spot_img
Homeອຸບັດເຫດແລະປາກົດການຫຍໍ້ທໍ້ລົດໃຫຍ່ເສຍຫລັກຕຳກົກໄມ້

ລົດໃຫຍ່ເສຍຫລັກຕຳກົກໄມ້

Published on

ໃນວັນທີ 30/3/16 ເວລາ 15:01ໂມງ ໄດ້ເກີດເຫດລົດ ກະບະ ຮຸນໄດ ສີປອນ ເສຍຫລັກຕຳກົກໄມ້ ຢູ່ສີ່ແຍກໄຟແດງໂຊກນ້ອຍ (ເສັ້ນທາງ 450ປີ) ສາເຫດຂອງການເກີດອຸບັດຕິເຫດໃນຄັ້ງນີ້ແມ່ນ ຄົນຂັບຈະເອົາລົດເຂົ້າໄປກ້ອງຫົ່ມໄມ້ ແຕ່ຫຼົງຢຽບຄັນເລັ່ງລົດແທນຄິດວ່າເປັນເບກລົດ ເລີຍເຮັດໃຫ້ລົດແລ່ນໄປອັດໃສ່ກົກໄມ້ເຕັມໆ ພາບເລີຍອອກມາຢ່າງທີ່ເຫັນ ເຊິ່ງຊາວບ້ານໄດ້ໂທໃຫ້ໜ່ວຍກູ້ໄພມູນນິທິຊ່ວຍເຫລືອຄົນທຸກຍາກແຫ່ງ ສປປ ລາວ ແລະ ຫນ່ວຍກູ້ໄພນາຄາ ມາຊ່ວຍ ໃນເຫດການດັ່ງກ່າວ.

ມີຄົນບາດເຈັບ 2 ຄົນ ແຕ່ຄົນຂັບຕິດຢູ່ພາຍໃນລົດ 1ຄົນ (ເບື້ອງຄົນຂັບ) ສ່ວນອີກ 1 ຄົນເບື້ອງຄົນນັ່ງອອກຈາກລົດໄດ້ ທາງຫນ່ວຍກູ້ໄພມູນນິທິຊ່ວຍເຫລືອຄົນທຸກຍາກແຫ່ງ ສປປ ລາວ ໄດ້ເຂົ້າໄປຊ່ວຍເຫຼືອຄົນຂັບລົດທີ່ຕິດຢູ່ ໂດຍໃຊ້ເຄື່ອງ ຕັດງັດ ຊ່ວຍຄົນເຈັບອອກມາໄດ້ໃນທີ່ສຸດ.

ຜູ້ຕິດຢູ່ໃນລົດເປັນເພດຊາຍ ອາຍຸ 38ປີ ປະຈຸບັນຢູ່ ບ້ານດຸງ ເມືອງໄຊເສດຖາ ນະຄອນຫລວງວຽງຈັນ ອາການເບື້ອງຕົ້ນ ຂາໄຂ່ທັງສອງເບື້ອງ ມີບາດເປີດຢູ່ຂາຊ້າຍ ສ່ວນຄົນທີ 2 ແມ່ນໄດ້ຮັບບາດເຈັບເລັກໜ້ອຍ

ຄົນເຈັບທັງສອງທາງທີມງານຫນ່ວຍກູ້ໄພນາຄາແມ່ນເປັນຝ່າຍຮັບຜິດຊອບນຳສົ່ງທັງສອງຄົນແມ່ນ ນຳສົ່ງໂຮງຫມໍມິດຕະພາບ 150ຕຽງ

ອຸບັດຕິເຫດເກີດໄດ້ທຸກເວລາໃນຍາມທີ່ເຮົາຂາດສະຕິ ຈົ່ງມີສະຕິໃນການຂັບລົດທຸກຄັ້ງເພື່ອຄວາມປອດໄພຂອງຊີວິດ ແລະ ຊັບສິນຂອງທ່ານ.

 

ແຫລ່ງຂ່າວຈາກ: ຫນ່ວຍກູ້ໄພມູນນິທິຊ່ວຍເຫລືອຄົນທຸກຍາກແຫ່ງ ສປປ ລາວ

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...