກມູນລະນິທິ ຊ່ວຍເຫຼືອຄົນທຸກຍາກແຫ່ງ ສປປລາວ, ສາຂານະຄອນຫລວງວຽງຈັນ ໃນວັນທີ 07 ພຶດສະພາ 2016, ທີ່ຜ່ານມາ ເຊິ່ງໄດ້ສ້າງຮອຍຍິ້ມ ແລະ ຄວາມປະທັບໃຈເປັນຢ່າງຍິ່ງໃຫ້ແກ່ຊາວຈຳປາສັກຜູ້ທີ່ພົບເຫັນ ເຊິ່ງມີປະຊາຊົນຜູ້ທຸກຍາກ ແລະ ຄົນພິການທີ່ເຂົ້າມາຮັບກາຍຊ່ວຍເຫຼືອໃນຄັ້ງນີ້ມີທັງຫມົດ175 ຄົນ.
