ຊາວເມືອງທົ່ງມີໄຊ ແຂວງໄຊຍະບູລີ ຂໍເຊີນຊວນ ຍາດຕິພີ່ນ້ອງ ລຸງ,ປ້າ,ອາວ,ອາ ທີ່ຢູ່ໃນປະເທດ ແລະ ຕ່າງປະເທດ ໂດຍສະເພາະແມ່ນພີ່ນ້ອງ ເຊື້ອສາຍຊາວເມືອງທົ່ງມີໄຊ ໄປເຂົ້າຮ່ວມງານຈູດບັ້ງໄຟຖວາຍພະທາດນາງສາມຜິວ ເຊິ່ງຈະໄດ້ຈັດຂຶ້ນຢູ່ ບ້ານທາດ ເມືອງທົ່ງມີໄຊ ແຂວງໄຊຍະບູລີ ພາຍໃນງານຈະໄດ້ມີກິດຈະກຳຕ່າງໆ ຫຼາກຫຼາຍ ຂໍເຊີນທ່ານໄປສຳຜັດດ້ວຍໂຕຂອງທ່ານເອງ.
ງານດັ່ງກ່າວນັ້ນຖືກຈັດຂຶ້ນທຸກໆ ປີ ໂດຍປະຊາຊົນຈະພ້ອມພຽງກັນເຮັດບັ້ງໄຟດ້ວຍສັດທາ ລວມກັນນັບພັນບັ້ງເພື່ອໄປລວມກັນຖວາຍພະທາດນາງສາມຜິວ. ໃນຂະນະທີ່ປີນີ້ ຈະຈັດຂຶ້ນໃນວັນທີ 23 ເມສາ 2016 ນີ້.
