ຍັງ​ຄົງ​ມີ​ຂ່າວ​ຄາວ​ທີ່​ໜ້າ​ສົນ​ໃຈ​ໃໝ່​ໆ ໃນ​ແວ​ດວົງໄອ​ທີມາ​ໃຫ້​ໄດ້​ຕິດ​ຕາມ​ກັນ​ເຊັ່ນ​ເຄີຍ ກໍ​ຍັງ​ຄົງ​ມີ​ຂ່າວ​ລື​ອອກ​ມາ​ໃຫ້​ເຮົາ​ໄດ້​ເຫັນ​ກັນ​ກ່ຽວກັບສະ​ມາດ​ໂຟນລຸ້ນ​ຕໍ່ໄປຂອງ  Samsung ຢ່າງ Samsung Galaxy S7 ທີ່​​ອອກ​ມາ​ເລື້ອຍ​ໆຫລາຍ​​ແທ້ໆ ໂດຍ​ຂໍ້​ມູນ​ທີ່​ມີ​ອອກ​ມາ​ນັ້ນ​ບອກ​ດ້ວຍ​ວ່າ ທາງ Samsung ເອງ​ມີ​ແຜນ​ທີ່​ຈະ​ຜະລິດ  Samsung Galaxy S7 Premium Edition ລຸ້ນ​ພິເສດ​ທີ່​ມີ​ຄຸນສົມບັດ​ຕົວ​ເຄື່ອງ​ອັນ​ສຸດ​ຍອດ​ອອກ​ມາ​ອີກ​ດ້ວຍ​, ເວັບ​ໄຊຕ໌ Weibo ຈາກ​ຈີນ​ລາຍ​ງານ​ວ່າ Samsung Galaxy S7 Premium Edition ນັ້ນ​ຈະ​ເປັນສະ​ມາດ​ໂຟນລຸ້ນ​ພິເສດ​ທີ່​ທາງ Samsung ຈະ​ຜະລິດ​ອອກ​ມາ​ດ້ວຍ ໂດຍ​ຈະ​ມາ​ພ້ອມ​ກັບ ຊິບ​ເຊັດ Exynos 8890 ລຸ້ນ​ພິເສດ ແລະ​ຊິບ​ກາບ​ຟິກ (GPU) Mali-T880 ທີ່​ມີ​ແກນ​ປະ​ມວນ​ຜົນ​ຫລາຍ​ເຖິງ 14 ແກນ

ບໍ່​ພຽງ​ເທົ່າ​ນັ້ນ​ ຂໍ້​ມູນ​ຍັງ​​ບອກອີກ​ດ້ວຍ​ວ່າ ໜ້າ​ຈໍ​ສະແດງ​ຜົນ​ຂອງ Samsung Galaxy S7 Premium Editionນັ້ນ​ຈະ​ມີ​ຄວາມ​ລະອຽດ​ສູງ​ລະ​ດັບ   Ultra HD 4K ພ້ອມ​ດ້ວຍ ກ້ອງ​ດິ​ຈິ​ຕ້ອນ​ດ້ານ​ຫລັງ​ແບບ​ຄູ່ ຈາກ  Sony ອີກ​ດ້ວຍ

​ແຕ່​ຈະ​ຢ່າງໃດ​ກໍ​ຕາມ ນີ້​ກໍ​ຍັງ​ຄົງ​ເປັນພຽງ​ແຕ່​ຂ່າວ​ລື​ເທົ່າ​ນັ້ນ ຊຶ່ງ​ຈະ​​ຢ່າງໃດ​ນັ້ນ​ເຮົາ​ກໍ​ຍັງບໍ່ຮູ້​ ເພາະ​ທາງ Samsung ກໍ​ບໍ່​ໄດ້​ອອກ​ມາ​ຢືນຢັນ​ກ່ຽວກັບ​ເລື່ອງ​ນີ້​ແຕ່​ຢ່າງ​ໃດ ແຕ່​ມັນ​ກໍ​ນ່າ​ຈະ​ມີ​ຄວາມ​ເປັນ​ໄປ​ໄດ້​ຢູ່​ເຊັ່ນ​ກັນ