ແຟຊັ່ນກັບລາວໂພສຕ໌ວັນນີ້ ເຮົາມາປ່ຽນປັນຍາກາດກັນຫຼາຍເຕີບ ເພາະທີ່ຜ່ານມາພວກເຮົາຈະນຳສະເໜີກ່ຽວກັບການແຕ່ງຕົວຂອງຍິງ-ຊາຍ ຫຼື ອື່ນໆ ແຕ່ວັນນີ້ພວກເຮົາຂໍມາເອົາໃຈຄົນຮັກລົດກັນແນ່ຈັກໜ່ອຍ ໂດຍການນຳສະເໜີແຟຊັ່ນລົດຂອງແຕ່ລະລຸ້ນ ແລະ ມື້ນີ້ເຮົາຈະມາຮູ້ຈັກກັບ Lamborghini Huracan 2016 LP610-4 ທີ່ຫາກໍ່ເປີດໂຕພາຍໃນຕົ້ນເດືອນນີ້ ຮັບຮອງເລີຍວ່າຄົນທີ່ຮັກລົດ Lamborghini ບໍ່ຜິດຫວັງແນ່ນອນ.

LP 580-2 ລາຄາເລີ່ມຕົ້ນ 22.8 ລ້ານບາດ ສຳລັບ LP 610-4 ລາຄາເລີ່ມຕົ້ນທີ່ 24.8 ລ້ານບາດ ສຳລັບປບບສໄປເດີຣ໌ລາຄາເລີ່ມຕົ້ນພຽງ 26.8 ລ້ານບາດ.

ລະບົບຂັບເຄື່ອນສີ່ລໍ້ ໄດ້ຮັບການພັດທະນາໃຫ້ຂັບດ້ວຍຄວາມໄວຍິ່ງຂຶ້ນ ໂດຍສະເພາະເມື່ອໃຊ້ໝວດ Strada ໃນການຂັບເຖິງຖະໜົນ ຈຸດເດັ່ນຢູ່ທີ່ປະສິດທິພາບທີ່ຊົງພະລັງຂຶ້ນ ການເພີ່ມອີກລະດັບຂອງຄວາມຫລູຫລາ.

ຮູຣາຄານ  LP 610-4 ຍັງມີສີໃຫ້ເລືອກຫຼາຍຂຶ້ນ ລົງໂມເດລມາດຕະຖານມາພ້ອມກັບເບາະໜັງ ຕັ້ງແຕ່ທີ່ຈັບປະຕູເຖິງດ້ານເທິງຂອງຄອນໂຊລ ຊ່ອງລະບາຍອາກາດໃຊ້ສີດຳດ້ານສ້າງຄວາມຫລູຫຼາ

ນອກຈາກນີ້ຍັງມີໂປແກຣມ Ad Personam ອັນໂດ່ງດັບຂອງແບຣນ ແລັມໂບກີນີ ຍັງນຳສະເໜີອຸປະກອນຕົບແຕ່ງເສີມທີ່ມີໃຫ້ເລືອກເພີ່ມຂຶ້ນ ເພື່ອຜູ້ຂັບໄດ້ຄອບຄອງລົດທີ່ສະທ້ອນຄວາມເປັນຕົວຕົນຫຼາຍທີ່ສຸດ ເຊັ່ນລະບົບສຽງ Sensonum ຂະໜາດ 390 ວັດຕ໌ RMS ພ້ອມເຄື່ອງຂະຫຍາຍສຽງ 12 ຊ່ອງທາງ ແລະ ລຳໂພງ 10 ໜ່ວຍ ຮູບຫົກລ່ຽມປະທັບຕາ Sensonum ແບບພິເສດສຸດສຳລັບ ຮູຣາຄານ LP 610-4 ໂດຍສະເພາະ ຫຼື ເລືອກປ່ຽນມາໃຊ້ລະບົບທໍ່ໄອເສຍສະປອດຣ໌ທີ່ມາພ້ອມສີດຳວາວ ສ້າງຄວາມຊົງພະລັງ.

ໄຟ LED ໃໝ່ ໃນຫ້ອງເຄື່ອງສາມາດປ່ຽນມາໃຊ້ຮ່ວມກັບຫ້ອງເຄື່ອງຄາຣ໌ບອນໄຟເບີຣ໌ ແລະ ຝາກະໂປ່ງລົດແບບໂປ່ງໃສ ຫຼື ສາມາດເພີ່ມລະບົບບລັອກຄວາມໄວຂັບຂີ່ ຫຼື ເພີ່ມພື້ນທີ່ເກັບເຄື່ອງ ຫຼື ເລືອກເພີ່ມສາຍຊາກແບັກໃນລົດຂະໜາດ 12 V ຫຼື ເລືອກເພີ່ມທີ່ວາງຈອກກໍ່ໄດ້.

ນອກຈາກນີ້ ຍັງມີຮູຣາຄານ LP 580-2 ທີ່ເປີດໂຕເມື່ອປາຍປີ 2015 ດ້ວຍມີຄຸນສົມບັດລັກສະນະຮູບແບບດຽວກັບ LP 610-4 ແຕ່ຜ່ອນຄວາມແຮງລົງໃຫ້ເຫຼືອ 580 ແຮງມ້າ ເໝາະກັບການຂັບເຄື່ອນລໍ້ຫຼັງ ພາຍໃຕ້ຄອນເຊັບ Fun-to Drive ที่ເຮັດໃຫ້ 580-2 ເປັນອີກສະໄຕລ໌ທີ່ເຂົ້າເຖິງໄດ້ ແລະ ຍັງໃຫ້ຄວາມໄວສູງສຸດເຖິງ 320 ກິໂລແມັດຕໍ່ຊົ່ວໂມງ ມາໃຫ້ເປັນອີກທາງເລືອກໜຶ່ງຂອງຄົນຮັກແລັມໂບກິນີ

ມື້ນີ້ເຮົາກໍ່ມາຮູ້ຈັກລົດສຸດຫລູຢ່າງLamborghini Huracan 2016 LP610-4 ແລະ LP580-2 ກັນແລ້ວ ໂປດຕິດຕາມຕໍ່ໄປວ່າຄັ້ງໜ້າພວກເຮົາຈະເອົາລົດລຸ້ນໃດມານຳສະເໜີທ່ານໃຫ້ຮູ້ຈັກອີກ.

ຂໍ້ມູນຈາກ ເວັບໄຊ໌ ໄນ໌ຄຣາໄທ.ຄອມ